Maꞈtehˬ 4:8 - Akha

⁸ Kʼoeˇ naˇ, Nehꞈ sahˬ paˬ neh Yeˬsuˇ-ahˇ goˇ dui dui-eu gawˬ jawˬ kʼoeˇ taˆ sheuˬ daˆ gʼeh-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ hawˇ-eu, miˇ kʼahˬ kʼoeˇ deuˬ-euˬ yaw shehꞈ kʼahˬ sehˇ dawˬ tawˆ luꞈ, aˬ yawꞈ-ahˇ mehˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoernar-aq, naef sanqpaq, aqyawf-anr gor duidui-eu gawqjawq-anr sheuqdav lef-awr, aqyawf-anr mirtsaq-euq khoertav kharjav-eu mirkhanq dawqtawvluf hawr-eu, mirkhanq khoerdeuq-euq yawshaef khanqsaer dawqtawv luf-anr bimawr-awr,

Maꞈtehˬ 4:8 Iomraidhean Croise

Iˇsaˬtaˆ 1:4

Ba la koꞈ siˬ siˬ lah ni, aˬ yawꞈ-euˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, aˬ yawꞈ-euˬ yaw shehꞈ kʼahˬ sehˇ byaˬ mehˬ nehˬ-euˬ meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Bawˇtsahˬ 23:3

Kʼoeˇ naˇ, Baˬlehˇ-ahˇ Baˬlamˬ ehˇ nehˬ-eu, “Nawˬ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ tawˬ. Sahˬpaˬ Miˬyehˇ ngaˬ-ahˇ tahˬ puˬ le nga loˇ lehˇ ngaˇ haw leˇ la. Aˬ yawꞈ neh ngaˬ-ahˇ kʼaˇ pah mehˬ laꞈ-euˬ jeˬ nawˬ-ahˇ ngaˇ paˇ dzawˇ nehˬ le ma.” Kʼoeˇ naˇ, aˬ yawꞈ tiˬ gʼaˬ tehꞈ-ehˇ gawˬ duˇ uˬ du le-euˬ meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 4:5

Kʼoeˇ naˇ, Nehꞈ sahˬ paˬ kʼoeˇ gʼaˬ Yeˬsuˇ-ahˇ Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-ahˇ sheuˬ gʼeh-awˇ, Uˬ duˬ tahˬ nymˇ nymˇ ma-euˬ kʼaˬ boeˬ goˇ dui dui-eu tsahˇ-ahˇ sheuˬ taˬ-euˬ meh.

Yoˇhaˬ 5:20

Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”