Maꞈtehˬ 7:1 - Akha

¹ “Aˬ cawˬ-ahˇ yaw lehˬ taˬ poˆ. Aˬ cawˬ-ahˇ yaw lehˬ maˬ poˆ naˇ, naw maꞈ-ahˇ kʼawꞈ Miˬyehˇ yaw lehˬ maˬ poˆ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Aqcawq, nawmaf-anr yarkhaq maqya darni, nawmaf khawf aqcawq-anr yarkhaq taqdar.

Maꞈtehˬ 7:1 Iomraidhean Croise

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Maꞈtehˬ 7:5

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ, nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. kʼoeˇ sawˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ pehˆ doˆ paˬ nga lehˇ, nawˬ-ahˇ mawˇ duˬ laˇ tehꞈ-a.

Luˇkaꞈ 6:37

“Aˬ cawˬ-ahˇ yaw lehˬ taˬ poˆ. Naw maꞈ aˬ cawˬ-ahˇ yaw lehˬ maˬ poˆ naˇ, Miˬyehˇ naw maꞈ-ahˇ yaw lehˬ maˬ poˆ-aˇ. Aˬ cawˬ-ahˇ yaˇ kʼaˬ taˬ daˇ. Naw maꞈ aˬ cawˬ-ahˇ yaˇ kʼaˬ maˬ daˇ naˇ, Miˬyehˇ naw maꞈ-ahˇ yaˇ kʼaˬ maˬ daˇ-aˇ. Aˬ cawˬ-ahˇ iˬ baˇ pyehˬ nehˬ-awˬ. Naw maꞈ aˬ cawˬ-ahˇ iˬ baˇ pyehˬ nehˬ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.

Luˇkaꞈ 6:41

“Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, nawˬ-euˬ mehˇ nmˇ-euˬ myaˆ nuiˆ-ahˇ tsmˬ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te. Yawˬ ha-euˬ myaˆ nuiˆ-ahˇ diˬ tm tsmˬ luꞈ-eu maˬ mawˇ nya gaˇ, ‘Nawˬ-eu myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Yoˇhaˬ 8:7

Aˬ yawꞈ maꞈ kʼoeˇ gaˇ yawꞈ-awˇ aˬ yawꞈ-ahˇ maˬ naˬ leˇ ni naˇ haˬ-eu miˇ neh, aˬ yawꞈ tuˇ laˇ-awˇ, “Naw maꞈ laꞈ kʼoeˇ iˬ baˇ maˬ mˇ haw-euˬ gʼaˬ aˬ yawꞈ-ahˇ kʼaˬ lo biˬ dawꞈ dawꞈ-awˬ” lehˇ ehˇ nehˬ-euˬ meh.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.