Neˬhaˬmiˇ 12:43 - Akha

⁴³ Kʼoeˇ ngeh nah aˬ yawꞈ maꞈ lawˇ-eu shehˇ-eu jeˬ gʼawˬ mya ni mˇ-awˇ, Miˬyehˇ aˬ yawꞈ maꞈ-ahˇ laˬ kʼaˬ cehˇ-eu jeˬ biꞈ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh. Zaˬ miˬ zaˬ deuˬ hawˇ-eu zaˬ deuˬ kʼawꞈ bawˬ-iˬ gʼeh gaˇ uiˬ leˇ-awˇ, aˬ yawꞈ maꞈ laˬ kʼaˬ cehˇ cehˇ-ehˇ lawꞈ gʼa-eu teˇ saˇ, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Neˬhaˬmiˇ 12:43 Iomraidhean Croise

2 Laˬsaˬbaˬ 20:13

Yuˇdaˆ tsawˇ haˬ dawˬ tawˆ luꞈ, aˬ yawꞈ maꞈ-euˬ miˬ sawˇ zaˬ deuˬ nehˬ-ehˇ Uˬ duˬ tahˬ nymˇ nymˇ ma mehˬ shi yawꞈ luꞈ-eu meh.

2 Laˬsaˬbaˬ 20:27

Yeˬhawˇshaˬpaˇ-aˬ, aˬ yawꞈ-euˬ yehˇ deuˬ sheuˬ-awˇ, laˬ kʼaˬ cehˇ taˆ ni Yeˬluˇsaˬlehˬ meuˬ-ahˇ gʼoꞈ leˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ muiˇ-eu deuˬ-ahˇ Sahˬpaˬ Miˬyehˇ deuˆ gʼaˬ nehˬ-euˬ meh.

2 Laˬsaˬbaˬ 7:10

Aˇ saˬ saˬ-eu bawˬ-iˬ gʼeh gʼaˬ-awˇ yawˬ nah yawˬ-aˬ , ba la shiꞈ siˬ tiˬ siˬ nyiˬ tseˇ smˬ nah tiˬ nah meh. Kʼoeˇ ngeh nah-ahˇ, Sawˇlaˬmoˬ Iˇsaˬleˬlaˆ tsawˇ haˬ deuˬ-ahˇ bi gʼoꞈ-iˇ-euˬ meh. Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ-ahˇ maˬ ehˇ, Daˬbiˇ-ahˇ maˬ ehˇ, Sawˇlaˬmoˬ-ahˇ maˬ ehˇ, aˬ yawꞈ neh biꞈ-euˬ guiˬ lahˬ yaw dzahˇ deuˬ baˬ da neh aˬ yawꞈ maꞈ laˬ kʼaˬ cehˇ dui dui-euˬ meh.

Eˇzaˬlaˬ 3:13

Laˬ kʼaˬ cehˇ-awˇ guˇ-eu hawˇ-eu noeˬ shaˬ-awˇ ngoeˇ-eu maˬ siˬ laˇ ni jaˆ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw kʼaˆ-ehˇ laˆ lawꞈ taˬ-euˬ miˇ neh, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Neˬhaˬmiˇ 12:27

Yeˬluˇsaˬlehˬ meuˬ lahˇ Miˬyehˇ-ahˇ a nehˬ ngeh, cehˇ lehˇ ciˆ, deuˇ-mˬ diˬ-awˇ ja ceuˬ-eu caˇ dawˬ bi caˇ-eu gʼaˇ duˬ, doe doe-ehˇ jawˇ luꞈ-eu Leˬbiˇ tsawˇ haˬ deuˬ-ahˇ meuˬ lahˇ a nehˬ-eu bawˬ-iˬ jahˇ gaˇ bi laˇ uiˬ-euˬ meh.

