Maꞈtehˬ 8:15 - Akha

¹⁵ Aˬ yawꞈ-euˬ aˬ laꞈ-ahˇ Yeˬsuˇ toeˬ ciˆ ngeh, pyaˬ-eu taˬ leˇ-awˇ, tuˇ laˇ-awˇ, Yeˬsuˇ gʼaˇ duˬ dzaˬ dzaˬ dawˇ dawˇ laˆ dawˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Yeqsur, aqyawf-euq aqlaf-anr toeqciv ngae, pyaq-eu khoer lawq-ir-euq mae. Khoernar-aq, aqyawf tsawqtur-awr, Yeqsur-anr hawqbyawr lavdawv naeq-euq mae.

Maꞈtehˬ 8:15 Iomraidhean Croise

2 Sahˬpaˬ 13:21

Tiˬ poˆ-aˬ, tsawˇ haˬ baꞈ pahˬ luꞈ ngeh, aˇ muˇ kʼoeˇ tiˬ muˇ laˇ luꞈ gaˇ ya mawˇ-awˇ, tsawˇ shiˇ-ahˇ Eˇliˇshehˇ-euˬ lmˬ bymˇ laꞈ kʼoeˇ baꞈ ahˇ yaꞈ-awˇ, cehˆ jiˇ-euˬ meh. Tsawˇ shiˇ kʼoeˇ Eˇliˇshehˇ-euˬ shaˬ yoeˬ-ahˇ ga tuˆ-euˬ nehˬ-ehˇ, tiˬ poˆ tehꞈ-ehˇ gʼoꞈ dehꞈ laˇ-awˇ, gawˬ yawꞈ yawꞈ laˇ-euˬ meh.

Iˇsaˬyaˇ 6:7

Ngaˬ-euˬ mehˬ luꞈ-ahˇ, doꞈ luꞈ-eu miˬ dzaˬ miˬ jiˆ kʼoeˇ neh aˬ yawꞈ toeˬ ciˆ-awˇ, “Nawˬ-euˬ mehˬ luˬ-ahˇ miˬ dzaˬ miˬ jiˆ heu neh toeˬ ciˆ gʼaˬ shaw-euˬ baˬ da neh, nawˬ-euˬ yaw lehˬ yaw ca jeˬ tsiˬ shawˇ dzeh-awˇ, nawˬ-ahˇ iˬ baˇ pyehˬ nehˬ gʼaˬ-euˬ meh” lehˇ ehˇ-eu meh.

Maꞈtehˬ 14:36

Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maꞈtehˬ 20:34

Aˬ yawꞈ nyaꞈ-ahˇ Yeˬsuˇ gʼawˬ shaˬ haw gaˬ-awˇ, myaˆ nuiˆ-ahˇ toeˬ ciˆ nehˬ ngeh, aˬ yawꞈ nyaꞈ-euˬ myaˆ nuiˆ tiˬ poˆ tehꞈ-ehˇ mawˇ laˇ-awˇ, aˬ yawꞈ-euˬ mehˬ nah caw teh gʼeh-euˬ meh.

Maꞈtehˬ 8:14

Beˬtuˆluˆ-euˬ nymˇ-ahˇ Yeˬsuˇ iˇ ngeh, Beˬtuˆluˆ-euˬ aˬ mawˬ zaˬ miˬ zaˬ gʼaˬ pyaˬ-awˇ ga luꞈ gaˇ ya mawˇ-euˬ meh.

Maꞈtehˬ 8:16

Kʼoeˇ ngeh nah uˬ ciꞈ ciꞈ le ngeh, nehꞈ uˇ-eu tsawˇ haˬ gʼawˬ mya ni Yeˬsuˇ jawˇ gaˇ sheuˬ laꞈ-euˬ meh. Aˬ yawꞈ dawˬ tehꞈ-ehˇ ngehˬ-awˇ, nehꞈ kʼoeˇ deuˬ-ahˇ teh doˆ nehˬ jiˇ-euˬ meh. Naˇ-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ laˆ taˬ nehˬ-euˬ meh.

Maꞈtehˬ 8:3

Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Maꞈtehˬ 9:20

Kʼoeˇ ngeh, tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ, Yeˬsuˇ-euˬ mehˬ nah miˇ ni caw teh le-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ-euˬ meh.

Maꞈtehˬ 9:29

Kʼoeˇ naˇ, aˬ yawꞈ nyaꞈ-euˬ myaˆ nuiˆ-ahˇ Yeˬsuˇ toeˬ ciˆ-awˇ, “Naw nyaꞈ jah-eu loꞈ-ehˇ pyeuꞈ laˇ luꞈ-uˇ” lehˇ ehˇ nehˬ-euˬ meh.

Maˬkuˆ 1:29

Yeˬsuˇ hawˇ-eu aˬ yawꞈ-euˬ zaˬ lahˇ kʼoeˇ deuˬ uˬ duˬ tahˬ nymˇ-ahˇ neh doˆ le-awˇ, Siˇmoˬ hawˇ-eu Aˬdehˬlehˬ pehˬ-euˬ nymˇ-ahˇ iˇ-euˬ meh. Yaˬkoˆ hawˇ-eu Yoˇhaˬ aˬ nyaꞈ gʼeh ahˇ-eu meh.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Luˇkaꞈ 8:54

Ehˇ kʼawꞈ, aˬ buˇ kʼoeˇ buˇ-euˬ aˬ laꞈ-ahˇ aˬ yawꞈ nyehꞈ tehˬ-awˇ, “Aˬ buˇ-oˇ, tuˇ-awˬ” lehˇ, teˇ saˇ yaw kʼaˆ kʼaˆ-ehˇ ehˇ nehˬ-euˬ meh.