Maꞈtehˬ 7:7 - Akha

⁷ “Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ “Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Maꞈtehˬ 7:7 Iomraidhean Croise

Aˇ dahˬ 26:32

Kʼoeˇ ngeh nah, Iˇtsaˆ-euˬ zaˬ kʼaˆ deuˬ Iˇtsaˆ jawˇ gaˇ laˇ-awˇ, aˬ yawꞈ maꞈ duˬ luꞈ-eu lah duˬ kʼoeˇ duˬ iˇ cuꞈ mawˇ le-euˬ gaˇ kawˆ tsaꞈ gaˬ laˇ-euˬ meh.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 119:12

Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ ma. Nawˬ-euˬ gaˇ ma ngaˬ-ahˇ mehˬ laꞈ.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 34:4

SahˬpaˬMiˬyehˇ-ahˇngaˇpoˆngeh, aˬyawꞈngaˬ-ahˇoˬtoˬlaꞈ-awˇ, guˆ-eu jeˬdawˬtawˆluꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 69:32

Aˬ cawˬ nawˬ dzaˬ kʼaˆ dzaˬ-eu uˬ moˆ ya jawˇ-eu tsawˇ haˬ deuˬ, kʼoeˇ gaˇ ya mawˇ ngeh nui kʼahˇ shiˇ tehꞈ-a. Miˬyehˇ-ahˇ uˬ duˬ tahˬ-eu tsawˇ haˬ deuˬ, nui ma shiˬ keuˇ ni pyeuꞈ laˇ tehꞈ-a.

Jaceuq 70:4

Nawˇ jawˇ gaˇ kʼaˇ laˇ-eu tsawˇ haˬ deuˬ laˬ kʼaˬ cehˇ nui saˇ za luꞈ-uˇ. Nawˇ ka kʼoꞈ nehˬ-euˬ miˇ neh nawˬ-ahˇ guiˬ lahˬ huiˬ-eu tsawˇ haˬ dawˬ tawˆ luꞈ, Sahˬpaˬ Miˬyehˇ aˇ naˆ ni huiˬ-eu mahˇ-eu nga lehˇ, aˬ myah luꞈ ehˇ luꞈ-uˇ.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Dawˬ caˇ 3:2

Meuˬ meuˬ lah-ehˇ ngaˇ cah doe jiˇ-awˇ, gaˇ gʼoꞈ gaˇ liˆ kʼaˇ jaˆ-eu poˆ doe-euˬ ma. Ngaˇ gaˬ-eu gʼaˬ-ahˇ poˆ sehꞈ leꞈ kʼawꞈ, tiˬ gaˇ-iˬ maˬ poˆ mawˇ nya nya.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Aˬmoˆ 5:4

Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Maꞈtehˬ 18:19

“Kʼoeˇ uˬ taꞈ, naw maꞈ-ahˇ ngaˇ heu loꞈ-ehˇ paˇ ehˇ-eu ma. Naw maꞈ laꞈ kʼoeˇ tsawˇ haˬ nyiˬ gʼaˬ nui ma gm-awˇ, miˇ tsaˬ kʼoeˇ taˆ guiˬ lahˬ shaˇ naˇ, naw maꞈ neh kʼaˇ shaˇ-euˬ jeˬ, mˬ kʼoeˇ taˆ jawˇ-eu ngaˬ Da jahˇ nehˬ laꞈ tehꞈ-a.

Maꞈtehˬ 21:22

Naw maꞈ jah-eu nui ma ahˇ naˇ, naw maꞈ guiˬ lahˬ kʼaˇ shaˇ-eu jeˬ za tehꞈ-a.”

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Maꞈtehˬ 7:11

Naw maꞈ iˬ baˇ mˇ-eu tsawˇ haˬ pyeuꞈ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ nehˬ-eu kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda pyeuꞈ-eu Miˬyehˇ-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ, yaw muiˬ jeˬ biꞈ-eu aˇ naˆ ni paˇ siˬ nya dzehˬ nmˇ.

Maꞈtehˬ 7:8

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ poˆ mawˇ nya ni, Miˬyehˇ caw ba tehꞈ-a. Laˇ gʼoˆ-ahˇ kʼoˆ-eu tsawˇ haˬ yawˬ gʼaˬ na luꞈ-ahˇ kʼawꞈ, Miˬyehˇ pah nehˬ tehꞈ-a.

Maˬkuˆ 11:24

Teu miˇ neh, naw maꞈ-ahˇ ngaˇ ehˇ nehˬ nyaˇ. Naw maꞈ tiˬ jeˬ paˬ za ni guiˬ lahˬ shaˇ ngeh, za ma lehˇ jah-awˇ shaˇ naˇ, naw maꞈ neh kʼaˇ shaˇ-euˬ jeˬ za tehꞈ-a.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Lormav 3:11

Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

Yaˬkoˆ 5:15

Jah-eu laꞈ kʼoeˇ guiˬ lahˬ shaˇ-eu jeˬ-aˬ, naˇ-eu tsawˇ haˬ-ahˇ bi taˬ leˇ-eu meh. Sahˬpaˬ Miˬyehˇ aˬ yawꞈ-ahˇ jawˇ saˇ bi doˆ laˇ-awˇ, aˬ yawꞈ iˬ baˇ mˇ taˬ-euˬ jaˆ naˇ, iˬ baˇ pyehˬ nehˬ tehꞈ-a.

1 Yoˇhaˬ 3:22

Aˬ yawꞈ-euˬ dawˬ-ahˇ aˬ dui naˇ haꞈ geuꞈ-awˇ, aˬ yawꞈ nui kʼahˇ shiˇ-eu jeˬ aˬ dui mˇ-eu miˇ neh, aˬ yawꞈ-ahˇ kʼaˇ shaˇ-eu jeˬ aˬ dui za-eu ma.