Neˬhaˬmiˇ 12:25 - Akha

²⁵ Maˬtaˬniˇ, Baˬkaˬbuˇkiˇ, Awˇbaˬdiˇ, Meˬshuˇlamˬ, Taˬlaˬmoˬ hawˇ-eu Aˬkuˇ aˬ ha maꞈ-aˬ, Uˬ duˬ tahˬ nymˇ nymˇ ma-ahˇ uˇ leˇ-eu gʼoˆ kʼehˬ deuˬ dawˬ peh jaˆ-eu myawˬ taˬ-eu aˇ lawˆ deuˬ-ahˇ loꞈ piˇ-eu tsawˇ haˬ deuˬ pyeuꞈ-eu meh.

Neˬhaˬmiˇ 12:25 Iomraidhean Croise

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

1 Laˬsaˬbaˬ 23:32

Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.

1 Laˬsaˬbaˬ 26:12

Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ-ahˇ, yawˬ ha aˇ jeuˬ yawˬ ha aˇ muˇ muˇ nehˬ-awˇ, Leˬbiˇ tsawˇ haˬ nui deuˬ-ahˇ gaˇ biꞈ nehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ, Uˬ duˬ tahˬ nymˇ nymˇ ma-ahˇ taꞈ-eu gaˇ biꞈ-euˬ meh.

1 Laˬsaˬbaˬ 26:15

AwˇbehˆEˬdoˬ-ahˇ laꞈ oˆ paw kʼehˬ doˇ leˇ-awˇ, aˬ yawꞈ-euˬ aˬ li deuˬ-ahˇ mˇ myawˬ keu ka taˬ-eu aˇ lawˆ deuˬ doˇ leˇ-euˬ meh.

1 Laˬsaˬbaˬ 26:17

Aˬ yawꞈ nah yawꞈ nahˇ ma ga kʼehˬ paw koꞈ gʼaˬ, laꞈ taˆ paw oeˬ gʼaˬ hawˇ-eu, mˇ myawˬ keu ka taˬ-eu aˇ lawˆ nyiˬ lawˆ-ahˇ, tiˬ lawˆ-euˬ nyiˬ gʼaˬ ya loꞈ-eu meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

Iˇsaˬyaˇ 21:8

Loꞈ-eu tsawˇ haˬ kʼoeˇ gʼaˬ guˇ-eu, “Sahˬ paˬ-oˇ, uˬ ciꞈ nah gʼahˇ maˬ ehˇ, maˬ byehˇ ni ngaˇ loꞈ-eu ma.”