Maꞈtehˬ 6:9 - Akha

⁹ Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.

Maꞈtehˬ 6:9 Iomraidhean Croise

2 Saˬmeuˬlaˆ 7:26

Nawˇ tsawˇ myahˇ doˆ dui dui tehꞈ-a. Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-euˬ Miˬyehˇ meh lehˇ, mˬ maˬ maˬ byaˆ zaˇ ziˇ aˬ cawˬ ja tehꞈ-a. Ngaˬ-euˬ dzoeˬ dzaˬ kʼawꞈ, mˬ maˬ maˬ byaˆ zaˇ ziˇ nawˇ bi ziꞈ laꞈ tehꞈ-a.

1 Sahˬpaˬ 8:43

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ, nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya laˇ tehꞈ-a.

1 Laˬsaˬbaˬ 17:24

Nawˇ tsawˇ myahˇ doˆ dui dui-awˇ, ‘Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh’ lehˇ aˬ cawˬ ehˇ tehꞈ-a. Kʼoeˇ naˇ, ngaˬ-euˬ dzoeˬ dzaˬ aˬ myah luꞈ ziꞈ ni nawˇ jahˇ tehꞈ-a.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

Neˬhaˬmiˇ 9:5

Kʼoeˇ naˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Baˬniˬ, Haˬshaˬbaˬniˇ, Sheˬleˬbiˇ, Hawˇdiˇyaˆ, Sheˬbaˬniˇ, Peˬdaˬhiˇ aˬ ha maꞈ heu loꞈ-ehˇ ehˇ-eu meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tuˇ-awˇ ja ceuˬ-awˬ. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-awˬ. Tsawˇ haˬ zaˬ neh maˬ ja ceuˬ jiˇ coeˇ kʼawꞈ, Baoˬ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ-awˬ.”

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 115:3

Nga maꞈ-euˬ Miˬyehˇ mˬ kʼoeˇ taˆ jawˇ-awˇ, aˬ yawꞈ kʼaˇ mˇ mawꞈ-euˬ jeˬ mˇ-eu meh.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Iˇsaˬyaˇ 63:16

Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Yeˬsaˬgeˬlaˇ 36:23

Naw maꞈ neh aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi laˆ cawˆ taˬ-euˬ ngaˬ-euˬ tsawˇ myahˇ kʼoeˇ muiˬ-eu shawˇ-eu gaˇ kawˆ, aˬ yawꞈ maꞈ siˬ duˬ leˇ ni ngaˇ jahˇ ngeh, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ ya siˬ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Ngaˇ muiˬ-eu shawˇ-eu gaˇ kawˆ aˬ cawˬ tsawˇ jeuˬ deuˬ-ahˇ siˬ leˇ ni ngaˇ jahˇ ngeh, naw maꞈ-ahˇ ngaˇ zmˬ maˬ.

Yeˬsaˬgeˬlaˇ 38:23

Ngaˇ huiˬ dui mahˇ dui dui-awˇ muiˬ-eu shawˇ-eu gʼaˬ pyeuꞈ-eu gaˇ kawˆ, tsawˇ jeuˬ dawˬ tawˆ luꞈ-ahˇ kʼoeˇ ngeh nah bi siˬ duˬ ma. Ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ-ahˇ siˬ duˬ leˇ tehꞈ-a.”

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Haˬbaˬkuˆ 2:14

Sahˬpaˬ Miˬyehˇ yaw shehꞈ kʼahˬ sehˇ, huiˬ-eu meh lehˇ siˬ nya-eu jeˬ, laˆ shaˆ iˇ cuꞈ byah-eu loꞈ-ehˇ, miˇ tsaˬ kʼoeˇ taˆ byah-iˇ tehꞈ-a.

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 10:29

Jaˆ tseuˆ nyiˬ mawˇ-euˬ pehˆ saˬ tiˬ pehˆ taꞈ-ehˇ maˬ poeˬ kʼawꞈ, naw maꞈ-euˬ Aˬda pyeuꞈ-eu Miˬyehˇ nui ma maˬ tsaˬ naˇ, jaˇ tseuˆ kʼoeˇ tiˬ mawˇ-iˬ miˇ tsa ga le-awˇ shiˇ gaˇ maˬ keuˆ-a.

Maꞈtehˬ 23:9

Miˇ tsaˬ kʼoeˇ taˆ jawˇ-eu tsawˇ haˬ tiˬ gʼaˬ-ahˇ-iˬ, ‘Aˬ da’ lehˇ maˬ ya kuˇ-a. Aˬ jeˬ miˇ neh ehˇ naˇ, naw maꞈ-euˬ Aˬ da tiˬ gʼaˬ jawˇ-eu tehꞈ meh. Aˬ yawꞈ-aˬ, mˬ kʼoeˇ taˆ jawˇ-eu Aˬ da meh.

