Maꞈtehˬ 8:4 - Akha

⁴ Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yeqsur, aqyawf-anr aernaeq-eu, “Nawr, tiqghaq-anr-iq taq ja’naeq de-eq. Pirma jawr-eu gar le-awr, nawq-euq mawrdo-anr bi tsermr hawler-awq. Khoeruqtaf, nawr taqler-euq gar aqcawq yasiqni, Morseq nae dawq biftaq-euq lof-aer lawrnaeq-eu jeq lawrler-awq.”

Maꞈtehˬ 8:4 Iomraidhean Croise

Iˇsaˬyaˇ 42:21

Sahˬpaˬ Miˬyehˇ ka kʼoꞈ-eu nui ma keuˆ-eu miˇ neh, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ bi goˇ-awˇ, aˬ yawꞈ-euˬ tsawˇ haˬ deuˬ zahˇ dawˬ kʼoꞈ dawˬ-ahˇ taˬ huiˬ gaˇ, aˬ yawꞈ haw mawꞈ mawˇ mawꞈ-eu meh.

Uˬ duˬ 13:49

kʼoeˇ gaˇ dawꞈ-eu maˇ naˇ kʼoeˇ nyoeˇ la la-eu maˬ kaˬ, neˇ la la-eu maˬ kaˬ, nyawˬ naˇ-eu maˇ naˇ pyeuꞈ-awˇ, piˇ ma-ahˇ ya bi haw-iˇ meh.

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

Maꞈtehˬ 16:20

Kʼoeˇ naˇ, aˬ yawꞈ Meˬsiˇya pyeuꞈ-eu gaˇ kawˆ aˬ cawˬ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, zaˬ lahˇ deuˬ-ahˇ Yeˬsuˇ dawˬ biꞈ-euˬ meh.

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Maꞈtehˬ 5:17

“Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ laˆ cawˆ le-eu gʼaˇ duˬ ngaˇ oe-euˬ nga lehˇ naw maꞈ taˬ noeˬ. Kʼoeˇ deuˬ-ahˇ laˆ cawˆ-eu gʼaˇ duˬ oe-euˬ maˬ ngeuˇ. Mˇ byah-eu gʼaˇ duˬ oe-euˬ ma.

Maꞈtehˬ 6:1

“Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu jaˬ-eu gaˇ deuˬ-ahˇ naw maꞈ mˇ ngeh, aˬ cawˬ mawˇ ni mˇ-eu jeˬ taˬ bi pyeuꞈ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda naw maꞈ-ahˇ guiˬ lahˬ maˬ biꞈ-a.

Maꞈtehˬ 9:30

Kʼoeˇ ngeh, aˬ yawꞈ nyaꞈ myaˆ nuiˆ mawˇ laˇ-euˬ meh. Aˬ yawꞈ nyaꞈ-ahˇ Yeˬsuˇ ehˇ nehˬ-eu, “Ngaˬ neh naw nyaꞈ-ahˇ myaˆ nuiˆ bi mawˇ laˇ-euˬ gaˇ kawˆ heu, aˬ cawˬ tiˬ gʼaˬ-ahˇ-iˬ maˬ bi siˬ ni yaw kʼaˆ kʼaˆ-ehˇ yahˇ-awˬ.”

Maˬkuˆ 13:9

“Naw maꞈ yaw gahˇ gahˇ-ehˇ ya dehꞈ meh. Naw maꞈ-ahˇ aˬ cawˬ paꞈ-awˇ, yaˇ kʼaˬ daˇ-eu saˇ naˇ-ahˇ tsahˇ gʼeh tehꞈ-a. Uˬ duˬ tahˬ nymˇ laꞈ kʼoeˇ naw maꞈ-ahˇ aˬ cawˬ diˬ tehꞈ-a. Naw maꞈ ngaˬ-ahˇ jah-eu jeˬ baˬ da neh, sahˬ paˬ sahˬ ma deuˬ mehˬ shi naw maꞈ ya yawꞈ leˇ-awˇ, saˇ kiˇ ya kamˬ tehꞈ-a.

Maˬkuˆ 3:12

Aˬ yawꞈ aˬ suˇ gʼaˬ pyeuꞈ-eu gaˇ kawˆ aꞈ cawˬ-ahˇ maˬ ehˇ mehˬ-eu gʼaˇ duˬ, nehꞈ yaw jawꞈ kʼoeˇ deuˬ-ahˇ Yeˬsuˇ yaw kʼaˆ kʼaˆ-ehˇ dawˬ biꞈ-euˬ meh.

Maˬkuˆ 5:43

Gaˇ kawˆ kʼoeˇ aˬ cawˬ maˬ bi siˬ ni yahˇ-eu gʼaˇ duˬ, aˬ yawꞈ maꞈ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-euˬ meh. Kʼoeˇ naˇ, “Aˬ buˇ-ahˇ tiˬ jeˬ paˬ bi dzaˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Maˬkuˆ 6:11

Naw maꞈ-ahˇ maˬ ha geuꞈ-ehˇ, naw maꞈ mehˬ gaˇ maˬ naˇ haˬ mawꞈ-eu jawˇ duˬ-ahˇ naw maꞈ iˇ zaˬ naˇ, naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Maˬkuˆ 7:36

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ ya ja nehˬ-eu gʼaˇ duˬ, tsawˇ haˬ kʼoeˇ deuˬ-ahˇ Yeˬsuˇ dawˬ biꞈ-euˬ meh. Ehˇ kʼawꞈ, aˬ yawꞈ ngehˬ-ehˇ laˆ tsoeˬ naˇ, aˬ yawꞈ maꞈ ngehˬ-ehˇ ja byah gʼeh-euˬ meh.

