Neˬhaˬmiˇ 1:11 - Akha

¹¹ Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Neˬhaˬmiˇ 1:11 Iomraidhean Croise

Aˇ dahˬ 24:42

Aˬbyaˬhaˬ-euˬ zaˬ kʼaˆ kʼoeˇ gʼaˬ paˇ ehˇ-eu, “Iˬ nah ngaˇ lah duˬ kʼoeˇ duˬ-ahˇ laˇ keuˆ ngeh, heu loꞈ-ehˇ guiˬ lahˬ shaˇ-euˬ ma. ‘Ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ. Iˬ nah ngaˇ mˇ luꞈ-eu gaˇ heu hmˬ pyeuꞈ leˇ ni caw ba nehˬ laꞈ-awˬ.

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 40:1

Aˇ nah aˇ yamˬ myahˇ laˇ ngeh, Iˇjiˇtuˆ sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, sahˬ paˬ dzaˬ-eu kaˬ muˇ jahˇ-eu paw aˬ yuiꞈ geuꞈ-eu gʼaˬ, sahˬ paˬ-ahˇ mˇ bahˬ-euˬ meh.

Aˇ dahˬ 40:2

Aˬ yawꞈ nyaꞈ kʼoeˇ loꞈ-ehˇ mˇ bahˬ-euˬ gaˇ, sahˬ paˬ nui ma pehˇ-eu meh.

Aˇ dahˬ 40:21

Kʼoeˇ naˇ, aˬ gaꞈ dzaˇ uiˇ jahˇ-eu gʼaˬ-ahˇ, aˬ gaꞈ dzaˇ uiˇ jahˇ-eu gaˇ paˇ bi mˇ-euˬ meh.

Aˇ dahˬ 40:23

Ehˇ kʼawꞈ, aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ-aˬ, Yoˇsehˆ-ahˇ maˬ paˇ noeˬ keuˆ-ehˇ, ngehˇ-awˇ jawˇ-euˬ meh.

Aˇ dahˬ 41:9

Kʼoeˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ sahˬ paˬ jawˇ gaˇ le-awˇ, heu loꞈ-ehˇ ehˇ nehˬ leˇ-euˬ meh. “Ngaˬ-euˬ yaw lehˬ iˬ nah ngaˇ noeˬ poˆ-awˇ, nawˬ-euˬ mehˬ shi ehˇ doˆ-eu ma.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

2 Laˬsaˬbaˬ 6:40

“Ngaˬ-eu Miˬyehˇ-oˇ, nga maꞈ-ahˇ haw ka leꞈ-awˇ, jawˇ duˬ heu tsahˇ-ahˇ shaˇ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ.

Eˇzaˬlaˬ 1:1

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬlaˬmiˇ-ahˇ gʼoe-awˇ aˬ yawꞈ neh ehˇ taˬ-euˬ dawˬ kʼoeˇ dawˬ byah laˇ ni Sahˬpaˬ Miˬyehˇ jahˇ-euˬ meh. Guˇluˆ sahˬ boꞈ tiˬ taꞈ boꞈ-awˇ aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Neˬhaˬmiˇ 1:6

Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Neˬhaˬmiˇ 2:1

Ba la oeˬ siˬ paˇ dzeuˇ-iˇ-awˇ, sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Niˬsaˬ ba la-ahˇ, sahˬ paˬ hawˬ dzaˬ luꞈ ngeh, ngaˇ aˬ gaꞈ dzaˇ uiˇ ciˬ ha nehˬ-euˬ ma. Dzeuˇ laˇ ngeh ngaˇ noeˬ shaˬ luꞈ-eu aˬ yawꞈ tiˬ poˆ-iˬ maˬ mawˇ haw-aˬ.

Neˬhaˬmiˇ 2:8

Uˬ duˬ tahˬ nymˇ nymˇ ma-ahˇ loꞈ piˇ-eu nymˇ goˇ-euˬ laˇ gʼoˆ gʼoˆ ma deuˬ laˆ saˆ muiˬ-eu gʼaˇ duˬ maˬ ehˇ, meuˬ meuˬ lahˇ gawˬ muiˬ-eu gʼaˇ duˬ maˬ ehˇ, ngaˇ jawˇ-eu nymˇ tsoˆ-eu gʼaˇ duˬ maˬ ehˇ, daˇ kawˬ za nya ni, sahˬ paˬ-euˬ aˇ bawˇ sahˬ kʼaˆ-ahˇ haw-eu pyaˆ-eu gʼaˬ pyeuꞈ-eu Aˬsaˆ-ahˇ kʼawꞈ sahˬ boꞈ tiˬ taꞈ boꞈ nehˬ-awˬ lehˇ ngaˇ shaˇ-euˬ ma. Miˬyehˇ ngaˬ nehˬ-ehˇ jawˇ-eu miˇ neh, ngaˇ kʼaˇ shaˇ-eu jeˬ-ahˇ sahˬ paˬ mˇ nehˬ laꞈ-euˬ meh.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Jaceuq 130:2

Sahˬpaˬ Miˬyehˇ-oˇ, ngaˇ guˇ-awˇ ngoeˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ taˬ byehˇ dzeh nehˬ laꞈ.

Jaceuq 61:5

Miˬyehˇ-oˇ, ngaˇ saˇ jaˇ dzaˬ-euˬ dawˬ-ahˇ nawˇ ya gaˬ gʼaˬ-awˇ, nawˬ-ahˇ taˬ huiˬ-eu deuˬ-ahˇ biꞈ-eu jeˬ, nawˇ ngaˬ-ahˇ biꞈ laꞈ-euˬ meh.

Jaceuq 86:6

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ nehˬ laꞈ. Ngehˬ gʼeh le-awˬ lehˇ guˇ gaˇ naˇ haˬ nehˬ laꞈ.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Yeˬlaˬmiˇ 42:12

Ngaˇ gʼawˬ shaˬ gaˬ nya-eu miˇ neh, aˬ yawꞈ naw maꞈ-ahˇ gʼawˬ shaˬ gaˬ-eu laꞈ kʼoeˇ, naw maꞈ-ahˇ pyehˬ nehˬ-awˇ bi gʼoꞈ le ni ngaˇ jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma’ lehˇ ehˇ-eu meh.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

HeˬByehˇ 13:18

Nga maꞈ gʼaˇ duˬ maˬ tsehˆ leˇ ni guiˬ lahˬ shaˇ nehˬ laꞈ-awˬ. Nga maꞈ-euˬ siˬ nya-eu nui ma shawˇ jehˆ ni jaˆ ma lehˇ nga maꞈ jah-eu ma. Aˬ jeˬ miˇ neh ehˇ naˇ, aˬ myah luꞈ yaw muiˬ jeˬ-ahˇ tehꞈ-ehˇ nga maꞈ mˇ mawꞈ-eu ma.