Maꞈtehˬ 6:2 - Akha

² “Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

Maꞈtehˬ 6:2 Iomraidhean Croise

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Jaceuq 37:21

Haiˬ-eu deuˬshaˇngaˬshaˇpaˇngeh, biꞈkʼoꞈtsoeˬkʼoꞈ-eu maˬbaw-a. Ehˇkʼawꞈmuiˬ-eu tsawˇhaˬdeuˬ-aˬ, nui ma keuˆ-awˇ biꞈnehˬ-eu meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 20:6

Mehˬ boeˬ saˇ jaˇ ziꞈ-eu tiˬ tahˇ tiˬ yaˇ, nui ma saˇ jaˇ ziꞈ-eu tiˬ gʼaˬ maˬ keuˬ.

Dawˬ tsoˆ 11:2

Nawˬ-euˬ pyuˇ gʼawˬ mya gaˇ pyehˬ kʼawˬ taˬ-awˬ. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ guiˬ lahˬ doeˇ-eu jeˬ maˬ keuˆ le-aˇ lehˇ nawˇ maˬ ehˇ tsehˆ nya-a.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Maꞈtehˬ 15:7

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh naw maꞈ gaˇ kawˆ ehˇ taˬ-euˬ aˇ naˆ ni tsaˬ-eu nga.

Maꞈtehˬ 16:3

Uˬ shawˬ yaw naꞈ-ehˇ mˬ neˇ naˆ naˆ naˇ, uˬ yehˇ yehˇ le ngaˇ lehˇ naw maꞈ ehˇ-eu meh. Naw maꞈ mˬ-ahˇ haw haw-ehˇ, uˬ yehˇ uˬ tsaˇ toꞈ nya-eu meh. Ehˇ kʼawꞈ, aˇ yamˬ aˇ law-ahˇ taꞈ-eu bi siˬ bi mawˇ-eu jeˬ-ahˇ naw maꞈ dawˬ tsuiꞈ maˬ yuˇ doˆ nya-a.

Maꞈtehˬ 22:18

Ehˇ kʼawꞈ, aˬ yawꞈ maꞈ yaw doeˇ jahˇ mawꞈ-eu nui ma laꞈ gʼoꞈ ahˇ gaˇ Yeˬsuˇ siˬ nya-awˇ ehˇ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, aˬ jeˬ miˇ neh naw maꞈ ngaˬ-ahˇ lahˇ ju kʼmˇ paꞈ-eu lehˇ leh jeh te.

Maꞈtehˬ 23:5

Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Maꞈtehˬ 23:6

Bawˬ-iˬ gʼeh ngeh, aˬ cawˬ taˬ huiˬ-eu nuiˇ duˬ-ahˇ aˬ yawꞈ maꞈ nuiˇ mawꞈ-awˇ, uˬ duˬ tahˬ nymˇ laꞈ kʼoeˇ aˬ cawˬ taˬ huiˬ-eu nuiˇ mahˬ-ahˇ nuiˇ mawꞈ-eu meh.

Maꞈtehˬ 24:51

Kʼoeˇ ngeh jawˇ, baw leˬ gʼaˬ neh zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, awꞈ-aˬ tahˬ kʼoˬ-ahˇ duˇ-eu tsawˇ haˬ deuˬ ya mˇ-eu shaˬ zahˬ aˬ yawꞈ-ahˇ bi mˇ tehꞈ-a. Kʼoeˇ gaˇ, aˬ yawꞈ ngoeˇ-awˇ seuˬ teuꞈ teuꞈ-ehˇ ya jawˇ tehꞈ-a.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Maꞈtehˬ 6:16

“Naw maꞈ maˬ dzaˬ-eu zahˇ jahˇ ngeh, aˬ cawˬ bi mawˇ-eu gʼaˇ duˬ jahˇ-eu tsawˇ haˬ deuˬ loꞈ-ehˇ, myaˆ pyawˬ nyoeˬ kʼeuˇ ni taˬ gʼeh. Aˬ yawꞈ maꞈ maˬ dzaˬ ni dzahˬ luꞈ gaˇ aˬ cawˬ haw siˬ nya ni, myaˆ pyawˬ ciˇ jawꞈ ni jawˇ-eu meh. Ngaˇ maˇ jawˆ ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ-eu meh.

Maꞈtehˬ 6:3

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ nawˇ gamꞈ nehˬ ngeh, aˇ maˇ laꞈ neh mˇ-euˬ jeˬ aˇ caˇ laꞈ maˬ bi siˬ ni jahˇ-awˬ.

