Maꞈtehˬ 7:2 - Akha

² Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, nawmaf, aqcawq-anr yarkhaq dar-eu lof-aer, aqcawq khawf, nawmaf-anr darlar taef-a. Nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf taef-a.

Maꞈtehˬ 7:2 Iomraidhean Croise

2 Saˬmeuˬlaˆ 21:5

Aˬ yawꞈ maꞈ ehˇ-eu, “Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ nga maꞈ-euˬ tsawˇ haˬ tiˬ gʼaˬ-iˬ maˬ bi dzeˇ yaꞈ ni sehꞈ jiˇ mawꞈ-eu meh.

Jaceuq 109:17

Aˬ yawꞈ aˬ cawˬ-ahˇ yaˬ kʼehˇ yaˬ-eu loꞈ-ehˇ, yaˬ kʼehˇ yaˬ nehˬ gaˇ ya daˬ poˆ luꞈ-uˇ. Aˬ yawꞈ aˬ cawˬ-ahˇ guiˬ lahˬ maˬ biꞈ mawꞈ-eu loꞈ-ehˇ, aˬ yawꞈ-ahˇ guiˬ lahˬ biꞈ-eu gʼaˬ maˬ jawˇ ni pyeuꞈ-iˇ luꞈ-uˇ.

Doˆ-iˇ 21:24

myaˆ nuiˆ dah zaˇ myaˆ nuiˆ, seuˬ dah zaˇ seuˬ, aˬ laꞈ dah zaˇ aˬ laꞈ, aˬ kuiˇ dah zaˇ aˬ kuiˇ,

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Aaˇbaˬdiˇ 1:15

“Miˇ tsaˬ tsawˇ jeuˬ dawˬ tawˆ luꞈ-ahˇ, Sahˬpaˬ Miˬyehˇ yaˇ kʼaˬ daˇ-eu aˇ nah dawˬ peh peh laˇ luꞈ meh. Eˬdoˬ miˇ kʼahˬ nawˇ mˇ-euˬ jeˬ, nawˬ-euˬ kʼoeˇ taˆ keuˆ le tehꞈ-a. Nawˬ neh aˬ cawˬ-ahˇ biꞈ-euˬ jeˬ, nawˬ-ahˇ aˬ cawˬ biꞈ kʼoꞈ tehꞈ-a.

Maꞈtehˬ 6:14

Aˬ jeˬ miˇ neh ehˇ naˇ, aˬ cawˬ neh naw maꞈ-ahˇ mˇ bahˬ-euˬ iˬ baˇ-ahˇ naw maꞈ pyehˬ nehˬ naˇ, naw maꞈ neh mˇ bahˬ-euˬ iˬ baˇ-ahˇ, mˬ kʼoeˇ taˆ jawˇ-eu naw maꞈ-euˬ Aˬda pyehˬ nehˬ laꞈ tehꞈ-a.

Maˬkuˆ 4:24

Aˬ yawꞈ maꞈ-ahˇ aˬ yawꞈ heu loꞈ-ehˇ paˇ ehˇ nehˬ-euˬ meh. “Kʼaˇ ya gaˬ-euˬ yawˬ jeˬ na luꞈ-ahˇ yaw muiˬ paˬ-ehˇ noeˬ gahˇ-awˇ naˇ haˬ geuꞈ-awˬ. Naw maꞈ neh aˬ cawˬ-ahˇ kʼaˇ jahˇ nehˬ-euˬ loꞈ-ehˇ, naw maꞈ-ahˇ Miˬyehˇ jahˇ kʼoꞈ nehˬ laꞈ tehꞈ-a. Kʼoeˇ naˆ maˬ tseˇ kʼawꞈ, naw maꞈ-ahˇ paˇ jahˇ kʼoꞈ nehˬ laꞈ tehꞈ-a.

Luˇkaꞈ 6:38

Aˬ cawˬ-ahˇ biꞈ-awˬ. Naw maꞈ aˬ cawˬ-ahˇ biꞈ naˇ, Miˬyehˇ naw maꞈ-ahˇ biˬ laꞈ tehꞈ-a. Miˬyehˇ naw maꞈ-ahˇ biꞈ nehˬ laꞈ ngeh, byah dui dui-eu cehˇ pehˬ-ahˇ neh pehˬ-awˇ, dehˬ teuˇ zuˆ teuˇ-eu uˬ taꞈ, pu cu cu ni tawˆ ahˇ-awˇ, naw maꞈ-euˬ pehˇ kʼahˬ pehˇ dahˬ-ahˇ shehˆ ahˇ nehˬ laꞈ tehꞈ-a. Naw maꞈ neh aˬ cawˬ-ahˇ kʼaˇ biꞈ nehˬ-euˬ myaˆ ni, Miˬyehˇ naw maꞈ-ahˇ biꞈ nehˬ laꞈ tehꞈ-a.”

2 Gawˇliˬtu 9:6

Ngaˇ ehˇ mawꞈ-eu-aˬ, heu loꞈ-ehˇ ma. Ui cuiˆ tehꞈ-ehˇ sehˬ-euˬ tsawˇ haˬ-aˬ, ui cuiˆ tehꞈ-ehˇ ya yehˬ tehꞈ-a. Gʼawˬ mya ni sehˬ-euˬ tsawˇ haˬ-aˬ, gʼawˬ mya ni ya yehˬ tehꞈ-a.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Panmaeq 18:6

Yawꞈ neh yaw doeˇ kʼaˇ mˇ-euˬ jeˬ, yawꞈ-ahˇ paˇ mˇ poˆ kʼoꞈ nehˬ-awˬ. Yawꞈ neh mˇ taˬ-euˬ naˆ maˬ tseˇ, nyiˬ bymˇ dzehˬ ni mˇ kʼoꞈ nehˬ-awˬ. Yawꞈ neh bi dawˇ laꞈ-euˬ kʼmˬ maˬ, nyiˬ bymˇ taˆ-eu ciˬ kʼoꞈ nehˬ-awˬ.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.

Yaˇ kʼaˬ daˇ 5:27

Siˇseˬlaˇ pawˬ tsuiꞈ paw dmˬ ga dmˬ-awˇ, Yeˬlaˇ-euˬ aˬ kuiˇ dawˬ pehˬ-ahˇ coˬ lah-euˬ meh. Yeˬlaˇ-euˬ aˬ kuiˇ dawˬ peh Siˇseˬlaˇ pawˬ tsuiꞈ pawˬ dmˬ ga dmˬ-awˇ, miˇ tsa coˬ lah-awˇ shiˇ tsehˆ-euˬ meh.

1 Saˬmeuˬlaˆ 15:33

Saˬmeuˬlaˆ ehˇ-eu, “Nawˬ-euˬ mi cehˇ neh aˬ ma gʼawˬ mya gʼaˬ-ahˇ zaˬ maˬ jawˇ ni bi pyeuꞈ-iˇ-euˬ loꞈ-ehˇ, nymꞈ-mˇ poˆ jawˇ-aˬ, nawˬ ma kʼawꞈ zaˬ maˬ paˇ jawˇ ni ya shaˬ tehꞈ-a.” Kʼoeˇ naˇ, Giˇlaˇgaˬlaˇ meuˬ-ahˇ jaˆ-eu lawˇ duˬ mehˬ shi, Aˬgaˆ-euˬ gʼawˇ mawˇ-ahˇ Saˬmeuˬlaˆ neh deuˆ tm deuˆ tmˇ jiˇ nehˬ-euˬ meh.