Maꞈtehˬ 5:3 - Akha

³ “Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ “Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Maꞈtehˬ 5:3 Iomraidhean Croise

2 Laˬsaˬbaˬ 33:12

Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.

2 Laˬsaˬbaˬ 33:19

Aˬ yawꞈ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ nehˬ-euˬ gaˇ kawˆ maˬ ehˇ, aˬ yawꞈ iˬ baˇ maˬ noeˬ poˆ mi naˆ-ehˇ yaw haiˬ jeˬ mˇ-euˬ gaˇ kawˆ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ tsoˆ-euˬ gaˇ kawˆ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ tehˆ-euˬ gaˇ kawˆ hawˇ-eu, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-euˬ gaˇ kawˆ heu deuˬ dawˬ tawˆ luꞈ maˬ ehˇ, Miˬyehˇ gʼaˇ duˬ ngehˬ dah-eu deuˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 33:23

Ehˇ kʼawꞈ, aˬ yawꞈ-euˬ aˬ da loꞈ-ehˇ aˬ yawꞈ nui ma maˬ nahˬ laˇ-ehˇ, Sahˬpaˬ Miˬyehˇ jawˇ paw maˬ gʼoꞈ kʼoꞈ laˇ ni, aˬ da gʼaˬ naˆ maˬ tseˇ iˬ baˇ mˇ dui dui-euˬ meh.

2 Laˬsaˬbaˬ 34:27

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.

2 Laˬsaˬbaˬ 7:14

aˬ yawꞈ maꞈ ngaˬ-ahˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ neh mˇ-euˬ yaw haiˬ jeˬ-ahˇ noeˬ poˆ-awˇ byehˇ dzeh naˇ, aˬ yawꞈ maꞈ-euˬ shaˇ dawˬ-ahˇ mˬ kʼoeˇ taˆ ngaˇ naˇ haˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ paˇ bi baw paˇ bi za le ma.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Jaceuq 1:1

Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

Jaceuq 112:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Jaceuq 128:1

Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

Jaceuq 146:5

Yaˬkoˆ-euˬ Miˬyehˇ neh caw ba nehˬ-euˬ gʼaˬ guiˬ lahˬ huiˬ-eu meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu gʼaˬ guiˬ lahˬ huiˬ-eu meh.

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 41:1

Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Jaceuq 84:12

Baoˬ huiˬ-eu Miˬyehˇ-oˇ, nawˬ-ahˇ gʼoe-eu tsawˇ haˬ deuˬ aˇ naˆ ni laˬ kʼaˬ ya cehˇ-eu nga.

Dawqdaq 16:19

Yaw haiˬ deuˬ nehˬ-ehˇ kʼaˆ dzaˇ biˇ dzaˬ-eu naˆ maˬ tseˇ, tsawˇ shaˬ deuˬ nehˬ-ehˇ nahˬ yu ni dehꞈ-eu muiˬ dzehˬ meh.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Maꞈtehˬ 11:6

Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”

Maꞈtehˬ 13:16

“Naw maꞈ-euˬ myaˆ nuiˆ mawˇ nya-awˇ, naˬ bawˇ gaˬ nya-eu miˇ neh, aˇ naˆ ni guiˬ lahˬ huiˬ-eu nga.

Maꞈtehˬ 19:14

Kʼoeˇ ngeh, Yeˬsuˇ ehˇ-eu, “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Mˬtaˆ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ- eu meh.”

Maꞈtehˬ 24:46

Baw leˬ gʼaˬ gʼoꞈ le ngeh, zaˬ kʼaˆ kʼoeˇ gʼaˬ kʼoeˇ loꞈ-ehˇ mˇ mˇ-ehˇ jawˇ-eu ya mawˇ naˇ, zaˬ kʼaˆ kʼoeˇ gʼaˬ aˇ naˆ ni guiˬ lahˬ huiˬ nmˇ.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 22:29

Ngaˬ Da neh ngaˬ-ahˇ uˆ lahˇ-eu baoˬ biꞈ laꞈ-euˬ loꞈ-ehˇ, naw maꞈ-ahˇ kʼawꞈ baoˬ kʼoeˇ ngaˇ biꞈ-eu ma.

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Yoˇhaˬ 20:29

Aˬ yawꞈ-ahˇ Yeˬsuˇ ehˇ nehˬ-eu, “Nawˇ ngaˬ-ahˇ mawˇ-euˬ miˇ neh jah te loˇ. Ngaˬ-ahˇ maˬ mawˇ-euˬ kʼawꞈ jah-eu tsawˇ haˬ deuˬ aˇ naˆ ni guiˬ lahˬ huiˬ-eu nga.”

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

Yaˬkoˆ 1:10

Smˇ muiˬ muiˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ taˬ awˆ nehˬ ngeh laꞈ kʼaˬ cehˇ-eu tsaˬ meh. Aˬ jeˬ miˇ neh ehˇ naˇ, smˇ muiˬ muiˬ-eu tsawˇ haˬ-aˬ, yaˇ moꞈ aˇ yehˆ loꞈ-ehˇ ya byoˆ-iˇ tehꞈ-a.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 19:9

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Yawˇzaˬ oeˇ mˇ baˇ-eu bawˬ-iˬ-ahˇ laˇ-eu gʼaˇ duˬ bi kuˇ taˬ-euˬ tsawˇ haˬ deuˬ guiˬ lahˬ huiˬ-eu meh lehˇ boꞈ ahˇ taˬ-awˬ.” Aˬ yawꞈ paˇ ehˇ-eu, “Heu-aˬ, maˇ maˇ ni Miˬyehˇ neh ngehˬ-euˬ dawˬ meh.”

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.