Maꞈtehˬ 4:3 - Akha

³ Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Maꞈtehˬ 4:3 Iomraidhean Croise

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Maꞈtehˬ 14:33

Kʼoeˇ naˇ, lawˬ laꞈ kʼoeˇ uˇ luꞈ-eu zaˬ lahˇ deuˬ Yeˬsuˇ-ahˇ uˬ duˬ tahˬ-euˬ meh. Aˬ yawꞈ maꞈ ehˇ-eu, “Nawˇ-aˬ, maˇ maˇ ni Miˬyehˇ-euˬ Zaˬmaˇ ngaˇ.”

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maˬkuˆ 1:1

Heu-aˬ, Miˬyehˇ-euˬ Zaˬmaˇ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ meh.

Maˬkuˆ 3:11

Nehꞈ yaw jawꞈ uˇ-eu tsawˇ haˬ deuˬ aˬ yawꞈ-ahˇ kʼaˇ mawˇ le ngeh, aˬ yawꞈ-euˬ mehˬ shi ga byaˆ-awˇ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ-eu meh.

Maˬkuˆ 5:7

Kʼoeˇ naˇ, yaw kʼaˆ-ehˇ guˇ-awˇ ehˇ-eu, “Dawˬ tawˆ kʼoeˇ taˆ Huiˬ dui dui-eu Miˬyehˇ-euˬ Zaˬmaˇ-oˇ. Nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ nehˬ laꞈ lehˇ, Miˬyehˇ mehˬ shi nawˬ-ahˇ ngaˇ shaˇ-eu ma.”

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 22:70

Kʼoeˇ ngeh, aˬ yawꞈ maꞈ dawˬ tawˆ luꞈ ehˇ-eu, “Toˆ-ehˇ ngeuˇ naˇ, nawˇ Miˬyehˇ-euˬ Zaˬmaˇ ngeuˇ te loˇ.” Aˬ yawꞈ ehˇ-eu, “Ngeuˇ meh lehˇ naw maꞈ ehˇ ngaˇ tawˇ.”

Luˇkaꞈ 4:3

Kʼoeˇ ngeh, Nehꞈsahˬpaˬ aˬ yawꞈ-ahˇ ehˇ nehˬ-eu, “Nawˇ Miˬyehˇ-euˬ Zaˬmaˇ pyeuꞈ-eu ngeuˇ naˇ, Kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Luˇkaꞈ 4:41

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ deuˬ kʼawꞈ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ guˇ-ehˇ doˆ-iˇ jiˇ-euˬ meh. Nehꞈ kʼoeˇ deuˬ dawˬ maˬ bi ngehˬ doˆ laˬ ni, Yeˬsuˇ yaw kʼaˆ kʼaˆ-ehˇ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ Ka li pyeuꞈ-eu gaˇ kawˆ aˬ yawꞈ maꞈ siˬ nya-eu meh.

Luˇkaꞈ 4:9

Kʼoeˇ naˇ, Nehꞈsahˬpaˬ neh Yeˬsuˇ-ahˇ Yeˬluˇsaˬlehˬ meuˬ-ahˇ sheuˬ gʼeh-awˇ, Uˬ duˬ tahˬ nymˇ nymˇ ma-euˬ goˇ dui dui-eu kʼaˬ boeˬ kʼoeˇ taˆ sheuˬ taˬ-awˇ ehˇ nehˬ-eu, “Nawˇ Miˬyehˇ-euˬ Zaˬmaˇ pyeuꞈ-eu ngeuˇ naˇ, heu gaˇ neh tsawˬ ka haw sheