Maꞈtehˬ 8:2 - Akha

² Kʼoeˇ ngeh, coiˬ doi naˇ-eu tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, nawˇ mˇ mawꞈ naˇ, ngaˇ muiˬ laˇ shawˇ laˇ ni mˇ nya meh” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, coiqdoi nar-eu tiq ghaq, aqyawf jawr-eu gar lar-awr, aqyawf-anr uqduq tanqtanq-aer aer-eu, “Sanqpaq-or! Nawr janrmawf nar-aq, ngar shawrlarni nawr janrnya mae.”

Maꞈtehˬ 8:2 Iomraidhean Croise

2 Saˬmeuˬlaˆ 3:39

Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”

2 Sahˬpaˬ 15:5

Sahˬpaˬ Miˬyehˇ neh Awˇziˇ-ahˇ maˬ shiˇ tiˬ ziˇ nyawˬ bi naˇ-awˇ, nymˇ tiˬ nymˇ laꞈ kʼoeˇ aˬ yawꞈ tiˬ gʼaˬ tehꞈ-ehˇ jawˇ-euˬ meh. Aˬ yawꞈ-euˬ aˬ li Yoˇdaˬ gʼaˬ neh miˇ kʼahˬ-ahˇ bi uˆ lahˇ-euˬ meh.

2 Sahˬpaˬ 5:1

Suˇliˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬmaˬ-ahˇ, Suˇliˆ sahˬ paˬ taˬ huiˬ taˬ mahˇ dui dui-eu meh. Aˬ jeˬ miˇ neh ehˇ naˇ, Neˬmaˬ baˬ da neh Suˇliˆ guiˇ maꞈ deuˬ-ahˇ aˬ cawˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Aˬ yawꞈ-aˬ, guiˇ deuˆ-eu paw tsawˇ myahˇ doˆ dui dui kʼawꞈ, nyawˬ naˇ-eu tsawˇ haˬ tiˬ gʼaˬ pyeuꞈ-eu meh.

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

Bawˇtsahˬ 12:10

Sehˬ gʼawˆ kʼoeˇ taˆ jaˆ-eu mˬ dmˇ gʼoꞈ daˆ leˇ ngeh, Miˇliˬyaˬ-euˬ gʼawˇ mawˇ-ahˇ nyawˬ naˇ byah-awˇ, ngehˇ loꞈ-ehˇ pyuˇ deuˬ ni pyeuꞈ laˇ-euˬ meh. Miˇliˬyaˬ-ahˇ Aˬloˬ haw gʼeh ngeh, nyawˬ naˇ byah taˬ-euˬ gaˇ ya mawˇ-awˇ,

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Maꞈtehˬ 13:58

Aˬ yawꞈ maꞈ nui jah maˬ ahˇ-eu miˇ neh, zahˬ leˇ paˬ-ehˇ gʼeh-eu gʼawˬ mya jeˬ, kʼoeˇ gaˇ aˬ yawꞈ maˬ mˇ mehˬ nehˬ-a.

Maꞈtehˬ 14:33

Kʼoeˇ naˇ, lawˬ laꞈ kʼoeˇ uˇ luꞈ-eu zaˬ lahˇ deuˬ Yeˬsuˇ-ahˇ uˬ duˬ tahˬ-euˬ meh. Aˬ yawꞈ maꞈ ehˇ-eu, “Nawˇ-aˬ, maˇ maˇ ni Miˬyehˇ-euˬ Zaˬmaˇ ngaˇ.”

Maꞈtehˬ 15:25

Kʼoeˇ ngeh jawˇ, zaˬ miˬ zaˬ kʼoeˇ gʼaˬ aˬ yawꞈ-euˬ aˬ kuiˇ dawˬ peh pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, ngaˬ-ahˇ ngehˬ gʼeh nehˬ laꞈ-awˬ” lehˇ ehˇ-eu meh.

Maꞈtehˬ 18:26

Kʼoeˇ ngeh, zaˬ kʼaˆ kʼoeˇ gʼaˬ sahˬ paˬ-euˬ mehˬ shi pawˬ tsuiꞈ pawˬ dmˬ dmˬ-awˇ, ‘Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ tiˬ kʼehˬ oˇ nehˬ laꞈ siˬ. Ngaˇ dziˇ dzoˆ dawˬ tawˆ luꞈ tsoeˬ tsehˆ jiˇ ma’ lehˇ shaˇ-eu meh.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 20:20

Kʼoeˇ naˇ, Zeˬbeˬdehˇ-euˬ miˬ zaˬ-aˬ, aˬ yawꞈ-euˬ aˬ li nyiˬ li sheuˬ-awˇ, aˬ nyaꞈ nmˇ gʼaˇ duˬ tiˬ jeˬ paˬ shaˇ-eu lehˇ, Yeˬsuˇ-euˬ mehˬ shi pawˬ tsuiꞈ pawˬ dmˬ dmˬ-euˬ meh.

Maꞈtehˬ 26:6

Beˬtaˬniˇ pu-ahˇ jawˇ-eu Siˇmoˬ lehˇ myahˇ-euˬ coiˬ doi tiˬ gʼaˬ-euˬ nymˇ-ahˇ Yeˬsuˇ jawˇ luꞈ-eu meh.

