Neˬhaˬmiˇ 13:21 - Akha

²¹ Aˬ yawꞈ maꞈ-ahˇ ngaˇ heu loꞈ-ehˇ ehˇ-awˇ yaw kʼaˆ-ehˇ mehˬ nehˬ-euˬ ma. “Naw maꞈ teu gaˇ uˬ bya loꞈ bya-eu tiˬ jeˬ-iˬ gaˇ dahˇ maˬ tsoeˬ-a. Yawˬ poˆ yawˬ toˆ-ehˇ paˇ jahˇ naˇ nyehꞈ ma” lehˇ ehˇ nehˬ-euˬ ma. Kʼoeˇ ngeh poˆ neh naˇ, Jawˇ nah-ahˇ aˬ yawꞈ maꞈ maˬ laˇ ni byehˇ-euˬ meh.

Neˬhaˬmiˇ 13:21 Iomraidhean Croise

Eˇzaˬlaˬ 7:26

Nawˬ-euˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ maˬ ehˇ, ngaˬ-euˬ miˇ kʼahˬ kʼahˬ ma-euˬ zahˇ dawˬ kʼoꞈ dawˬ deuˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ jawˇ naˇ, maˬ nyi naˬ ni tiˬ poˆ tehꞈ-ehˇ kʼehˬ nehˬ kʼaˆ nehˬ-awˬ. Sehꞈ-eu laꞈ kʼoeˇ maˬ ehˇ, miˇ kʼahˬ laꞈ kʼoeˇ neh teh dzeh-eu laꞈ kʼoeˇ maˬ ehˇ, pyuˇ shuiˇ myawˬ gahˬ dawˬ tawˆ luꞈ yuˇ jiˇ nehˬ-eu laꞈ kʼoeˇ maˬ ehˇ, paꞈ kuˆ-ahˇ dawˆ-eu laꞈ kʼoeˇ maˬ ehˇ, kʼehˬ nehˬ kʼaˆ nehˬ-awˬ.”

Neˬhaˬmiˇ 10:32

Uˬ duˬ tahˬ nymˇ nymˇ ma laꞈ kʼoeˇ bi zmˬ-eu gʼaˇ duˬ, yawˬ gʼaˬ na luꞈ tiˬ kʼoꞈ-euˬ pyuˇ tiˬ ja-euˬ smˬ bymˇ tiˬ bymˇ damˬ ma.

Neˬhaˬmiˇ 13:15

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ zaˬ deuˬ jawˇ nah-ahˇ aˬ gaꞈ dzaˇ uiˇ nawˬ luꞈ-eu ngaˇ ya mawˇ-euˬ ma. Tiˬ paˆ na deuˬ-aˬ, cehˇ, aˬ gaꞈ dzaˇ uiˇ, aˬ gaꞈ aˇ siˬ, siˬ guˬ aˇ siˬ hawˇ-eu aˬ nah aˬ dzeˇ gʼawˬ mya jeˬ mahˬ tahˬ laˆ neh tawˬ-awˇ, Yeˬluˇsaˬlehˬ meuˬ-ahˇ laˇ luꞈ-eu ya mawˇ-euˬ ma. Jawˇ nah-ahˇ tiˬ jeˬ-iˬ taˬ ahˬ lehˇ aˬ yawꞈ maꞈ-ahˇ ngaˇ ehˇ nehˬ-euˬ ma.

Neˬhaˬmiˇ 13:20

Myawˬ gʼawˬ mya jeˬ ahˬ-eu baw gaꞈ deuˬ, jawˇ nah dzeuˇ ngaˬ nah uˬ ciꞈ-ahˇ, meuˬ lahˇ laꞈ nyiˇ paw tiˬ poˆ nyiˬ poˆ ya yaꞈ-eu meh.

1 Beˬtuˆluˆ 2:14

yaw haiˬ jeˬ mˇ-eu tsawˇ ha deuˬ-ahˇ kʼehˬ nehˬ kʼaˆ nehˬ-awˇ yaw muiˬ jeˬ mˇ-eu tsawˇ haˬ deuˬ-ahˇ ja ceuˬ nehˬ-eu gʼaˇ duˬ Gehˇsaˬ sahˬ paˬ neh kʼehˇ-awˇ bi uˆ lahˇ luꞈ-eu sahˬ paˬ sahˬ ma deuˬ-euˬ ehˇ dawˬ-ahˇ maˬ ehˇ, naˇ haˬ geuꞈ-awˬ.