Maꞈtehˬ 7:6 - Akha

⁶ “Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Yawshawr jeq aqkuiq-anr taq bifnaeq. Arcar carkhawf-euq saer khawf, aqzaf-euq maeqshi taq dzaenaeq. Maqngeur nar-aq, aqyawfmaf, aqkuir nae nawqpanq-awr, ghofdmr dzaelar-awr nawmaf-anr kawfpav kawfshav lar-eu baw-mr.

Maꞈtehˬ 7:6 Iomraidhean Croise

Dawqdaq 11:22

Aˇ gʼehˇ muiˬ-awˇ yehˬ bawˬ sehˇ lu-ehˇ dehꞈ-eu zaˬ miˬ zaˬ-aˬ, aˬ zaꞈ-euˬ mehˬ law-ahˇ duꞈ taˬ-euˬ shuiˇ laꞈ duꞈ-ahˇ duˇ-eu meh.

Dawqdaq 23:9

Tsawˇ uˬ-ahˇ aˇ poeˬ kʼaˆ-eu dawˬ taˬ ngehˬ nehˬ. Dawˬ yaw poeˬ aˬ yawꞈ maˬ siˬ nya-a. -10-

Dawqdaq 26:11

Aˬ dzawˬ aˇ gah yaw lehˬ mˇ poˆ poˆ-eu jeˬ-aˬ, aˬ kuiˬ uˬ pehꞈ dzaˬ poˆ gaˇ duˇ-eu meh.

Dawqdaq 26:4

Aˬ dzawˬ-ahˇ ceh cawˬ cawˬ naˇ, nawˇ kʼawꞈ aˬ dzawˬ meh.

Maꞈtehˬ 15:26

Yeˬsuˇ ehˇ-eu, “Zaˬ dzaˬ luꞈ-eu kaˬ muˇ yuˇ doˆ-awˇ, aˬ kuiˬ-ahˇ biꞈ-eu maˬ tsaˬ-a.”

Maꞈtehˬ 24:10

Tsawˇ haˬ gʼawˬ mya ni, yawˬ ha-euˬ jah-eu jeˬ-ahˇ byehˇ dzeh tehꞈ-a. Aˬ yawꞈ maꞈ tiˬ gʼaˬ tiˇ gʼaˬ saˇ jaˇ puiˬ-awˇ, tiˬ gʼaˬ tiˇ gʼaˬ muiˇ tehꞈ-a.

Maꞈtehˬ 7:5

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ, nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. kʼoeˇ sawˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ pehˆ doˆ paˬ nga lehˇ, nawˬ-ahˇ mawˇ duˬ laˇ tehꞈ-a.

2 Gawˇliˬtu 11:26

Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.

Piˇliˇpiˆ 3:2

Yaw haiˬ jeˬ mˇ-eu tsawˇ haˬ kʼoeˇ deuˬ-ahˇ yahˇ-awˬ. Aˬ kuiˬ kʼoeˇ deuˬ-ahˇ yahˇ-awˬ. Yawˬ ha-euˬ gʼawˇ mawˇ-ahˇ yehˬ-eu pyehˆ-eu tsawˇ haˬ kʼoeˇ deuˬ-ahˇ yahˇ-awˬ.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

HeˬByehˇ 6:6

Kʼoeˇ sawˇ miˇ tsa, jah-eu jeˬ-ahˇ aˬ yawꞈ maꞈ byehˇ dzeh-euˬ meh. Iˬ baˇ noeˬ poˆ-eu tsahˇ-ahˇ aˬ yawꞈ maꞈ-ahˇ paˇ bi gʼoꞈ poˆ laˇ-eu gʼaˇ duˬ maˬ paˇ awˬ meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-euˬ Zaˬmaˇ-ahˇ laꞈ yaꞈ kʼoeˇ taˆ paˇ taꞈ tehˬ poˆ-awˇ, miˇ kʼahˬ zaˬ mehˬ shi paˇ bi shaꞈ dawˇ poˆ-eu jeˬ mˇ luꞈ-eu meh.

2 Beˬtuˆluˆ 2:22

Aˬ yawꞈ maꞈ kʼoeˇ loꞈ-ehˇ pyeuꞈ-eu kʼoeˇ-aˬ, “Aˬ kuiˬ yawˬ ha uˬ pehꞈ dzaˬ poˆ-eu” lehˇ ehˇ-eu dawˬ daˬ hawˇ-eu,“Iˇ cuꞈ dzuiꞈ shawˇ nehˬ-euˬ aˬ zaꞈ lah shiˇ paˇ lah poˆ-eu” lehˇ ehˇ-eu dawˬ daˬ tsaˬ gaˇ duˇ-eu meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.