Neˬhaˬmiˇ 12:45 - Akha

⁴⁵ Aˬ jeˬ miˇ neh ehˇ naˇ, Miˬyehˇ neh dawˬ biꞈ taˬ-eu loꞈ-ehˇ shawˇ-eu zahˇ hawˇ-eu zahˇ sahˇ kʼoꞈ-ahˇ taꞈ-awˇ ya mˇ-eu gaˇ deuˬ aˬ yawꞈ maꞈ mˇ-euˬ meh. Uˬ duˬ tahˬ nymˇ nymˇ ma-ahˇ caˇ dawˬ caˇ-eu deuˬ hawˇ-eu loꞈ-eu tsawˇ haˬ deuˬ kʼawꞈ, sahˬpaˬ Daˬbiˇ hawˇ-eu aˬ yawꞈ-euˬ aˬ li Sawˇlaˬmoˬ neh dawˬ biꞈ taˬ yaꞈ-euˬ loꞈ-ehˇ, yawˬ ha-ahˇ daˇ-eu gaˇ deuˬ-ahˇ yaw muiˬ paˬ-ehˇ mˇ-euˬ meh.

Neˬhaˬmiˇ 12:45 Iomraidhean Croise

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

1 Laˬsaˬbaˬ 23:28

Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,

1 Laˬsaˬbaˬ 26:26

Sheˬloˇmiˇ hawˇ-eu aˬ yawꞈ-euˬ zaˬ deuˬ uˆ deuˬ-aˬ, sahˬ paˬ Daˬbiˇ neh maˬ ehˇ, aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-eu deuˬ neh maˬ ehˇ, guiˇ maꞈ kʼoeˇ taˆ uˆ lahˇ-awˇ aˬ yuiꞈ geuꞈ-eu deuˬ neh maˬ ehˇ, Miˬyehˇ-ahˇ kʼaˇ damˬ nehˬ-euˬ jeˬ dawˬ tawˆ luꞈ-ahˇ jeˬ hmˬ bo saˆ-eu gaˇ ya mˇ-eu meh.

2 Laˬsaˬbaˬ 23:6

Gaˇ mˇ-eu daˇ-eu piˇ ma deuˬ hawˇ-eu Leˬbiˇ tsawˇ haˬ deuˬ maˬ ngeuˇ naˇ, tsawˇ haˬ tiˬ gʼaˬ-iˬ Uˬ duˬ tahˬ nymˇ nymˇ ma-ahˇ maˬ ya uˇ leˇ-a. Piˇ ma deuˬ hawˇ-eu Leˬbiˇ tsawˇ haˬ deuˬ-aˬ, uˇ leˇ nya meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, gʼawˇ mawˇ a nehˬ taˬ-euˬ tsawˇ haˬ deuˬ pyeuꞈ-eu meh. Ehˇ kʼawꞈ, nui deuˬ-aˬ, Sahˬpaˬ Miˬyehˇ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ-awˇ laꞈ nyiˇ ya jawˇ meh.