Maꞈtehˬ 8:9 - Akha

⁹ Aˬ jeˬ miˇ neh ehˇ naˇ, ngaˇ kʼawꞈ, ngaˇ naˆ maˬ tseˇ huiˬ-eu yaw huiˬ yaw mahˇ deuˬ-euˬ laꞈ oˆ gaˇ ya mˇ luꞈ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ kʼaˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ kʼaˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ jeˬ ya mˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, ngar, aqcawq-euq aryaq-euq lafov jawr-awr, ngaq-euq lafov khawf guirzaq deuq jawr-eu ma. Heughaq-anr ‘Ir-awq’ laer aer ngae, aqyawf ir-awr, khoerghaq-anr ‘Lar-awq’ laer kur nar-aq, aqyawf lar-eu mae. ‘Nawr heujeq mr-awq’ laer ngaq-euq kuirlaf zaqkhav-anr aernaeq ngae, aqyawf mr-eu mae.”

Maꞈtehˬ 8:9 Iomraidhean Croise

Jaceuq 119:91

Yawˬ jeˬ na luꞈ nawˬ-euˬ myawˬ kʼehˇ gʼoˆ-awˇ, nawˬ-euˬ dawˬ baˬ da neh iˬ nah keuˆ ni ziꞈ luꞈ-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Maꞈtehˬ 8:10

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Maꞈtehˬ 8:8

Ehˇ kʼawꞈ, yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ-eu, “Sahˬ paˬ-oˇ, nawˇ-aˬ, huiˬ dui mahˇ dui dui-eu miˇ neh, ngaˬ-euˬ nymˇ-ahˇ bi uˇ laˇ-eu maˬ geuˇ nya. Nawˬ neh dawˬ tiˬ dawˬ tehꞈ-ehˇ ngehˬ ahˇ leꞈ-euˬ kʼawꞈ, ngaˬ-euˬ zaˬ kʼaˆ taˬ leˇ tehꞈ-a.

Maˬkuˆ 1:27

Tsawˇ haˬ dawˬ tawˆ luꞈ zahˬ dui dui leˇ-awˇ, tiˬ gʼaˬ tiˇ gʼaˬ heu loꞈ-ehˇ ehˇ-eu meh. “Teu aˬ joˆ-ehˇ gʼeh-eu nga. Mehˬ nehˬ tsoˆ nehˬ-eu yaw shuiꞈ tiˬ jeˬ nga loˇ. Tsawˇ haˬ teu gʼaˬ nehꞈ yaw jawꞈ deuˬ-ahˇ dawˬ biꞈ nya gaˇ keuˆ ni baoˬ ahˇ-awˇ, nehꞈ kʼoeˇ deuˬ aˬ yawꞈ-euˬ dawˬ ya naˇ haˬ-eu nga laˬ.”

Luˇkaꞈ 4:39

Aˬ yawꞈ-euˬ dawˬ peh Yeˬsuˇ yawꞈ leˇ-awˇ, naˇ gawˇ-ahˇ dehˬ ngeh, pyaˬ-eu taˬ leˇ-awˇ, tiˬ poˆ tehꞈ-ehˇ tsawˬ tuˇ laˇ-awˇ, aˬ yawꞈ maꞈ-ahˇ hawˬ byawˇ laˆ dawˆ nehˬ-euˬ meh.

Luˇkaꞈ 7:8

Aˬ jeˬ miˇ neh ehˇ naˇ, ngaˇ kʼawꞈ, ngaˬ naˆ maˬ teˇ huiˬ-eu yaw huiˬ yaw mahˇ deuˬ-euˬ laꞈ oˆ jawˇ-awˇ gaˇ ya mˇ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ, ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ loꞈ-ehˇ ya mˇ meh.”

Luˇkaꞈ 9:1

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ uiˬ-awˇ, nehꞈ teh doˆ nya-eu baoˬ hawˇ-eu naˇ gawˇ laˆ taˬ nya-eu baoˬ biꞈ nehˬ-euˬ meh.

Gawˇlawˇsehˇ 3:22

Zaˬ kʼaˆ deuˬ-oˇ, yawˬ jeˬ na luꞈ laꞈ kʼoeˇ yawˬ ha-euˬ baw leˬ ehˇ dawˬ naˇ haˬ-awˬ. Baw leˬ deuˬ neh bi ja ceuˬ-eu lehˇ baw leˬ mawˇ gaˇ tehꞈ-ehˇ dawˬ gʼoˆ gʼoˆ-eu jeˬ maˬ bi pyeuꞈ ni, Sahˬpaˬ Yeˬsuˇ-ahˇ yaw zeu baw-eu miˇ neh nui ma laꞈ kʼoeˇ keuˆ ni dawˬ gʼoˆ gʼoˆ-eu jeˬ bi pyeuꞈ-awˬ.

Tiˇtuˆ 2:9

Zaˬ kʼaˆ deuˬ yawˬ ha-euˬ baw leˬ ehˇ dawˬ naˇ haˬ-awˇ, yawˬ jeˬ na luꞈ laꞈ kʼoeˇ baw leˬ deuˬ nui kʼahˇ shiˇ ni ya dehꞈ-awˇ, dawˬ poˆ maˬ ya poˆ-a lehˇ mehˬ nehˬ-awˬ.