Maꞈtehˬ 6:5

“Nawˇ guiˬ lahˬ shaˇ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ taˬ jahˇ. Aˬ yawꞈ maꞈ-aˬ, aˬ cawˬ bi haw mawˇ-eu gʼaˇ duˬ, uˬ duˬ tahˬ nymˇ laꞈ kʼoeˇ hawˇ-eu gaˇ ma gaˇ tsmˇ doe ni yawꞈ-awˇ guiˬ lahˬ shaˇ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maꞈtehˬ 7:5

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ, nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. kʼoeˇ sawˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ pehˆ doˆ paˬ nga lehˇ, nawˬ-ahˇ mawˇ duˬ laˇ tehꞈ-a.

Maˬkuˆ 12:39

Aˬ yawꞈ maꞈ-aˬ, uˬ duˬ tahˬ nymˇ laꞈ kʼoeˇ hawˇ-eu bawˬ-iˬ gʼeh-eu jawˇ duˬ deuˬ-ahˇ, aˬ cawˬ taꞈ-ehˇ muiˬ dzehˬ-eu nuiˇ duˬ-ahˇ nuiˇ mawꞈ-eu meh.

Maˬkuˆ 7:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Iˇsaˬyaˇ neh Miˬyehˇ gʼaˇ duˬ ngehˬ dah-eu laꞈ kʼoeˇ naw maꞈ-euˬ gaˇ kawˆ ehˇ taˬ-euˬ aˇ naˆ ni tsaˬ-eu nga. Aˬ yawꞈ neh boꞈ taˬ yaꞈ-euˬ dawˬ heu loꞈ-ehˇ jaˆ-eu meh. ‘Miˬyehˇ heu loꞈ-ehˇ ehˇ-eu meh. Tsawˇ haˬ heu deuˬ kʼaˬ meh mehˬ boeˬ, ngaˬ-ahˇ taˬ huiˬ taˬ mahˇ-euˬ kʼawꞈ, aˬ yawꞈ maꞈ-euˬ nui ma kʼoeˇ siˬ, ngaˬ-ahˇ gaˇ mahˇ kaˬ dui dui meh.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Luˇkaꞈ 11:43

“Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, uˬ duˬ tahˬ nymˇ laꞈ kʼoeˇ aˬ cawˬ taˬ huiˬ-eu nuiˇ mahˬ-ahˇ naw maꞈ nuiˇ mawꞈ-awˇ, lehˆ lehˆ kawˆ doe ni cah ngeh, aˬ cawˬ yaw zeu baw-eu laꞈ kʼoeˇ dawˬ ngehˬ cawˬ laˇ gaˇ geuꞈ mawꞈ-eu meh.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 12:56

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, mˬ hawˇ-eu miˇ-ahˇ naw maꞈ haw-awˇ, uˬ yehˇ uˬ tsaˇ toꞈ nya-eu meh. Toˆ-ehˇ ngeuˇ naˇ, nymˬ-mˇ-euˬ aˇ yamˬ aˇ law-ahˇ aˬ jeˬ miˇ neh naw maꞈ maˬ tseˇ paˆ geuꞈ te.

Luˇkaꞈ 13:15

Sahˬpaˬ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, naw maꞈ Jawˇ nah ngeh nah yawˬ ha-euˬ jeˬ zaˬ jeˬ kuˆ-ahˇ paꞈ taˬ-euˬ mawˇ neˇ hawˇ-eu mahˬ tahˬ laˆ puiˇ-awˇ, iˇ cuꞈ maˬ tsahˇ dawˇ-iˇ loˇ.

Luˇkaꞈ 20:46

“Pehˇ kʼahˬ pehˇ mahˇ dm dm-ehˇ cah-awˇ, lehˆ lehˆ kawˆ doe ni aˬ cawˬ yaw zeu baw nehˬ-eu jeˬ-ahˇ geuꞈ mawꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-ahˇ yahˇ-awˬ. Aˬ yawꞈ maˬ-aˬ, uˬ duˬ tahˬ nymˇ laꞈ kʼoeˇ hawˇ-eu bawˬ-iˬ gʼeh gaˇ, aˬ cawˬ taꞈ-ehˇ muiˬ dzehˬ-eu nuiˇ duˬ deuˬ-ahˇ nuiˇ mawꞈ-eu meh.

Luˇkaꞈ 6:24

“Ehˇ kʼawꞈ, naw maꞈ nymˬ-mˇ smˇ muiˬ muiˬ-eu deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ nui kʼahˇ jaˆ-eu jeˬ naw maꞈ za dzeuˇ jiˇ-euˬ meh.

