Maꞈtehˬ 5:16 - Akha

¹⁶ Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Maꞈtehˬ 5:16 Iomraidhean Croise

Doˆ-iˇ 34:35

Kʼoeˇ ngeh, a yawꞈ-euˬ myaˆ pyawˬ yaw shehꞈ bya gaˇ aˬ yawꞈ maꞈ ya mawˇ-euˬ meh. Kʼoeˇ naˇ, Sahˬpaˬ Miˬyehˇ-ahˇ yawˬ poˆ yawˬ maˬ ngehˬ cawˬ leˇ kʼoeˇ keuˆ ni, aˬ yawꞈ-euˬ myaˆ pyawˬ-ahˇ dehˬ kaˬ taˬ-euˬ meh.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Maꞈtehˬ 23:5

Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Maꞈtehˬ 23:9

Miˇ tsaˬ kʼoeˇ taˆ jawˇ-eu tsawˇ haˬ tiˬ gʼaˬ-ahˇ-iˬ, ‘Aˬ da’ lehˇ maˬ ya kuˇ-a. Aˬ jeˬ miˇ neh ehˇ naˇ, naw maꞈ-euˬ Aˬ da tiˬ gʼaˬ jawˇ-eu tehꞈ meh. Aˬ yawꞈ-aˬ, mˬ kʼoeˇ taˆ jawˇ-eu Aˬ da meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Maꞈtehˬ 6:16

“Naw maꞈ maˬ dzaˬ-eu zahˇ jahˇ ngeh, aˬ cawˬ bi mawˇ-eu gʼaˇ duˬ jahˇ-eu tsawˇ haˬ deuˬ loꞈ-ehˇ, myaˆ pyawˬ nyoeˬ kʼeuˇ ni taˬ gʼeh. Aˬ yawꞈ maꞈ maˬ dzaˬ ni dzahˬ luꞈ gaˇ aˬ cawˬ haw siˬ nya ni, myaˆ pyawˬ ciˇ jawꞈ ni jawˇ-eu meh. Ngaˇ maˇ jawˆ ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ-eu meh.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Maꞈtehˬ 9:8

Tsawˇ haˬ aˇ maꞈ kʼoeˇ deuˬ kʼoeˇ gaˇ ya mawˇ ngeh, guˆ-iˇ-awˇ, tsawˇ haˬ zaˬ-ahˇ kʼoeˇ naˆ ni gʼeh-eu baoˬ biꞈ-euˬ Miˬyehˇ-ahˇ ja ceuˬ-euˬ meh.

Luˇkaꞈ 11:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ. Nawˬ-euˬ Miˇ kʼahˬ keuˆ le luꞈ-uˇ.

Yoˇhaˬ 15:8

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

1 Gawˇliˬtu 14:25

Zaꞈ taˬ-euˬ aˬ yawꞈ-euˬ nui noeˬ aˬ cawˬ mehˬ shi pah doˆ leꞈ-awˇ, pawˬ tsuiꞈ pawˬ dmˬ ga dmˬ-awˇ Miˬyehˇ-ahˇ uˬ duˬ tahˬ tehꞈ-a. “Naw maꞈ nehˬ-ehˇ Miˬyehˇ maˇ maˇ ni jawˇ-eu ngaˇ” lehˇ aˬ yawꞈ ehˇ tehꞈ-a.

2 Gawˇliˬtu 9:13

Naw maꞈ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ saˇ jaˇ ziꞈ gaˇ maˬ ehˇ, Miˬyehˇ-euˬ tsawˇ haˬ kʼoeˇ deuˬ hawˇ-eu aˬ yawꞈ-ahˇ nui ma keuˆ-eu laꞈ kʼoeˇ damˬ nehˬ gaˇ maˬ ehˇ, aˬ cawˬ ya mawˇ ngeh, naw maꞈ neh mˇ-euˬ gaˇ heu-ahˇ haw-awˇ tsawˇ haˬ gʼawˬ mya ni Miˬyehˇ-euˬ yaw shehꞈ kʼahˬ sehˇ-ahˇ ja ceuˬ tehꞈ-a.

Gaˬlaˬtiˆ 1:24

Kʼoeˇ sawˇ miˇ tsa hawˇ-eu, ngaˬ-euˬ baˬ da neh Miˬyehˇ-euˬ yaw shehꞈ kʼahˬ sehˇ-ahˇ aˬ yawꞈ maꞈ ja ceuˬ laˇ-euˬ meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Eˇpeˇsu 5:8

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

1 Tiˆmoˇseˬ 2:10

Ehˇ kʼawꞈ, Miˬyehˇ-ahˇ yaw zeu baw-eu ma lehˇ yawˬ haˇ yaw ha ehˇ-eu zaˬ miˬ zaˬ deuˬ-aˬ, yaw muiˬ jeˬ mˇ-eu paw leh jeh-eu tsaˬ meh.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

1 Tiˆmoˇseˬ 5:25

Ehˇ kʼawꞈ, tiˬ paˆ na deuˬ-euˬ iˬ baˇ-aˬ, aˇ nah ba hawˇ-eu siˬ laˇ mawˇ laˇ-eu meh. Kʼoeˇ gaˇ duˇ ni, yaw muiˬ jeˬ mˇ-eu-aˬ, aˬ cawˬ-ahˇ bya cehˆ ni siˬ leˇ mawˇ leˇ-eu meh. Aˬ cawˬ-ahˇ maˬ siˬ maˬ mawˇ leˇ dah-euˬ deuˬ kʼawꞈ, gʼawˬ myahˇ ni maˬ dehˬ kaˬ zaꞈ nya-a.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

Tiˇtuˆ 3:14

Maˇ maˇ ni loˬ gaˇ caw ba nehˬ nya-eu gʼaˇ duˬ, aˬ dui-euˬ tsawˇ haˬ deuˬyaw muiˬ jeˬ-ahˇ mˇ nya laˇ ni bi leh jeh-eu loˬ meh. Gaˇ dahˇ maˬ tsoeˬ ni maˬ ya bi dehꞈ-a.

Tiˇtuˆ 3:4

Ehˇ kʼawꞈ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gʼawˬ shaˬ gaˬ-eu jeˬ hawˇ-eu gʼoeˇ-eu gaˬ-eu jeˬ aˬ dui-ahˇ pah mehˬ nehˬ laꞈ ngeh, aˬ yawꞈ aˬ dui-ahˇ ka kʼoꞈ nehˬ laꞈ-euˬ meh.

HeˬByehˇ 10:24

Aˬ cawˬ-ahˇ gʼoeˇ nya gaˬ nya-awˇ yaw muiˬ jeˬ mˇ nya ni, aˬ dui ti gʼaˬ tiˇ gʼaˬ kʼahˇ kʼoꞈ-awˇ ngehˬ gʼeh kaˇ-euˇ.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.