Neˬhaˬmiˇ 13:15 - Akha

¹⁵ Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ zaˬ deuˬ jawˇ nah-ahˇ aˬ gaꞈ dzaˇ uiˇ nawˬ luꞈ-eu ngaˇ ya mawˇ-euˬ ma. Tiˬ paˆ na deuˬ-aˬ, cehˇ, aˬ gaꞈ dzaˇ uiˇ, aˬ gaꞈ aˇ siˬ, siˬ guˬ aˇ siˬ hawˇ-eu aˬ nah aˬ dzeˇ gʼawˬ mya jeˬ mahˬ tahˬ laˆ neh tawˬ-awˇ, Yeˬluˇsaˬlehˬ meuˬ-ahˇ laˇ luꞈ-eu ya mawˇ-euˬ ma. Jawˇ nah-ahˇ tiˬ jeˬ-iˬ taˬ ahˬ lehˇ aˬ yawꞈ maꞈ-ahˇ ngaˇ ehˇ nehˬ-euˬ ma.

Neˬhaˬmiˇ 13:15 Iomraidhean Croise

2 Laˬsaˬbaˬ 24:19

Tsawˇ haˬ kʼoeˇ deuˬ aˬ yawꞈ jawˇ paw gʼoꞈ kʼoꞈ laˇ ni, aˬ yawꞈ gʼaˇ duˬ ngehˬ dah-eu tsawˇ haˬ deuˬ-ahˇ Sahˬpaˬ Miˬyehˇ pyehˬ gʼeh kʼawꞈ, aˬ yawꞈ maꞈ maˬ naˇ haˬ-a.

Neˬhaˬmiˇ 10:31

Jawˇ nah hawˇ-eu zahˇ sahˇ kʼoꞈ-ahˇ taꞈ leˇ-awˇ ya lah ya daw-eu aˇ nah deuˬ-ahˇ, aˬ cawˬ tsawˇ jeuˬ deuˬ nga maꞈ-ahˇ cehˇ hawˇ-eu aˬ nah aˬ dzeˇ ahˬ laˇ kʼawꞈ, nga maꞈ maˬ zeuˇ geuꞈ. Shiꞈ kʼoꞈ tiˬ kʼoꞈ-ahˇ, nga maꞈ-euˬ deh yaˇ deuˬ-ahˇ maˬ mˇ dzaˬ ni bi naˬ-awˇ, za paˬ-ehˇ gʼeh-eu dziˇ dzoˆ deuˬ kʼawꞈ maˬ yuˇ kʼoꞈ ni byehˇ ma.

Neˬhaˬmiˇ 10:32

Uˬ duˬ tahˬ nymˇ nymˇ ma laꞈ kʼoeˇ bi zmˬ-eu gʼaˇ duˬ, yawˬ gʼaˬ na luꞈ tiˬ kʼoꞈ-euˬ pyuˇ tiˬ ja-euˬ smˬ bymˇ tiˬ bymˇ damˬ ma.

Neˬhaˬmiˇ 13:16

Duˇlu meuˬ-ahˇ jawˇ-euˬ tsawˇ haˬ tiˬ paˆ na deuˬ Yeˬluˇsaˬlehˬ meuˬ-ahˇ jawˇ luꞈ-awˇ, aˬ yawꞈ maꞈ ngaˬ shaˬ hawˇ-eu aˬ nah aˬ dzeˇ gʼawˬ mya jeˬ tawˬ laꞈ-awˇ, jawˇ nah-ahˇ nga maꞈ-euˬ tsawˇ haˬ deuˬ-ahˇ ahˬ nehˬ-eu lehˇ gʼeh-eu meh.

Neˬhaˬmiˇ 13:21

Aˬ yawꞈ maꞈ-ahˇ ngaˇ heu loꞈ-ehˇ ehˇ-awˇ yaw kʼaˆ-ehˇ mehˬ nehˬ-euˬ ma. “Naw maꞈ teu gaˇ uˬ bya loꞈ bya-eu tiˬ jeˬ-iˬ gaˇ dahˇ maˬ tsoeˬ-a. Yawˬ poˆ yawˬ toˆ-ehˇ paˇ jahˇ naˇ nyehꞈ ma” lehˇ ehˇ nehˬ-euˬ ma. Kʼoeˇ ngeh poˆ neh naˇ, Jawˇ nah-ahˇ aˬ yawꞈ maꞈ maˬ laˇ ni byehˇ-euˬ meh.