Luˇkaꞈ 6:42

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ. Nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. Kʼoeˇ sahˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ jahˇ-awˇ pehˆ doˆ nehˬ paˬ nga lehˇ, nawˬ-ahˇ mawˇ duˬ laˇ tehꞈ-a.

Yoˇhaˬ 13:29

Yuˇdaˆ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-eu miˇ neh, Yeˬsuˇ aˬ yawꞈ-ahˇ kʼehˇ-awˇ, Bawˬ-iˬ gʼeh gaˇ zmˬ-eu jeˬ maˬ ngeuˇ naˇ, shaˬ zaˬ zahˬ zaˬ-ahˇ biꞈ-eu tiˬ jeˬ paˬ bi zeuˇ-iˇ-eu lehˇ ehˇ-eu paˬ lehˇ, zaˬ lahˇ tiˬ paˆ na deuˬ noeˬ-euˬ meh.

Yoˇhaˬ 5:41

Tsawˇ haˬ zaˬ neh bi ja ceuˬ-eu jeˬ-ahˇ ngaˇ poˆ luꞈ-eu maˬ ngeuˇ.

Yoˇhaˬ 5:44

Naw maꞈ tiˬ gʼaˬ tiˇ gʼaˬ ja ceuˬ nehˬ laꞈ-eu jeˬ-ahˇ geuꞈ mawꞈ-eu meh. Ehˇ kʼawꞈ, aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-eu gʼaˬ neh bi ja ceuˬ ni naw maꞈ maˬ dehꞈ-a. Kʼoeˇ miˇ neh, naw maꞈ ngaˬ-ahˇ aˬ joˆ-ehˇ jah nya nmˇ.

Yoˇhaˬ 7:18

Yawˬ ha-euˬ nui noeˬ ngehˬ-eu tmˇ-eu tsawˇ haˬ-aˬ, yawˬ ha yaw shehꞈ kʼahˬ sehˇ za ni mˇ-eu tehꞈ-a. Ehˇ kʼawꞈ, yawˬ ha-ahˇ kʼehˇ gʼeh leꞈ-euˬ Miˬyehˇ-euˬ yaw shehꞈ kʼahˬ sehˇ bi doˆ laˇ mawꞈ-eu gʼaˬ-aˬ, yaw sui yaw dawˇ jeˬ ahˇ-awˇ, yaw lehˬ tiˬ pawꞈ-iˬ maˬ ahˇ-a.

Gʼaˬkʼehˇ 10:2

Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Gʼaˬkʼehˇ 24:17

“Ngaˇ Yeˬluˇsaˬlehˬ meuˬ-ahˇ maˬ iˇ-ehˇ jawˇ-eu gʼawˬ mya kʼoꞈ byah laˇ-euˬ miˇ neh, ngaˬ-euˬ tsawˇ haˬ deuˬ jawˇ gaˇ pyuˇ shuiˇ ui cuiˆ sha ha nehˬiˇ-awˇ, lawˇ-eu shehˇ-eu jeˬ mˇ-iˇ-eu gʼaˇ duˬ, kʼoeˇ gaˇ iˇ-euˬ ma.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

1 Gawˇliˬtu 13:3

Ngaˇ kʼaˇ jaˆ-eu jeˬ aˬ cawˬ-ahˇ biꞈ jiˇ-awˇ, ngaˬ-euˬ gʼawˇ mawˇ-ahˇ miˬ dzaˬ bi dzah puiˆ gaˇ keuˆ ni lawˇ nehˬ peuˬ kʼawꞈ, gʼoeˇ-eu gaˬ-eu jeˬ maˬ ahˇ naˇ, ngaˬ-euˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

Gaˬlaˬtiˆ 2:10

Aˬ yawꞈ maꞈ shaˇ-eu-aˬ, aˬ yawꞈ maꞈ aˇ muˇ laꞈ kʼoeˇ shaˬ-eu zahˬ-eu tsawˇ haˬ deuˬ-ahˇ noeˬ keuˆ nehˬ laꞈ lehˇ shaˇ-eu tehꞈ meh. Gaˇ kawˆ kʼoeˇ hmˬ-ahˇ ngaˇ mˇ-eu nui ma keuˆ dui dui luꞈ ma.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

1 Teˇsaˬloˇni 2:6

Aˬ cawˬ neh bi ciˬ poeˬ-eu lehˇ nga maꞈ mˇ-euˬ maˬ ngeuˇ. Naw maꞈ neh maˬ ehˇ, aˬ cawˬ neh maˬ ehˇ, bi ja ceuˬ-eu lehˇ mˇ-euˬ maˬ ngeuˇ.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

Piˇleˇmoˬ 1:7

Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”