Maꞈtehˬ 26:29

Ngaˬ Da-euˬ Miˇkʼahˬ laꞈ kʼoeˇ, naw maꞈ nehˬ-ehˇ aˬ gaꞈ dzaˇ uiˇ yaw shuiꞈ ya dawˇ taꞈ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Maꞈtehˬ 26:42

Yeˬsuˇ tiˬ poˆ paˇ iˇ-awˇ, “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ ngaˇ maˬ dawˇ-ehˇ maˬ bi dzeuˇ-iˇ nya naˇ, nawˇ nui ma tsaˬ-eu loꞈ-ehˇ bi pyeuꞈ-awˬ” lehˇ guiˬ lahˬ paˇ shaˇ poˆ-iˇ-euˬ meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Maꞈtehˬ 6:14

Aˬ jeˬ miˇ neh ehˇ naˇ, aˬ cawˬ neh naw maꞈ-ahˇ mˇ bahˬ-euˬ iˬ baˇ-ahˇ naw maꞈ pyehˬ nehˬ naˇ, naw maꞈ neh mˇ bahˬ-euˬ iˬ baˇ-ahˇ, mˬ kʼoeˇ taˆ jawˇ-eu naw maꞈ-euˬ Aˬda pyehˬ nehˬ laꞈ tehꞈ-a.

Maꞈtehˬ 6:6

Ehˇ kʼawꞈ, nawˇ guiˬ lahˬ shaˇ ngeh, kuˆ lawˆ laꞈ kʼoeˇ uˇ leˇ-awˇ, laˇ gʼoˆ piˬ tehˬ taˬ-awˇ, maˬ mawˇ laˇ-eu nawˬ-euˬ Aˬda-ahˇ shaˇ-awˬ. Tsawˇ haˬ zaˬ maˬ mawˇ-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ laꞈ tehꞈ-a.

Maꞈtehˬ 7:11

Naw maꞈ iˬ baˇ mˇ-eu tsawˇ haˬ pyeuꞈ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ nehˬ-eu kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda pyeuꞈ-eu Miˬyehˇ-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ, yaw muiˬ jeˬ biꞈ-eu aˇ naˆ ni paˇ siˬ nya dzehˬ nmˇ.

Luˇkaꞈ 15:18

Ngaˇ tsawˬ tuˇ-awˇ ngaˬ da jawˇ gaˇ gʼoꞈ leˇ-awˇ, “Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma.

Luˇkaꞈ 15:21

Aˬ li kʼoeˇ gʼaˬ aˬ da-ahˇ ehˇ nehˬ-eu, ‘Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma. Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a.’

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 8:15

Aˬ jeˬ miˇ neh ehˇ naˇ, Miˬyehˇ neh naw maꞈ-ahˇ biꞈ-euˬ Yaw sahˇ Miˬyehˇ-aˬ, naw maꞈ-ahˇ zaˬ kʼaˆ maˬ bi geuꞈ-eu uˬ taꞈ, naw maꞈ guˆ-iˇ ni maˬ jahˇ-a. Naw maꞈ Miˬyehˇ-euˬ zaˬ pyeuꞈ laˇ ni jahˇ-eu meh. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ Miˬyehˇ-ahˇ “Aˬda-oˇ, ngaˬ Da-oˇ” lehˇ aˬ dui kuˇ-eu ma.

Gaˬlaˬtiˆ 1:1

Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

Gaˬlaˬtiˆ 4:6

Naw maꞈ Miˬyehˇ-euˬ zaˬ pyeuꞈ-eu gaˇ kawˆ bi siˬ bi mawˇ-eu gʼaˇ duˬ, “Aˬ da-oˇ, ngaˬ Da-oˇ” lehˇ aˬ dui-ahˇ bi guˇ laꞈ-euˬ aˬ yawꞈ-euˬ Zaˬmaˇ-euˬ Yaw sahˇ kʼoeˇ, aˬ dui-euˬ nui ma laꞈ kʼoeˇ Miˬyehˇ neh bi uˇ le-euˬ meh.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”

Panmaeq 5:12

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ heu loꞈ-ehˇ caˇ-eu meh. “Sehꞈ gaˇ ya daˬ-euˬ Yawˇzaˬ-aˬ, baoˬ hawˇ-eu pyuˇ shuiˇ myawˬ gahˬ, zaˬ siˬ tsawˇ gahˇ hawˇ-eu gʼaˬ, taˬ huiˬ taˬ mahˇ nehˬ-eu jeˬ, yaw shehꞈkʼahˬsehˇ huiˬ-eu jeˬ, ja ceuˬ nehˬ-eu jeˬ, heu deuˬ-ahˇ za geuˇ-eu meh.