Maꞈtehˬ 8:3 - Akha

³ Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur, aqlaf cawqja-awr, khoerghaq-anr toeqciv-awr aer-eu, “Ngar janrmawf mir-a. Nawr shawrlar-awq.” Khoerngae, tiqpov taef-aer khoerghaq-euq coiqdoi nargawr shawrlar-euq mae.

Maꞈtehˬ 8:3 Iomraidhean Croise

Aˇ dahˬ 1:3

Kʼoeˇ naˇ, Miˬyehˇ dawˬ biꞈ-awˇ, “Yaw shehꞈ jaˆ le-awˬ” lehˇ ehˇ ngeh, yaw shehꞈ jaˆ le-euˬ meh.

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Doˆ-iˇ 4:7

“Nawˬ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˬ” lehˇ, Moˇseˬ-ahˇ Sahˬpaˬ Miˬyehˇ paˇ ehˇ nehˬ-euˬ meh. Moˇseˬ gʼeh, aˬ yawꞈ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˇ cawˬ doˆ haw ngeh, aˬ yawꞈ yaw oeˇ loꞈ-ehˇ paˇ muiˬ laˇ-euˬ meh.

Maꞈtehˬ 12:13

Kʼoeˇ naˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Aˬ laꞈ caw ja-awˬ” lehˇ Yeˬsuˇ ehˇ nehˬ-euˬ meh. Tsawˇ haˬ kʼoeˇ gʼaˬ aˬ laꞈ cawˬ ja ngeh, aˬ laꞈ yawˬ pyawˬ yawˬ loꞈ-ehˇ paˇ muiˬ kʼoꞈ laˇ-euˬ meh.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Maˬkuˆ 4:39

Yeˬsuˇ tuˇ laˇ-awˇ, jaˬ lehˇ-ahˇ “Ciˬ cuˇ ni jawˇ-awˬ” lehˇ dehˬ-awˇ, iˇ luˆ-ahˇ “Naˬ leˇ-awˬ” lehˇ ehˇ nehˬ ngeh, jaˬ lehˇ lehˇ ma baw-eu naˬ leˇ-awˇ, ciˬ cuˇ ni pyeuꞈ-iˇ-euˬ meh.

Maˬkuˆ 5:41

Aˬ buˇ kʼoeˇ gʼaˬ-euˬ aˬ laꞈ-ahˇ Yeˬsuˇ nyehꞈ tehˬ-awˇ, “Daˬ liˇ daˬ guˇ miˇ” lehˇ ehˇ nehˬ-euˬ meh. Dawˬ tsuiꞈ-aˬ, “Aˬ buˇ zaˬ-oˇ, tuˇ-awˬ lehˇ ngaˇ nawˬ-ahˇ ehˇ-eu ma” lehˇ ehˇ mawꞈ-eu meh.

Maˬkuˆ 7:34

Kʼoeˇ naˇ, Yeˬsuˇ mˬ-ahˇ gʼawˇ leuˇ-awˇ, saꞈ saꞈ ma gʼawˇ ka-eu laꞈ kʼoeˇ, “Iˇ paˬ daˬ” lehˇ ehˇ-eu meh. Dawˬ tsuiꞈ-aˬ, “Pah laˇ-awˬ” lehˇ ehˇ mawꞈ-eu meh.

Maˬkuˆ 9:25

Aˬ yawꞈ maꞈ jawˇ gaˇ tsawˇ haˬ aˇ maꞈ cehˆ laꞈ luꞈ gaˇ Yeˬsuˇ ya mawˇ ngeh, nehꞈ kʼoeˇ mawˇ-ahˇ dawˬ biꞈ-awˇ ehˇ nehˬ-eu, “Aˬ dzawˬ bi dzawˬ-iˇ-awˇ naˬ bawˬ bi bawˬ-iˇ-eu nehꞈ-oˇ, aˬ li teu li laꞈ kʼoeˇ neh doˆ le-awˬ. Aˬ kaˇ naˇ, aˬ yawꞈ laꞈ kʼoeˇ tiˬ jawˇ-iˬ taˬ paˇ uˇ-iˇ lehˇ nawˬ-ahˇ ngaˇ dawˬ biꞈ-eu ma.”

Luˇkaꞈ 4:27

Eˇliˇshehˇ-euˬ ziˇ-ahˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ coiˬ doi naˇ-eu tsawˇ haˬ gʼawˬ mya ni jawˇ-eu meh. Ehˇ kʼawꞈ, nui gʼaˬ-ahˇ maˬ bi muiˬ maˬ bi shawˇ laˇ-ehˇ Suˇliˆ tsawˇ jeuˬ Neˬmaˬ tiˬ gʼaˬ-ahˇ tehꞈ-ehˇ bi muiˬ bi shawˇ laˇ-euˬ meh.”

Luˇkaꞈ 5:13

Yeˬsuˇ aˬ laꞈ cawˬ ja-awˇ, aˬ yawꞈ-ahˇ toeˬ ciˆ-awˇ ehˇ-eu, “Ngaˇ jahˇ nehˬ mawꞈ ma. Muiˬ laˇ shawˇ laˇ-awˬ.” Kʼoeˇ ngeh, coiˬ coi naˇ gawˇ kʼoeˇ tiˬ poˆ tehꞈ-ehˇ byoˆ tsehˆ-euˬ meh.

Luˇkaꞈ 7:14

Aˬ yawꞈ le-awˇ, seuˆ yoꞈ-ahˇ toeˬ ciˆ ngeh, seuˆ yoꞈ baꞈ luꞈ-eu tsawˇ haˬ deuˬ naˬ leˇ-euˬ meh. “Aˬ nyiˇ-oˇ, tuˇ laˇ-awˬ lehˇ nawˬ-ahˇ ngaˇ ehˇ-eu ma” lehˇ, shiˇ-euˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Yoˇhaˬ 11:43

Aˬ yawꞈ kʼoeˇ loꞈ-ehˇ ehˇ gʼaˬ ngeh, “Laˬzaˬluˇ-oˇ, doˆ le-awˬ” lehˇ yaw kʼaˆ-ehˇ guˇ-euˬ meh.

Yoˇhaˬ 15:24

Tsawˇ haˬ tiˬ gʼaˬ-iˬ maˬ mˇ haw-euˬ gaˇ heu deuˬ aˬ yawꞈ maꞈ jawˇ gaˇ ngaˇ maˬ mˇ-euˬ law nmˇ-aˬ, aˬ yawꞈ maꞈ iˬ baˇ maˬ ahˇ-aˇ. Ehˇ kʼawꞈ, ngaˬ neh mˇ-euˬ gaˇ-ahˇ aˬ yawꞈ maꞈ ya mawˇ-awˇ, ngaˬ-ahˇ maˬ ehˇ, ngaˬ Da-ahˇ maˬ ehˇ, aˬ yawꞈ maꞈ muiˇ-eu meh.

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.