Neˬhaˬmiˇ 9:29

Nawˬ neh mehˬ-euˬ tsoˆ-euˬ jeˬ-ahˇ naˇ haˬ-awˬ lehˇ, aˬ yawꞈ maꞈ-ahˇ nawˇ mehˬ nehˬ-euˬ meh. Ehˇ kʼawꞈ, aˬ yawꞈ maꞈ nui ma huiˬ-eu laꞈ kʼoeˇ, nawˬ-euˬ zahˇ dawˬ kʼoꞈ dawˬ-ahˇ byehˇ-euˬ meh. Nawˬ-euˬ zahˇ dawˬ kʼoꞈ dawˬ mehˬ nah caw teh-eu jeˬ-aˬ, dehꞈ-eu saꞈ laˇ gaˇ ma pyeuꞈ kʼawꞈ, aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, maˬ naˇ haˬ geuꞈ ni dehꞈ-euˬ meh.

Yawˇbaˆ 39:12

Cehˇ bymˇ saˬ kʼawꞈ-ahˇ jaˆ-eu nawˬ-euˬ cehˇ-ahˇ, cehˇ jiˇ-ahˇ tawˬ ahˇ nehˬ laꞈ tehꞈ-a lehˇ noeˬ tmˬ nya te loˇ.

Jaceuq 50:7

“Ngaˬ-euˬ tsawˇ haˬ deuˬ-oˇ, ngaˇ dawˬ ngehˬ gaˇ naˇ haˬ-awˬ. Iˇsaˬleˬlaˆ-oˇ, nawˬ-euˬ gaˇ kawˆ ngaˇ heu loꞈ-ehˇ saˇ kiˇ kamˬ ma. Ngaˇ-aˬ, naw maꞈ-euˬ Miˬyehˇ pyeuꞈ-eu Miˬyehˇ ma.

Doˆ-iˇ 31:12

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Doˆ-iˇ 31:16

Aˇ nah kʼoeˇ nah-aˬ, dawˬ ma saˇ jaˇ dzaˬ taˬ-euˬ gaˇ kawˆ saˇ kiˇ pyeuꞈ-eu loꞈ-ehˇ, aˇ nah kʼoeˇ nah-ahˇ, Iˇsaˬleˬlaˆ tsawˇ haˬ deuˬ ya lah ya daw meh.

Doˆ-iˇ 34:21

“Naw maꞈ yawˬ ha-euˬ gaˇ mˇ-eu gʼaˇ duˬ aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-ahˇ, naw maꞈ gaˇ taˬ mˇ. Gaˇ tehˬ dui dui-eu deh yaˇ tsehˬ yamˬ hawˇ-eu cehˇ laˆ luiˆ yamˬ-ahˇ kʼawꞈ, aˇ nah heu nah-ahˇ naw maꞈ gaˇ maˬ ya mˇ-a.

Doˆ-iˇ 35:2

Naw maꞈ yawˬ ha-euˬ gaˇ mˇ-eu gʼaˇ duˬ, aˇ yamˬ koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, Sahˬpaˬ Miˬyehˇ pyeuꞈ-eu ngaˬ-ahˇ a nehˬ taˬ-euˬ muiˬ-eu shawˇ-eu gʼaˬ naˬ-naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Yeˬlaˬmiˇ 17:24

“Ngaˬ-euˬ dawˬ deuˬ-ahˇ ya naˇ haˬ geuꞈ meh lehˇ, tsawˇ haˬ kʼoeˇ deuˬ-ahˇ ehˇ nehˬ-awˬ. Jawˇ nah ngeh nah-ahˇ, lahˇ kʼehˬ heu deuˬ-ahˇ neh meuˬ laꞈ kʼoeˇ myawˬ maˬ ya sha ahˇ-a. Jawˇ nah ngeh nah-ahˇ, nah muiˬ nah shawˇ aˇ nah loꞈ-ehˇ aˬ yawꞈ maꞈ ya lah ya daw-awˇ, gaˇ aˬ geu jeˬ maˬ kaˬ, maˬ ya mˇ-a.