Maˬkuˆ 8:30

Kʼoeˇ naˇ, aˬ yawꞈ maꞈ-ahˇ Yeˬsuˇ dawˬ biꞈ-awˇ ehˇ-eu, “Ngaˬ-euˬ gaˇ kawˆ tiˬ gʼaˬ-ahˇ-iˬ taˬ ja nehˬ de.”

Maˬkuˆ 9:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ geh, Yeˬsuˇ aˬ yawꞈ maꞈ-ahˇ dawˬ biꞈ-awˇ ehˇ-eu, “Tsawˇ haˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh kʼaˇ ya mawˇ-euˬ jeˬ, tiˬ gʼaˬ-ahˇ-iˬ taˬ ja nehˬ.”

Luˇkaꞈ 17:14

Yeˬsuˇ aˬ yawꞈ maꞈ-ahˇ haw mawˇ-awˇ ehˇ nehˬ-eu, “Piˇ ma deuˬ jawˇ gaˇ iˇ-awˇ, naw maꞈ-euˬ gʼawˇ mawˇ bi pyehˆ tseˇ haw-iˇ-awˬ.” Aˬ yawꞈ maꞈ gaˇ pehˇ iˇ luꞈ ngeh, muiˬ laˇ shawˇ laˇ-euˬ meh.

Luˇkaꞈ 21:13

Kʼoeˇ-aˬ, naw maꞈ Laˬ kʼaˬ cehˇ-eu Guiˬ lahˬ dawˬ gaˇ kawˆ saˇ kiˇ kamˬ-eu gʼaˇ duˬ muiˬ-eu aˇ yamˬ meh.

Luˇkaꞈ 4:41

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ deuˬ kʼawꞈ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ guˇ-ehˇ doˆ-iˇ jiˇ-euˬ meh. Nehꞈ kʼoeˇ deuˬ dawˬ maˬ bi ngehˬ doˆ laˬ ni, Yeˬsuˇ yaw kʼaˆ kʼaˆ-ehˇ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ Ka li pyeuꞈ-eu gaˇ kawˆ aˬ yawꞈ maꞈ siˬ nya-eu meh.

Luˇkaꞈ 5:14

Yeˬsuˇ aˬ yawꞈ-ahˇ dawˬ biꞈ-awˇ ehˇ nehˬ-eu, “Tsawˇ haˬ tiˬ gʼaˬ-ahˇ-iˬ maˬ ehˇ nehˬ ni, tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ-euˬ lawˇ-eu shehˇ-eu jeˬ lawˇ-iˇ-awˬ.”

Luˇkaꞈ 8:56

Aˬ yawꞈ-euˬ aˬ da aˬ ma zahˬ dui dui leˇ-euˬ meh. Ehˇ kʼawꞈ, pyeuꞈ laˇ-euˬ gaˇ kawˆ kʼoeˇ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, aˬ yawꞈ maꞈ-ahˇ Yeˬsuˇ dawˬ biꞈ-euˬ meh.

Luˇkaꞈ 9:21

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ dzawˇ mehˬ nehˬ-eu gʼaˇ duˬ, aˬ yawꞈ maꞈ-ahˇ Yeˬsuˇ dawˬ yaw kʼaˆ kʼaˆ-ehˇ biꞈ-euˬ meh.

Yoˇhaˬ 5:41

Tsawˇ haˬ zaˬ neh bi ja ceuˬ-eu jeˬ-ahˇ ngaˇ poˆ luꞈ-eu maˬ ngeuˇ.

Yoˇhaˬ 7:18

Yawˬ ha-euˬ nui noeˬ ngehˬ-eu tmˇ-eu tsawˇ haˬ-aˬ, yawˬ ha yaw shehꞈ kʼahˬ sehˇ za ni mˇ-eu tehꞈ-a. Ehˇ kʼawꞈ, yawˬ ha-ahˇ kʼehˇ gʼeh leꞈ-euˬ Miˬyehˇ-euˬ yaw shehꞈ kʼahˬ sehˇ bi doˆ laˇ mawꞈ-eu gʼaˬ-aˬ, yaw sui yaw dawˇ jeˬ ahˇ-awˇ, yaw lehˬ tiˬ pawꞈ-iˬ maˬ ahˇ-a.

Yoˇhaˬ 8:50

Ngaˇ-aˬ, aˬ cawˬ neh bi taˬ huiˬ bi taˬ mahˇ-eu jeˬ-ahˇ poˆ luꞈ-eu maˬ ngeuˇ. Ehˇ kʼawꞈ, ngaˬ-ahˇ aˬ cawˬ bi taˬ huiˬ-eu jeˬ-ahˇ poˆ-awˇ, ngaˇ jawˇ paw pyawˬ-awˇ daˇ tsehˆ-eu tiˬ gʼaˬ jawˇ meh.