Maꞈtehˬ 9:16 - Akha

¹⁶ “Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ, mehˬ tsoeˬ yaw cehˇ kʼoeˇ kahˇ-ahˇ yaw beh naˆ maˬ tseˇ paˇ bi pyaˬ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Tsawrhaq tiqghaq-iq maeqtsoeq yawcaer-anr saqpar yawshuif nae paertsanr maqdof-ar. Dof nar-aq, doftaq-euq paertsanr khoertsanr, maeqtsoeq yawcaer-anr bipyaq-ir-eu uqtaf, yawbae navmaqtser pyaqdzaeq-ir taef-a.

Maꞈtehˬ 9:16 Iomraidhean Croise

Aˇ dahˬ 33:14

Teu miˇ neh, nawˇ jeˬ huˬ iˇ tawˬ. Ngaˇ aw lawˆ lawˆ-ehˇ caw teh leꞈ ma. Eˬdoˬ meuˬ-ahˇ nawˬ-euˬ mehˬ nah teh miˇ le ngeh keuˆ ni, jeˬ zaˬ heu deuˬ teh-awˇ, ngaˬ-euˬ zaˬ heu deuˬ sheuˬ-awˇ, kʼaˇ laˆ kawˇ nya-eu laˆ kawˇ laˆ kawˇ-ehˇ oe gʼeh leꞈ ma.”

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Maꞈtehˬ 9:17

Kʼoeˇ gaˇ duˇ ni, aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ-ahˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, shaˬ kʼoˆ iˇ puˬ kʼoeˇ puˬ pehꞈ-iˇ-awˇ, aˬ gaꞈ dzaˇ uiˇ yoeˇ kʼaˇ-eu miˇ neh, shaˬ kʼoˆ iˇ puˬ kʼoeˇ cawˆ-iˇ jiˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh. Kʼoeˇ loꞈ-ehˇ jahˇ naˇ, nyiˬ jeˬ luꞈ maˬ cawˆ-iˇ ni ya geuꞈ-eu meh.”

Maˬkuˆ 2:21

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ baˬ da neh mehˬ tsoeˬ yaw cehˇ kʼoeˇ kahˇ paˇ pyaˬ dzehˬ-iˇ-awˇ, yaw beh naˆ maˬ tseˇ maˇ kʼehˬ jeˇ dzehˬ laˇ tehꞈ-a.

Luˇkaꞈ 5:36

Yaw jeˬ ma jeˬ heu hmˬ kʼawꞈ, aˬ yawꞈ maꞈ-ahˇ Yeˬsuˇ paˇ ja mehˬnehˬ-euˬ meh. “Tsawˇ haˬ tiˬ gʼaˬ-iˬ mehˬ tsoeˬ yaw shuiꞈ cehˬ pyaˬ-awˇ, mehˬ tsoeˬ yaw cehˇ-ahˇ pehˇ tsahˇ maˬ doꞈ-aˇ. Kʼoeˇ loꞈ-ehˇ jahˇ naˇ, mehˬ tsoeˬ yaw shuiꞈ laˆ pyaˬ gaˇ duˇ-eu uˬ taꞈ, pehˇ tsahˇ yaw shuiꞈ kʼoeˇ mehˬ tsoeˬ yaw cehˇ-ahˇ maˬ dzawˆ leˇ-aˇ.

Yoˇhaˬ 16:12

“Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

1 Gawˇliˬtu 13:13

Nymˬ-mˇ-aˬ, jah-eu jeˬ, noeˬ tmˬ-eu jeˬ, gʼoeˇ-eu gaˬ-eu jeˬ, heu smˇ jeˬ jaˆ-eu meh. Heu smˇ jeˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu jeˬ-aˬ, gʼoeˇ-eu gaˬ-eu jeˬ meh.

2 Gawˇliˬtu 9:12

Aˬ jeˬ miˇ neh ehˇ naˇ, naw maꞈ heu loꞈ-ehˇ mˇ-eu heu-aˬ, Miˬyehˇ-euˬ tsawˇ haˬ loˬ luꞈ-eu tsahˇ-ahˇ gaˇ dahˇ tsoeˬ leˇ-eu tehꞈ maˬ ngeuˇ-a. Miˬyehˇ-euˬ guiˬ lahˬ-ahˇ ja ceuˬ-eu jeˬ kʼawꞈ maˬ ehˇ jiˇ coeˇ ni bi doˆ laˇ-eu meh.