Yeˬlaˬmiˇ 17:27

Ehˇ kʼawꞈ, aˬ yawꞈ maꞈ ngaˬ-euˬ ehˇ dawˬ ya naˇ haˬ-awˇ, jawˇ nah-ahˇ nah muiˬ nah shawˇ aˇ nah loꞈ-ehˇ ya lah ya daw tehꞈ-a. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ laꞈ kʼoeˇ myawˬ sha doˆ sha ahˇ-eu jeˬ maˬ ya mˇ-a. Aˬ yawꞈ maꞈ kʼoeˇ loꞈ-ehˇ jahˇ naˇ, Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ ngaˇ miˬ dzaˬ keuˬ dzeh-awˇ, miˬ dzaˬ kʼoeˇ Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ deuˬ-ahˇ puiˆ-awˇ, tiˬ gʼaˬ-iˬ maˬ laˆ miˇ nya ni puiˆ dzaˬ jiˇ tehꞈ-a.”

Yeˬlaˬmiˇ 42:19

Kʼoeˇ naˇ, ngaˇ heu loꞈ-ehˇ paˇ ehˇ nehˬ-euˬ ma. “Yuˇdaˆ miˇ kʼahˬ laꞈ kʼoeˇ kʼaˇ dzeˇ yaꞈ-euˬ naw maꞈ deuˬ-ahˇ, Iˇjiˇtuˆ miˇ kʼahˬ-ahˇ taˬ iˇ lehˇ Sahˬpaˬ Miˬyehˇ-ehˇ gaˇ yaw kʼaˆ kʼaˆ-ehˇ shaˇ noeˬ-awˬ lehˇ, naw maꞈ-ahˇ ngaˇ ehˇ-eu ma.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Miˇkaˬ 6:3

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ deuˬ-oˇ, naw maꞈ-ahˇ ngaˇ aˬ jeˬ mˇ lehˬ taˬ-euˬ jaˆ ta. Naw maꞈ-ahˇ ngaˇ ciˬ baꞈ ciˬ pi-euˬ jeˬ jaˆ ta loˇ. Ehˇ haw sheˇ.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

Gʼaˬkʼehˇ 20:21

Yawˬ ha-euˬ iˬ baˇ noeˬ poˆ-awˇ Miˬyehˇ jawˇ paw gʼoꞈ laˇ-eu laꞈ kʼoeˇ aˬ dui-euˬ Sahˬpaˬ Yeˬsuˇ-ahˇ ya jah meh lehˇ, Yuˇdaˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ-ahˇ maˬ ehˇ, tiˬ kawˆ loꞈ-ehˇ ngaˇ mehˬ-euˬ ma.

Gaˬlaˬtiˆ 5:3

Ngaˇ tiˬ poˆ paˇ ehˇ nehˬ nyaˇ. Baˆ kʼoˆ mehˬ dzaˬ kʼaˇ yehˬ-euˬ tsawˇ haˬ-aˬ, Zahˇ dawˬ kʼoꞈ dawˬ dawˬ tawˆ luꞈ-ahˇ ya mˇ byah meh.

Eˇpeˇsu 4:17

Lawˇ ciꞈ zaˬ loꞈ-ehˇ taˬ paˇ dehꞈ lehˇ, Sahˬ paˬ Yeˬsuˇ-euˬ tsawˇ myahˇ uˬ moˆ ngaˇ naw maꞈ-ahˇ yaw kʼaˆ kʼaˆ-ehˇ ehˇ-eu ma. Aˬ yawꞈ maꞈ-euˬ nui noeˬ gaˇ dahˇ maˬ tsoeˬ-a.

Dawˬmehˬ 8:19

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, miˬyehˇ nui deuˬ-ahˇ tiˬ jawˇ-iˬ uˬ duˬ taˬ tahˬ. Naw maꞈ kʼoeˇ loꞈ-ehˇ jahˇ naˇ, aˬ diˇ aˬ maˇ laˆ luˬ laˆ seˇ nehˬ-eu jeˬ-ahˇ ya daˬ tehꞈ-a lehˇ, iˬ nah ngaˇ naw maꞈ-ahˇ ehˇ-eu ma.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.