Maꞈtehˬ 5:6 - Akha

⁶ “Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Maꞈtehˬ 5:6 Iomraidhean Croise

Jaceuq 107:9

Iˇ cuꞈ mehꞈ-eu tsawˇ haˬ-ahˇ aˬ yawꞈ bi dawˇ dehˆ-awˇ, mehꞈ-eu shuꞈ-eu deuˬ-ahˇ muiˬ-eu guiˬ lahˬ tiˬ byah ni shehˬ nehˬ lawˇ nehˬ-euˬ meh.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Dawqdaq 10:24

Tsawˇ doeˇ deuˬ kʼoeˇ taˆ yawˬ ha guˆ dzehˬ-eu jeˬ keuˆ le-awˇ, tsawˇ muiˬ deuˬ yawˬ ha geuꞈ mawꞈ dzehˬ-eu jeˬ za-eu meh.

Dawqdaq 21:21

Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 66:11

Zaˬ nahˬ aˬ ma aˬ coeˇ dawˇ-awˇ nui kʼahˇ shiˇ-eu loꞈ-ehˇ, Yeˬluˇsaˬlehˬ meuˬ-euˬ baw le za le-eu guiˬ lahˬ-ahˇ, naw maꞈ dawˇ-awˇ nui kʼahˇ ya shiˇ tehꞈ-a.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Luˇkaꞈ 6:25

“Naw maꞈ nymˬ-mˇ ya dzaˬ ya dawˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ kʼoeˇ taˆ mehꞈ-eu shuꞈ-eu jeˬ keuˆ le tehꞈ-a. “Naw maꞈ nymˬ-mˇ uiˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ myaˆ biˇ ya doˆ-awˇ, tsawˇ ngoeˇ ya ngoeˇ tehꞈ-a.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 7:37

Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Panmaeq 7:16

Aˬ yawꞈ maꞈ hawˬ hawˇ-eu iˇ cuꞈ mehꞈ-eu maˬ paˇ baw-ehˇ, nahˇ tsaˇ hawˇ-eu lahˇ dui dui-eu jeˬ-ahˇ maˬ paˇ ya daˬ meh.