Neˬhaˬmiˇ 13:29 - Akha

²⁹ Miˬyehˇ-oˇ, piˇ ma-euˬ aˇ yaˬ-ahˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nawˬ neh jaˇ taˬ-euˬ saˇ jaˇ-ahˇ maˬ ehˇ, tsawˇ haˬ kʼoeˇ deuˬ yawˬ ha-euˬ aˇ yaˬ-ahˇ yehˬ bawˬ sehˇ lu-ehˇ gʼeh-euˬ gaˇ taˬ ngehˇ nehˬ.

Neˬhaˬmiˇ 13:29 Iomraidhean Croise

Neˬhaˬmiˇ 6:14

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, Tawˇbyaˬ hawˇ-eu Sahˬbaˬlaˆ aˬ nyaꞈ neh ngaˬ-ahˇ mˇ nehˬ laꞈ-euˬ gaˇ maˬ ngehˇ ni aˬ yawꞈ nyaꞈ-ahˇ kʼehˬ nehˬ-awˬ. Nawˇ diˇ lehˇ myahˇ-euˬ zaˬ miˬ zaˬ kʼoeˇ gʼaˬ hawˇ-eu ngaˬ-ahˇ guˆ ciˬ nyehꞈ-eu lehˇ kʼaˇ leh jeh-euˬ nawˬ-euˬ gʼaˇ duˬ ngehˬ dah-eu kʼoeˇ deuˬ-ahˇ kʼawꞈ maˬ kʼehˬ nehˬ ni taˬ byehˇ nehˬ laꞈ.”

Uˬ duˬ 21:15

Kʼoeˇ loꞈ-ehˇ maˬ ngeuˇ naˇ, yaw muiˬ yaw shawˇ tsawˇ haˬ ya bi pyeuꞈ-eu aˬ yawꞈ-euˬ zaˬ deuˬ-aˬ, maˬ muiˬ maˬ shawˇ ni pyeuꞈ-iˇ tehꞈ-a. Ngaˇ-aˬ, Sahˬpaˬ Miˬyehˇ pyeuꞈ-awˇ, Piˇ ma Yaw huiˬ gʼaˬ bi geuꞈ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, aˬ yawꞈ-ahˇ tseˇ doˆ-euˬ ma.”

Uˬ duˬ 21:23

Ehˇ kʼawꞈ, aˬ yawꞈ maꞈ-euˬ gʼawˇ mawˇ aˇ sehˇ iˬ baˇ taˬ kʼaˇ za-eu miˇ neh, muiˬ-eu shawˇ-eu saˬ paˇ lawˆ kaˬ dawˬ peh maˬ ehˇ, lawˇ duˬ dawˬ peh maˬ ehˇ, maˬ ya le-a. Kʼoeˇ loꞈ-ehˇ jahˇ-awˇ, muiˬ-eu shawˇ-eu jeˬ-ahˇ aˬ yawꞈ maꞈ maˬ ya laˆ jawꞈ-a. Aˬ jeˬ miˇ neh ehˇ naˇ, ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.”

Uˬ duˬ 21:8

Piˇ ma-aˬ, yaw muiˬ yaw shawˇ meh lehˇ tsawˇ haˬ dawˬ tawˆ luꞈ ya siˬ nya meh. Aˬ jeˬ miˇ neh ehˇ naˇ, aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ-eu tsawˇ haˬ pyeuꞈ-eu meh. Ngaˇ-aˬ, Sahˬpaˬ Miˬyehˇ ma. Ngaˇ-aˬ, muiˬ-eu shawˇ-eu gʼaˬ pyeuꞈ-awˇ, ngaˬ-euˬ tsawˇ haˬ deuˬ-ahˇ bi muiˬ bi shawˇ-eu ma.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.