Neˬhaˬmiˇ 10:34 - Akha

³⁴ Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ nehˬ gaˇ zmˬ-eu miˬ dzaˬ kʼehꞈ-eu gaˇ, aˇ jeuˬ aˬ geu jeuˬ-ahˇ daˇ nga lehˇ, nga maꞈ Iˇsaˬleˬlaˆ tsawˇ jeuˬ miˇ kʼahˬ zaˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ mehˇ beuˬ-awˇ tseˇ doˆ ma.

Neˬhaˬmiˇ 10:34 Iomraidhean Croise

1 Laˬsaˬbaˬ 24:5

Eˇlaˬzaˬ-euˬ zaˬ deuˬ uˆ deuˬ hawˇ-eu Iˇdaˬmaˬ-euˬ zaˬ deuˬ uˆ deuˬ nyiˬ jeuˬ luꞈ laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu yaw huiˬ yaw mahˇ deuˬ hawˇ-eu, guiˬ lahˬ saꞈ laˇ paw aˬ yuiꞈ geuꞈ-eu deuˬ jawˇ luꞈ-eu miˇ neh, aˬ yawꞈ maꞈ-ahˇ gaˇ biˇ paˆ nehˬ ngeh, shehˆ tsaˬ tsaˬ-awˇ biˇ nehˬ-euˬ meh.

1 Laˬsaˬbaˬ 24:7

Gaˇ za beh beh-euˬ gʼaˬ Yeˬhawˇyaˬliˆ, nyiˬ gʼaˬ tiˬ gʼaˬ Yeˬdehˇyaˬ,

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.

Neˬhaˬmiˇ 11:1

Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Dawqdaq 18:18

Shehˆ tsaˬ tsaˬ-awˇ jahˇ tsaˬ geuꞈ-eu jeˬ-aˬ, baoˬ huiˬ-eu tsawˇ haˬ deuˬ-euˬ iˬ dehˬ iˬ ceh la miˆ-eu meh.

Iˇsaˬyaˇ 40:16

Leˬbaˬnoˬ sahˬ kʼaˆ-ahˇ jawˇ-eu bawˇ tsahˬ jeˬ zaˬ dawˬ tawˆ, aˬ dui Miˬyehˇ-ahˇ maˬ lawˇ maˬ shehˇ loꞈ nya-a. Kʼoeˇ gaˇ kʼaˇ dehꞈ-eu aˇ bawˇ dawˬ tawˆ luꞈ, lawˇ gaˇ geuꞈ-eu miˬ dzaˬ maˬ loꞈ leˇ-a.

Uˬ duˬ 24:5

Cehˇ meu tseˇ nyiꞈ pehˬ yuˇ-awˇ, kaˬ muˇ tseˇ nyiꞈ siˬ jahˇ-awˬ.

Uˬ duˬ 24:6

Sahˬpaˬ Miˬyehˇ-euˬ mehˬ shi jaˆ-eu maˇ jawˆ ni gʼeh-eu shuiˇ yaw taˬ-euˬ hawˬ jeh kʼoeˇ taˆ, kaˬ muˇ kʼoeˇ nyiˬ cehˆ bi jaˆ-awˇ, tiˬ cehˆ-euˬ koꞈ siˬ bi ahˇ-awˬ.

Bawˇtsahˬ 28:2

Lawˇ-eu shehˇ-eu gʼaˇ duˬ tsaˬ tsoˆ taˬ-euˬ aˇ yamˬ-ahˇ, Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ aˬ yawꞈ-ahˇ ya lawˇ meh lehˇ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-awˬ.

Gʼaˬkʼehˇ 1:26

Kʼoeˇ naˇ, aˬ yawꞈ nyaꞈ-euˬ tsawˇ myahˇ boꞈ ahˇ-awˇ, maˬ haw ni beuˬ ngeh, Maˬtiˇ-ahˇ zaˬ leˇ-euˬ meh. Kʼoeˇ miˇ neh, Maˬtiˇ-ahˇ gʼaˬ kʼehˇ tseˇ tiꞈ gʼaˬ nehˬ-ehˇ bi gawꞈ leˇ-euˬ meh.

Yawˇshuˆ 9:27

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-awˇ, Iˇsaˬleˬlaˆ tsawˇ haˬ deuˬ gʼaˇ duˬ hawˇ-eu Sahˬpaˬ Miˬyehˇ-euˬ lawˇ duˬ gʼaˇ duˬ, miˬ dzaˬ bi kʼehꞈ-awˇ, iˇ cuꞈ bi kʼawꞈ-euˬ meh. Iˬ nah keuˆ ni, Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ, gaˇ kʼoeˇ deuˬ aˬ yawꞈ maꞈ mˇ luꞈ-eu meh.