Maꞈtehˬ 6:13 - Akha

¹³ Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Maꞈtehˬ 6:13 Iomraidhean Croise

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

1 Sahˬpaˬ 1:36

Yeˬhawˇyaˬdaˬ-euˬ aˬ li Baˬnaˇyaˬ ehˇ-eu, “Sahˬ paˬ neh kʼaˇ ehˇ-euˬ loꞈ-ehˇ pyeuꞈ laˇ luꞈ-uˇ. Kʼoeˇ loꞈ-ehˇ bi pyeuꞈ laˇ ni, nawˬ-euˬ Miˬyehˇ pyeuꞈ-eu Sahˬpa miˬyehˇ mˇ luꞈ-uˇ.

1 Laˬsaˬbaˬ 16:36

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ yawˬ. Mˬ maˬ maˬ byaˆ zaˇ ziˇ jiˇ ni yawꞈ-ahˇ maˬ byehˇ ni ja ceuˬ yawˬ. Kʼoeˇ naˇ, tsawˇ haˬ dawˬ tawˆ luꞈ “Aˬmiˬ” lehˇ ehˇ-awˇ, Sahˬpaˬ Miˬyehˇ-ahˇ ja ceuˬ-euˬ meh.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

Jaceuq 106:48

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Nymˬ-mˇ hawˇ-eu mˬ maˬ maˬ byaˆ zaˇ ziˇ ja ceuˬ-awˬ. Tsawˇ haˬ yawˬ gʼaˬ na luꞈ “Aˬ miˬ” lehˇ ehˇ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 22:28

SahˬpaˬMiˬyehˇdzoeˬdzaˬoꞈ-awˇ, dawˬtawˆkʼoeˇtaˆ uˆlahˇtehꞈ-a.

Jaceuq 41:13

IˇsaˬleˬlaˆMiˬyehˇpyeuꞈ-eu, SahˬpaˬMiˬyehˇ-ahˇja ceuˬ-awˬ. Mˬmaˬmaˬbyaˆzaˇziˇjiˇni, aˬyawꞈ-ahˇciˬhuiˬciˬmahˇ-awˬ.

Jaceuq 47:2

Huiˬ dui mahˇ dui dui-eu gʼaˬ pyeuꞈ-eu Sahˬpaˬ Miˬyehˇ-aˬ, guˆ paˬ-ehˇ gʼeh-eu tiˬ gʼaˬ meh. Aˬ yawꞈ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu huiˬ-eu sahˬ paˬ meh.

Jaceuq 47:7

Miˬyehˇ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu sahˬ paˬ meh. Caˇ dawˬ caˇ-awˇ aˬ yawꞈ-ahˇ ja ceuˬ-awˬ.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Jaceuq 89:52

Sahˬpaˬ Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ-awˬ. Aˬmiˬ. Aˬmiˬ.

Doˆ-iˇ 15:18

Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˇ sahˬ paˬ pyeuꞈ tehꞈ-a.”

Dawqdaq 30:8

Jaˬ myawꞈ myawꞈ-eu tsawˇ haˬ taˬ bi pyeuꞈ laꞈ. Smˇ muiˬ muiˬ-eu tsawˇ haˬ maˬ ehˇ, iˇ shaˬ shaˬ-eu tsawˇ haˬ maˬ ehˇ, taˬ bi pyeuꞈ laꞈ. Aˬ yawꞈ nah yawꞈ dzaˬ loꞈ dawˇ loꞈ-eu guiˬ lahˬ biꞈ laꞈ.

Yeˬlaˬmiˇ 15:21

Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 28:6

“Yaw zawˇ-ehˇ zahˬ leˇ paˬ-ehˇ gʼeh nya. Sahˬpaˬ Miˬyehˇ kʼoeˇ loꞈ-ehˇ mˇ luꞈ-uˇ lehˇ ngaˇ noeˬ tmˬ-eu ma. Nawˬ neh kʼaˇ ehˇ-euˬ loꞈ-ehˇ pyeuꞈ laˇ ni aˬ yawꞈ jahˇ-eu laꞈ kʼoeˇ, Baˬbuˇloˬ miˇ kʼahˬ-ahˇ pi daˆ gʼeh-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ paˇ pi kʼoꞈ keuˆ leꞈ jiˇ-awˇ, bi nyehꞈ daˆ gʼeh-euˬ tsawˇ haˬ deuˬ kʼawꞈ, gʼoꞈ keuˆ le jiˇ luꞈ-uˇ.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Daˬyeˬlaˇ 7:18

Ehˇ kʼawꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ dzoeˬ dzaˬ-eu baoˬ za-awˇ, aˬ yawꞈ maꞈ-euˬ miˇ kʼahˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ehˇ-eu meh.

