Neˬhaˬmiˇ 13:14 - Akha

¹⁴ Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:14 Iomraidhean Croise

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Laˬsaˬbaˬ 29:3

Ngaˬ neh biꞈ taˬ-euˬ heu deuˬ dawˬ tawˆ luꞈ uˬ taꞈ, Miˬyehˇ-euˬ Uˬ duˬ tahˬ nymˇ nymˇ ma-ahˇ ngaˇ gaˬ-eu miˇ neh, ngaˬ-euˬ shuiˇ hawˇ-eu pyuˇ deuˬ kʼawꞈ ngaˇ biꞈ-euˬ ma.

2 Laˬsaˬbaˬ 24:16

Iˇsaˬleˬlaˆ tsawˇ jeuˬ gʼaˇ duˬ maˬ ehˇ, Miˬyehˇ gʼaˇ duˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ maˬ ehˇ, aˬ yawꞈ neh mˇ taˬ yaꞈ-euˬ gaˇ deuˬ-ahˇ aˬ cawˬ noeˬ keuˆ-awˇ, Daˬbiˇ-euˬ Meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh.

Eˇzaˬlaˬ 7:20

Kʼoeˇ naˇ, Uˬ duˬ tahˬ nymˇ nymˇ ma gʼaˇ duˬ nawˇ kʼaˇ loˬ-eu nui jeˬ dawˬ tawˆ luꞈ-ahˇ, sahˬ paˬ-euˬ pyuˇ shuiˇ myawˬ gahˬ laꞈ kʼoeˇ nawˇ yuˇ doˆ-awˇ hehˇ gʼeh nya tehꞈ-a.

Eˇzaˬlaˬ 7:24

Piˇ ma deuˬ, Leˬbiˇ tsawˇ haˬ deuˬ, caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ hawˇ-eu gaˇ mˇ-eu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ taꞈ leˇ-eu tsawˇ haˬ deuˬ-ahˇ naw maꞈ kawˬ maˬ ya taꞈ-a.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Iˇsaˬyaˇ 38:3

“Sahˬpaˬ Miˬyehˇ-oˇ, nawˬ-euˬ gaˇ-ahˇ, ngaˇ saˇ jaˇ ziꞈ-eu laꞈ kʼoeˇ mˇ-awˇ, nawˇ bi mˇ mawꞈ-eu jeˬ-ahˇ ngaˇ aˬ myah luꞈ leh jeh-awˇ mˇ-euˬ gaˇ taˬ ngehˇ nehˬ laꞈ.” Kʼoeˇ naˇ, aˬ yawꞈ yaw kʼaˆ-ehˇ ngoeˇ-euˬ meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.