Neˬhaˬmiˇ 11:1 - Akha

¹ Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.

Neˬhaˬmiˇ 11:1 Iomraidhean Croise

1 Laˬsaˬbaˬ 26:13

Aˇ jeuˬ aˇ ca aˬ yawꞈ ca yawꞈ, tsawˇ haˬ yaw myaˬ yaw cuiˆ maˬ haw ni, gʼoˆ kʼehˬ aˬ geu kʼehˬ-ahˇ ya loꞈ-eu shehˆ tsaˬ tsaˬ-awˇ tseˇ duˬ nehˬ-euˬ meh.

1 Laˬsaˬbaˬ 8:28

Heu-aˬ, Yeˬluˇsaˬlehˬ meuˬ-ahˇ jawˇ-euˬ aˇ jeuˬ aˇ ca kʼoeˇ taˆ aˬ yuiꞈ aˬ tsu geuꞈ-euˬ aˬ poeˬ aˬ bawˇ deuˬ hawˇ-eu, aˬ yawꞈ maꞈ-euˬ zaˬ deuˬ uˆ deuˬ meh.

1 Laˬsaˬbaˬ 9:1

Iˇsaˬleˬlaˆ tsawˇ haˬ dawˬ tawˆ luꞈ, aˇ jeuˬ aˇ ca aˬ yawꞈ ca yawꞈ tsawˇ myahˇ yuˇ-awˇ, Iˇsaˬleˬlaˆ sahˬ paˬ deuˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Yuˇdaˆ miˇ kʼahˬ zaˬ deuˬ-aˬ, aˬ yawꞈ maꞈ-euˬ iˬ baˇ baˬ da neh Baˬbuˇloˬ miˇ kʼahˬ-ahˇ bi nyehꞈ gʼeh-euˬ meh.

1 Laˬsaˬbaˬ 9:2

Yawˬ ha-euˬ nymˇ dahˬ myawˬ gahˬ jaˆ-eu yawˬ ha-euˬ meuˬ deuˬ laꞈ kʼoeˇ gʼoꞈ jawˇ laˇ beh beh-euˬ deuˬ laꞈ kʼoeˇ, Iˇsaˬleˬlaˆ tsawˇ haˬ miˇ kʼahˬ zaˬ deuˬ, piˇ ma deuˬ, Leˬbiˇ tsawˇ haˬ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ahˇ-eu meh.

1 Laˬsaˬbaˬ 9:3

Yuˇdaˆ tsawˇ jeuˬ, Beˬyaˬmiˬ tsawˇ jeuˬ, Eˇpaˬleˬ tsawˇ jeuˬ, Maˬnaˇseˬ tsawˇ jeuˬ heu deuˬ-aˬ, Yeˬluˇsaˬlehˬ meuˬ-ahˇ jawˇ-iˇ-euˬ meh.

Neˬhaˬmiˇ 10:34

Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ nehˬ gaˇ zmˬ-eu miˬ dzaˬ kʼehꞈ-eu gaˇ, aˇ jeuˬ aˬ geu jeuˬ-ahˇ daˇ nga lehˇ, nga maꞈ Iˇsaˬleˬlaˆ tsawˇ jeuˬ miˇ kʼahˬ zaˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ mehˇ beuˬ-awˇ tseˇ doˆ ma.

Neˬhaˬmiˇ 11:18

Yeˬluˇsaˬlehˬ meuˬ-ahˇ jawˇ-euˬ Leˬbiˇ tsawˇ haˬ dawˬ tawˆ luꞈ nyiˬ yaˇ yehꞈ tseˇ oeˬ gʼaˬ byah-eu meh.

Neˬhaˬmiˇ 4:22

Aˇ yamˬ kʼoeˇ yamˬ laꞈ kʼoeˇ, uˬ ciꞈ paw meuˬ-ahˇ loꞈ piˇ nya-awˇ, nah gʼahˇ paw gaˇ mˇ nya-eu gʼaˇ duˬ, meuˬ lahˇ gawˬ gaˇ haw-eu pyaˆ-eu deuˬ hawˇ-eu aˬ yawꞈ maꞈ-ahˇ caw ba-eu deuˬ dawˬ tawˆ luꞈ, Yeˬluˇsaˬlehˬ meuˬ laꞈ kʼoeˇ uˬ ciꞈ ya yaꞈ meh lehˇ ngaˇ ehˇ nehˬ-euˬ ma.