Bawˇtsahˬ 5:22

Iˇ cuꞈ heu nawˬ-euˬ uˬ maˆ laꞈ kʼoeˇ uˇ keuˆ-iˇ-awˇ, nawˬ-eu uˬ maˆ puˬ laˇ-awˇ, nawˬ-euˬ pyaˬ kaˬ liˬ-iˇ koˆ-iˇ-eu jeˬ bi keuˆ le luꞈ-uˇ.” Zaˬ miˬ zaˬ kʼoeˇ gʼaˬ gʼeh, “Ngaˇ nui ma tsaˬ ma. Sahˬpaˬ Miˬyehˇ kʼoeˇ loꞈ-ehˇ mˇ nehˬ laꞈ luꞈ-uˇ” lehˇ ya ehˇ meh.

Maꞈtehˬ 26:41

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 5:37

Ngeuˇ naˇ ‘Ngeuˇ ma’, maˬ ngeuˇ naˇ ‘Maˬ ngeuˇ’ lehˇ tehꞈ-ehˇ ehˇ-awˬ. Kʼoeˇ uˬ taꞈ-ehˇ ngehˬ dzehˬ tmˇ dzehˬ-eu dawˬ deuˬ-aˬ, Haiˬ-eu Nehꞈ sahˬ paˬ-euˬ laꞈ kʼoeˇ neh doˆ le-euˬ dawˬ meh.

Maꞈtehˬ 6:10

Nawˬ-euˬ miˇ kʼahˬ keuˆ le luꞈ-uˇ. Nawˇ nui kʼahˇ shiˇ-eu jeˬ, mˬ kʼoeˇ taˆ mˇ byah-euˬ loꞈ-ehˇ, miˇ tsaˬ kʼoeˇ taˆ mˇ byah luꞈ-uˇ.

Yoˇhaˬ 17:15

Aˬ yawꞈ maꞈ-ahˇ miˇ tsaˬ heu kʼoeˇ taˆ maˬ paˇ bi jawˇ ni sheuˬ doˆ-eu gʼaˇ duˬ, ngaˇ nawˬ-ahˇ shaˇ-eu maˬ ngeuˇ. Ehˇ kʼawꞈ, Haiˬ dui dui-eu Gʼaˬ-euˬ laꞈ-ahˇ maˬ ya bi ahˇ-iˇ ni haw lahˇ nehˬ-awˬ lehˇ shaˇ-eu ma.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

1 Gawˇliˬtu 14:16

Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

2 Gawˇliˬtu 1:20

Aˬ jeˬ miˇ neh ehˇ naˇ, Miˬyehˇ neh saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ, aˬ yawꞈ-euˬ laꞈ kʼoeˇ “Ngeuˇ meh” lehˇ ya mawˇ-eu meh. Kʼoeˇ miˇ neh, Miˬyehˇ-euˬ yaw shehꞈ kʼahˬ sehˇ-ahˇ taˬ huiˬ-eu laꞈ kʼoeˇ “Aˬ miˬ” lehˇ aˬ dui ehˇ ngeh, Yeˬsuˇ Ka li laꞈ kʼoeˇ aˬ dui ehˇ-eu ma.

Gaˬlaˬtiˆ 1:4

Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

2 Teˇsaˬloˇni 3:3

Ehˇ kʼawꞈ, Sahˬpaˬ Yeˬsuˇ saˇ jaˇ ziꞈ-eu meh. Aˬ yawꞈ naw maꞈ-ahˇ gʼaˬ biꞈ nehˬ laꞈ-awˇ, Haiˬ dui dui-eu Gʼaˬ-euˬ aˬ laꞈ laꞈ kʼoeˇ haw piˇ nehˬ laꞈ tehꞈ-a.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 19:1

Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Panmaeq 19:4

Aˬ yuiꞈ aˬ tsu kʼoeˇ nyiˬ tseˇ oeˬ gʼaˬ hawˇ-eu dehꞈ luꞈ-eu jeˬ zaˬ kʼoeˇ oeˬ mawˇ awˆ byaˆ-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu Miˬyehˇ-ahˇ uˬ duˬ tahˬ-euˬ meh. “Aˬ miˬ. Miˬyehˇ-ahˇ ja ceuˬ-awˬ” lehˇ aˬ yawꞈ maꞈ ehˇ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 5:13

Kʼoeˇ naˇ, mˬ kʼoeˇ taˆ, miˇ tsaˬ kʼoeˇ taˆ hawˇ-eu, miˇ oˆ kʼahˬ hawˇ-eu iˬ ma laˆ shaˆ-ahˇ kʼaˇ dehꞈ kʼaˇ jawˇ-eu jeˬ pyeuꞈ-eu, boeˬ boeˬ luˆ luˆ laꞈ kʼoeˇ kʼaˇ dehꞈ kʼaˇ jawˇ-eu deuˬ dawˬ tawˆ luꞈ-euˬ teˇ saˇ ngaˇ ya gaˬ-euˬ ma. Aˬ yawꞈ maꞈ heu loꞈ-ehˇ caˇ luꞈ-eu meh. “Nuiˇ mahˬ-ahˇ nuiˇ-eu gʼaˬ hawˇ-eu Yawˇ zaˬ-ahˇ, yaw shehꞈ kʼahˬsehˇ hawˇ-eu baoˬ, mˬ mˬ maˬ byaˆ zaˇ zi jaˆ luꞈ-uˇ”