Neˬhaˬmiˇ 12:44 - Akha

⁴⁴ Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

Neˬhaˬmiˇ 12:44 Iomraidhean Croise

1 Laˬsaˬbaˬ 23:28

Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,

1 Laˬsaˬbaˬ 26:20

Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 9:26

Lahˇ kʼehˬ kʼoeˇ oeˬ kʼehˬ-ahˇ loꞈ-eu gaˇ-ahˇ taꞈ leˇ-awˇ, dawˬ tawˆ luꞈ kʼoeˇ taˆ huiˬ dzehˬ-eu oeˬ gʼaˬ-aˬ, Leˬbiˇ tsawˇ haˬ pyeuꞈ-awˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ hawˇ-eu, pyuˇ shuiˇ myawˬ gahˬ deuˬ-ahˇ kʼawꞈ ya haw piˇ-eu meh.

Neˬhaˬmiˇ 10:36

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, dehꞈ beh beh le-euˬ nga maꞈ-euˬ aˬ li aˬ yuiꞈ deuˬ-ahˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ sheuˬ gʼeh-awˇ Miˬyehˇ-ahˇ a nehˬ ma. Gʼaw beh beh-euˬ mawˇ neˇ, yawˇ hawˇ-eu ciꞈ myehꞈ deuˬ kʼawꞈ, kʼoeˇ loꞈ-ehˇ a nehˬ ma.

Dawqdaq 8:34

Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Bawˇtsahˬ 3:10

Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”

Lormav 12:7

Jah-eu aˇ muˇ-euˬ gaˇ mˇ-eu gʼaˇ duˬ laꞈ sawˬ za-euˬ ngeuˇ naˇ, mˇ-eu tsaˬ meh. Mehˬ-eu tsoˆ-eu gʼaˇ duˬ laꞈ sawˬ za-euˬ ngeuˇ naˇ, mehˬ-eu tsaˬ meh.

Dawˬmehˬ 18:8

Piˇ ma nui deuˬ dzaˬ dzaˬ dawˇ dawˇ kʼaˇ za-eu myaˆ ni, aˬ yawꞈ kʼawꞈ za-awˇ, aˬ yawꞈ-euˬ miˬ sawˇ zaˬ deuˬ neh kʼaˇ dawˆ ahˇ laꞈ-euˬ jeˬ aˬ yawꞈ jeˬ hmˬ taˬ nya meh.