Jaceuq 122:5

Iˇsaˬleˬlaˆ sahˬ paˬ deuˬ heu gaˇ nuiˇ-awˇ, aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu meh.

Jaceuq 122:6

Yeˬluˇsaˬlehˬ meuˬ nui saˇ oꞈ ni guiˬ lahˬ shaˇ-awˬ. Nawˬ-ahˇ gaˬ-eu tsawˇ haˬ deuˬ baw le za le luꞈ-uˇ.

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Iˇsaˬyaˇ 48:2

Ehˇ kʼawꞈ, nawˇ kʼahˬ sehˇ jehˆ-eu laꞈ kʼoeˇ, muiˬ-eu shawˇ-eu meuˬ-ahˇ jawˇ-eu tsawˇ haˬ pyeuꞈ-awˇ, Baoˬ huiˬ-eu Sahˬpaˬ Miˬyehˇ lehˇ myahˇ taˬ-euˬ, Iˇsaˬleˬlaˆ Miˬyehˇ-ahˇ gʼoe luꞈ ma lehˇ ehˇ-eu meh.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Maꞈtehˬ 27:53

Aˬ yawꞈ maꞈ lmˬ bymˇ laꞈ kʼoeˇ neh doˆ laˇ-awˇ, Yeˬsuˇ shiˇ-euˬ paˇ gʼoꞈ dehꞈ laˇ gʼaˬ ngeh, aˬ yawꞈ maꞈ Muiˬ-eu shawˇ-eu Meuˬ-ahˇ uˇ laˇ gaˇ, aˬ cawˬ gʼawˬ mya ni mawˇ-euˬ meh.

Maꞈtehˬ 4:5

Kʼoeˇ naˇ, Nehꞈ sahˬ paˬ kʼoeˇ gʼaˬ Yeˬsuˇ-ahˇ Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-ahˇ sheuˬ gʼeh-awˇ, Uˬ duˬ tahˬ nymˇ nymˇ ma-euˬ kʼaˬ boeˬ goˇ dui dui-eu tsahˇ-ahˇ sheuˬ taˬ-euˬ meh.

Gʼaˬkʼehˇ 1:24

Kʼoeˇ naˇ, a yawꞈ maꞈ heu loꞈ-ehˇ guiˬ lahˬ shaˇ-euˬ meh. “SahˬpaˬMiˬyehˇ-oˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ-ahˇ nawˇ siˬ nya-eu meh. Yuˇdaˆ-aˬ, yawˬ paw yawˬ ciˬ pyawˇ-awˇ, aˬ yawꞈ-ahˇ geuˇ-eu jawˇ duˬ-ahˇ le dzeuˇ-euˬ meh. Kʼoeˇ miˇ neh, Yuˇdaˆ-euˬ dah zaˇ gʼaˬ kʼehˇ geuꞈ-awˇ gaˇ mˇ-eu gʼaˇ duˬ, tsawˇ haˬ heu nyiˬ gʼaˬ laꞈ kʼoeˇ nawˬ neh tseˇ doˆ-euˬ gʼaˬ nga maꞈ-ahˇ mehˬ nehˬ laꞈ-awˬ.”

Gʼaˬkʼehˇ 1:26

Kʼoeˇ naˇ, aˬ yawꞈ nyaꞈ-euˬ tsawˇ myahˇ boꞈ ahˇ-awˇ, maˬ haw ni beuˬ ngeh, Maˬtiˇ-ahˇ zaˬ leˇ-euˬ meh. Kʼoeˇ miˇ neh, Maˬtiˇ-ahˇ gʼaˬ kʼehˇ tseˇ tiꞈ gʼaˬ nehˬ-ehˇ bi gawꞈ leˇ-euˬ meh.

Yawˇshuˆ 18:10

Kʼoeˇ naˇ, Yawˇshuˆ shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ nehˬ-ehˇ mehˬ bawˬ mˇ-awˇ, dzeˇ luꞈ-eu tsawˇ jeuˬ aˬ yawꞈ jeuˬ yawꞈ-ahˇ miˇ kʼahˬ biˇ nehˬ-euˬ meh.