Maꞈtehˬ 28:17

Aˬ yawꞈ maꞈ aˬ yawꞈ-ahˇ mawˇ ngeh, uˬ duˬ tahˬ-euˬ meh. Ehˇ kʼawꞈ, tiˬ paˆ na deuˬ yaw muiˬ-ehˇ maˬ jah-a.

Maꞈtehˬ 28:9

Ja pyuˬ ni, aˬ yawꞈ nyaꞈ-ahˇ Yeˬsuˇ tahˬ puˬ-awˇ, “Naw nyaꞈ kʼoeˇ taˆ nui saˇ oꞈ-eu jeˬ jaˆ luꞈ-uˇ” lehˇ ehˇ-eu meh. Aˬ yawꞈ nyaꞈ aˬ yawꞈ jawˇ gaˇ jiˆ leˇ-awˇ, aˬ yawꞈ-euˬ aˬ kuiˇ-ahˇ byaˇ cuꞈ-awˇ uˬ duˬ tahˬ-euˬ meh.

Maꞈtehˬ 4:9

Nehꞈ sahˬ paˬ ehˇ-eu, “Nawˇ pawˬ tsuiꞈ pawˬ dmˬ dmˬ-awˇ ngaˬ-ahˇ uˬ duˬ tahˬ naˇ, miˇ kʼahˬ heu deuˬ dawˬ tawˆ luꞈ nawˬ-ahˇ biꞈ ma.”

Maꞈtehˬ 8:1

Yeˬsuˇ gawˬ jawˬ kʼoeˇ taˆ neh zaꞈ ka le ngeh, aˬ yawꞈ-euˬ mehˬ nah tsawˇ haˬ aˇ maꞈ maꞈ ma caw teh-euˬ meh.

Maꞈtehˬ 8:25

Zaˬ lahˇ deuˬ aˬ yawꞈ-ahˇ laˆ noeˬ-awˇ ehˇ-eu, “Sahˬ paˬ-oˇ, nga maꞈ-ahˇ ka kʼoꞈ nehˬ laꞈ-awˬ. Ga nuiꞈ sehꞈ jiˇ shaw-iˬ miˇ-a.”

Maꞈtehˬ 9:18

Aˬ yawꞈ maꞈ-ahˇ Yeˬsuˇ kʼoeˇ loꞈ-ehˇ ehˇ nehˬ luꞈ ngeh, yaw huiˬ yaw mahˇ tiˬ gʼaˬ Yeˬsuˇ jawˇ gaˇ oe-euˬ meh. Yeˬsuˇ-euˬ mehˬ shi aˬ yawꞈ ga byaˆ-awˇ, “Ngaˬ buˇ uˬ soe shiˇ tsehˆ-euˬ meh. Ehˇ kʼawꞈ, nawˇ oe-awˇ aˬ laꞈ tiˬ poˆ baꞈ daˆ nehˬ laꞈ naˇ, aˬ yawꞈ paˇ dehꞈ poˆ laˇ tehꞈ-a” lehˇ ehˇ-eu meh.

Luˇkaꞈ 4:27

Eˇliˇshehˇ-euˬ ziˇ-ahˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ coiˬ doi naˇ-eu tsawˇ haˬ gʼawˬ mya ni jawˇ-eu meh. Ehˇ kʼawꞈ, nui gʼaˬ-ahˇ maˬ bi muiˬ maˬ bi shawˇ laˇ-ehˇ Suˇliˆ tsawˇ jeuˬ Neˬmaˬ tiˬ gʼaˬ-ahˇ tehꞈ-ehˇ bi muiˬ bi shawˇ laˇ-euˬ meh.”

Yoˇhaˬ 9:38

Kʼoeˇ ngeh jawˇ, tsawˇ haˬ kʼoeˇ gʼaˬ “Sahˬ paˬ-oˇ, ngaˇ jah ma” lehˇ ehˇ-awˇ, Yeˬsuˇ-euˬ mehˬ shi pawˬ tsuiꞈ pawˬ dmˬ dmˬ-euˬ meh.

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Gʼaˬkʼehˇ 10:25

Beˬtuˆluˆ iˇ kahˇ laꞈ kʼoeˇ uˇ leˇ-eu lehˇ gʼeh ngeh, aˬ yawꞈ-euˬ aˬ kuiˇ dawˬ peh Gawˬneˬliˇ pawˬ tsuiꞈ pawˬ dmˬ dmˬ-euˬ meh.

1 Gawˇliˬtu 14:25

Zaꞈ taˬ-euˬ aˬ yawꞈ-euˬ nui noeˬ aˬ cawˬ mehˬ shi pah doˆ leꞈ-awˇ, pawˬ tsuiꞈ pawˬ dmˬ ga dmˬ-awˇ Miˬyehˇ-ahˇ uˬ duˬ tahˬ tehꞈ-a. “Naw maꞈ nehˬ-ehˇ Miˬyehˇ maˇ maˇ ni jawˇ-eu ngaˇ” lehˇ aˬ yawꞈ ehˇ tehꞈ-a.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.