Neˬhaˬmiˇ 12:42

Kʼoeˇ naˇ, aˬ yawꞈ maꞈ-euˬ mehˬ nah caw teh-euˬ deuˬ-aˬ, Maˬseˬyaˇ, Sheˬmaˇyaˬ, Eˇlaˬzaˬ, Awˇzeˬ, Yeˬhawˇhaˬnaˬ, Maˬlaˬkiˇyaˬ, Eˇlamˬ hawˇ-eu Eˇzaˬ meh. Yeˬzaˬlaˬhiˇ aˬ yuiꞈ geuꞈ-awˇ caˇ dawˬ caˇ-eu deuˬ-aˬ, yaw kʼaˆ-ehˇ guˇ guˇ-ehˇ caˇ-eu meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 27:6

Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

Jaceuq 28:7

SahˬpaˬMiˬyehˇngaˬ-euˬgʼaˇduˬ, gʼaˬhawˇ-eu dehˬdaˬduˬpyeuꞈ-awˇ, aˬyawꞈ-ahˇngaˇgʼoe-eu laꞈkʼoeˇ, ngaˬ-euˬnui ma ziꞈdah jaˆma. Yawꞈcaw ba gaˇnui kʼahˇshiˇ-awˇ, laˬkʼaˬcehˇ-eu caˇdawˬcaˇ-awˇ, aˬyawꞈ-ahˇ ngaˇja ceuˬ-eu ma.

Jaceuq 9:2

Nawˇbaˬda neh ngaˬ-euˬkʼaˬmeh, laˬkʼaˬcehˇ-eu caˇdawˬcaˇma. Baoˬhuiˬdui dui-eu Miˬyehˇ-oˇ, nawˬ-ahˇcaˇ-awˇ ja ceuˬ-eu ma.

Jaceuq 92:4

Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ, ngaˬ-ahˇ laˬ kʼaˬ bi cehˇ laꞈ-euˬ meh. Nawˬ neh mˇ-euˬ gaˇ baˬ da neh, ngaˇ laˬ kʼaˬ cehˇ-awˇ caˇ-eu ma.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Yeˬlaˬmiˇ 31:13

Kʼoeˇ ngeh aˬ buˇ miˬ daꞈ deuˬ gaˇ nyeh nyeh tehꞈ-a. Zaˬ guˬ tsawˇ mawˬ maˬ ehˇ laˬ kʼaˬ ya cehˇ tehꞈ-a. Aˬ yawꞈ maꞈ-euˬ nui ma-ahˇ ngaˇ laˆ saˆ nehˬ-eu miˇ neh, myaˆ biˇ yoeˇ-eu dah zaˇ laˬ kʼaˬ cehˇ-awˇ, shaˬ zahˬ dah zaˇ nui saˇ oꞈ le tehꞈ-a.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Bawˇtsahˬ 10:10

La loˆ la tsehˆ lah-eu Bawˬ-iˬ hawˇ-eu zahˇ sahˇ kʼoꞈ-ahˇ taꞈ-eu bawˬ-iˬ nui deuˬ gʼeh-eu byawˬ-eu aˇ yamˬ laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ naw maꞈ lawˇ ngeh, daˇ heh ya baw meh. Kʼoeˇ-aˬ, naw maꞈ-euˬ Miˬyehˇ mehˬ shi naw maꞈ-ahˇ bi noeˬ mawˇ-eu jeˬ pyeuꞈ-eu meh.”

Maꞈtehˬ 21:15

Yeˬsuˇ zahˬ leˇ paˬ-ehˇ gʼeh-eu jeˬ mˇ-awˇ, “Daˬbiˇ-euˬ Zaˬmaˇ-ahˇ ja ceuˬ-awˬ” lehˇ zaˬ deuˬ guˇ luꞈ gaˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ ya mawˇ ngeh, nui ma pehˇ laˇ-euˬ meh.

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

Yaˬkoˆ 5:13

Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.

1 Saˬmeuˬlaˆ 4:5

Dawˬ ma saˇ jaˇ Bahˬ keuˆ baꞈ keuˆ leꞈ ngeh, Iˇsaˬleˬlaˆ tsawˇ haˬ deuˬ laˬ kʼaˬ cehˇ dui dui-eu laꞈ kʼoeˇ yaw kʼaˆ-ehˇ guˇ-eu miˇ neh, miˇ tsaˬ tahˬ kʼawˇ luˆ luˆ-ehˇ pyeuꞈ laˇ-euˬ meh.