Neˬhaˬmiˇ 13:25 - Akha

²⁵ Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Neˬhaˬmiˇ 13:25 Iomraidhean Croise

2 Sahˬpaˬ 2:24

Eˇliˇshehˇ naˇ kʼah ciˬ pyawˇ-awˇ, aˬ yawꞈ maꞈ-ahˇ lmˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ yaˬ kʼehˇ yaˬ nehˬ-euˬ meh. Kʼoeˇ ngeh, kʼaˬ hmˇ aˬ ma nyiˬ mawˇ aˇ bawˇ sahˬ kʼaˆ-ahˇ neh doˆ le-awˇ, aˬ li zaˬ guˬ oeˬ tseˇ nyiꞈ gʼaˬ-ahˇ kawꞈ sehꞈ-euˬ meh.

Eˇzaˬlaˬ 10:5

Kʼoeˇ naˇ, piˇ ma deuˬ kʼoeˇ taˆ aˬ yuiꞈ aˬ tsu geuꞈ-eu deuˬ-ahˇ maˬ ehˇ, Leˬbiˇ tsawˇ haˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ-ahˇ maˬ ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ maˬ ehˇ, Sheˬkaˬniˇ kʼaˇ ehˇ-euˬ loꞈ-ehˇ mˇ ma lehˇ Eˇzaˬlaˬ neh saˇ jaˇ bi dzaˬ-euˬ meh.

Eˇzaˬlaˬ 7:26

Nawˬ-euˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ maˬ ehˇ, ngaˬ-euˬ miˇ kʼahˬ kʼahˬ ma-euˬ zahˇ dawˬ kʼoꞈ dawˬ deuˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ jawˇ naˇ, maˬ nyi naˬ ni tiˬ poˆ tehꞈ-ehˇ kʼehˬ nehˬ kʼaˆ nehˬ-awˬ. Sehꞈ-eu laꞈ kʼoeˇ maˬ ehˇ, miˇ kʼahˬ laꞈ kʼoeˇ neh teh dzeh-eu laꞈ kʼoeˇ maˬ ehˇ, pyuˇ shuiˇ myawˬ gahˬ dawˬ tawˆ luꞈ yuˇ jiˇ nehˬ-eu laꞈ kʼoeˇ maˬ ehˇ, paꞈ kuˆ-ahˇ dawˆ-eu laꞈ kʼoeˇ maˬ ehˇ, kʼehˬ nehˬ kʼaˆ nehˬ-awˬ.”

Neˬhaˬmiˇ 13:11

Uˬ duˬ tahˬ nymˇ nymˇ ma-ahˇ maˬ haw ni kʼoeˇ loꞈ-ehˇ byehˇ dzeh taˬ-euˬ miˇ neh, yaw huiˬ yaw mahˇ deuˬ-ahˇ ngaˇ dehˬ-awˇ, Leˬbiˇ tsawˇ haˬ deuˬ hawˇ-eu caˇ dawˬ caˇ-eu deuˬ-ahˇ Uˬ duˬ tahˬ nymˇ nymˇ ma-ahˇ paˇ sheuˬ kʼoꞈ laꞈ-awˇ, gaˇ bi mˇ-euˬ ma.

Neˬhaˬmiˇ 13:17

Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˇ dehˬ-awˇ heu loꞈ-ehˇ ehˇ nehˬ-euˬ ma. “Naw maꞈ neh mˇ-euˬ maˬ muiˬ maˬ jaˬ-eu jeˬ-ahˇ haw sheˇ. Jawˇ nah-ahˇ maˬ muiˬ maˬ shawˇ ni naw maꞈ mˇ luꞈ-eu meh.

Neˬhaˬmiˇ 13:24

Aˬ yawꞈ maꞈ-euˬ zaˬ tiˬ paˆ-aˬ, Aˬshaˬdoˇ dawˬ hawˇ-eu tsawˇ jeuˬ nui deuˬ-euˬ dawˬ ngehˬ-awˇ, Yuˇdaˆ dawˬ maˬ ngehˬ nya-a.

Neˬhaˬmiˇ 5:13

Kʼoeˇ naˇ, ngaˬ-euˬ joꞈ-ahˇ paꞈ luꞈ-eu pawˬ behˆ ngaˇ lehˆ doˆ-awˇ, aˬ yawꞈ maꞈ mehˬ shi byuˬ kʼaˇ mehˬ nehˬ-awˇ heu loꞈ-ehˇ ehˇ nehˬ-euˬ ma. “Yawˬ ha neh saˇ jaˇ dzaˬ taˬ-euˬ loꞈ-ehˇ maˬ mˇ-eu tsawˇ haˬ-ahˇ Miˬyehˇ heu loꞈ-ehˇ byuˬ kʼaˇ nehˬ tehꞈ-a. Naw maꞈ-euˬ nymˇ deuˬ hawˇ-eu naw maꞈ kʼaˇ jaˆ-eu yawˬ jeˬ na luꞈ-ahˇ Miˬyehˇ yuˇ kʼoꞈ jiˇ-awˇ, tiˬ jeˬ-iˬ maˬ jaˆ ni bi jawˇ nehˬ laꞈ tehꞈ-a.” Kʼoeˇ ngeh, kʼoeˇ gaˇ kʼaˇ uiˬ laˇ-euˬ yawˬ gʼaˬ na luꞈ, “Aˬmiˬ” lehˇ ehˇ-awˇ, Sahˬpaˬ miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yuiꞈ aˬ tsu deuˬ kʼawꞈ yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ mˇ-euˬ meh.

Neˬhaˬmiˇ 5:6

Aˬ yawꞈ maꞈ kʼoeˇ loꞈ-ehˇ toˇ luꞈ gaˇ ngaˇ ya gaˬ ngeh, nui ma pehˇ dui dui-euˬ ma.

Jaceuq 119:53

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ puiˬ ngeh, ngaˇ nui ma maˬ saˇ nya.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Dawˬmehˬ 6:13

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˇ, aˬ yawꞈ-ahˇ tehꞈ-ehˇ uˬ duˬ tahˬ-eu laꞈ kʼoeˇ, aˬ yawꞈ-euˬ tsawˇ myahˇ uˬ moˆ tehꞈ-ehˇ naw maꞈ saˇ jaˇ dzaˬ-awˬ.

Dawˬmehˬ 7:3

Gʼawˬ shaˬ kʼawꞈ taˬ gaˬ nehˬ. Aˬ yawꞈ maꞈ nehˬ-ehˇ taˬ sheuˬ dahˬ dzaˬ. Naw maꞈ-euˬ zaˬ deuˬ kʼawꞈ aˬ yawꞈ maꞈ-euˬ zaˬ deuˬ nehˬ-ehˇ taˬ bi sheuˬ dahˬ dzaˬ.

Yawˇshuˆ 23:12

Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,