Neˬhaˬmiˇ 1:6 - Akha

⁶ Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Neˬhaˬmiˇ 1:6 Iomraidhean Croise

1 Sahˬpaˬ 8:30

Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ, nga maꞈ-euˬ shaˇ dawˬ naˇ haˬ nehˬ laꞈ-eu laꞈ kʼoeˇ, nga maꞈ-ahˇ iˬ baˇ pyehˬ nehˬ laꞈ-awˬ.

1 Sahˬpaˬ 8:47

nawˬ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ-ahˇ nawˇ naˇ haˬ nehˬ-awˬ. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ iˬ baˇ noeˬ poˆ-awˇ, aˬ yawꞈ maꞈ maˬ tsaˬ maˬ dawˇ-eu laꞈ kʼoeˇ dehꞈ-euˬ miˇ neh, yawˬ ha iˬ baˇ huiˬ dui dui-eu gaˇ kawˆ ja doˆ-awˇ nawˬ-ahˇ guiˬ lahˬ shaˇ naˇ, Sahˬpaˬ Miˬyehˇ-oˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ.

2 Laˬsaˬbaˬ 28:10

Nymˬ-mˇ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu kʼaˬ dzeˇ zaˬ hawˇ-eu zaˬ miˬ zaˬ heu deuˬ-ahˇ naw maꞈ-euˬ zaˬ kʼaˆ bi geuꞈ ma lehˇ naw maꞈ noeˬ luꞈ-eu meh. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ mˇ bahˬ gʼaˬ-euˬ gaˇ kawˆ naw maꞈ maˬ siˬ te loˇ.

2 Laˬsaˬbaˬ 29:6

Aˬ dui-euˬ aˬ da deuˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ maˬ ziꞈ-ehˇ, aˬ yawꞈ nui ma maˬ tsaˬ-eu jeˬ mˇ-euˬ meh. Aˬ yawꞈ maꞈ aˬ yawꞈ-ahˇ byehˇ dzeh-awˇ, aˬ yawꞈ jawˇ-eu jawˇ duˬ-ahˇ naˇ kʼah ciˬ pyawˇ-euˬ meh.

2 Laˬsaˬbaˬ 6:40

“Ngaˬ-eu Miˬyehˇ-oˇ, nga maꞈ-ahˇ haw ka leꞈ-awˇ, jawˇ duˬ heu tsahˇ-ahˇ shaˇ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ.

Eˇzaˬlaˬ 10:1

Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Eˇzaˬlaˬ 10:11

Nymˬ-mˇ naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ iˬ baˇ saˇ pyehˬ-awˇ, aˬ yawꞈ nui ma tsaˬ ni mˇ-awˬ. Aˬ dui-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ naw maꞈ dehꞈ gʼawˬ-awˇ, aˬ cawˬ tsawˇ jeuˬ pyeuꞈ-eu naw maꞈ-euˬ miˬ zaˬ deuˬ-ahˇ kʼoꞈ-awˬ.”

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

Jaceuq 106:6

Nga maꞈ-euˬ aˬ poeˬ aˬ bawˇ deuˬ loꞈ-ehˇ nga maꞈ iˬ baˇ mˇ-awˇ, yaw haiˬ jeˬ laꞈ kʼoeˇ dehꞈ-euˬ ma.

Jaceuq 130:2

Sahˬpaˬ Miˬyehˇ-oˇ, ngaˇ guˇ-awˇ ngoeˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ taˬ byehˇ dzeh nehˬ laꞈ.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Jaceuq 55:17

Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Jaceuq 88:1

Sahˬpaˬ Miˬyehˇ pyeuꞈ-eu Miˬyehˇ-oˇ, caw ba nehˬ laꞈ lehˇ nah ga-ehˇ ngaˇ guˇ-awˇ, uˬ ciꞈ paw nawˬ-euˬ mehˬ shi ngaˇ laˇ-eu ma.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Ngoeˇ dawˬ 5:7

Aˬ poeˬ ziˇ-ahˇ mˇ-euˬ iˬ baˇ, nga maꞈ kʼoeˇ taˆ keuˆ le-euˬ meh.

Daˬyeˬlaˇ 9:15

“Nawˬ-euˬ baoˬ-ahˇ gʼoe-awˇ nawˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ nehˬ-awˇ, kʼoeˇ baˬ da neh iˬ nah keuˆ ni tsawˇ myahˇ doˆ luꞈ-eu nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-euˬ ma.

Daˬyeˬlaˇ 9:20

Ngaˇ guiˬ lahˬ shaˇ shaˇ-ehˇ, ngaˬ-euˬ iˬ baˇ hawˇ-eu ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-euˬ iˬ baˇ ehˇ doˆ-awˇ, aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ, ngaˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-euˬ ma.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Daˬyeˬlaˇ 9:8

Sahˬpaˬ Miˬyehˇ-oˇ, nga maꞈ-euˬ sahˬ paˬ sahˬ ma deuˬ hawˇ-eu, nga maꞈ-euˬ aˬ poeˬ aˬ bawˇ deuˬ, nawˬ-euˬ mehˬ shi iˬ baˇ mˇ-awˇ, shaꞈ dawˇ dui dui paˬ-ehˇ dehꞈ-euˬ meh.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

2 Tiˆmoˇseˬ 1:3

Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.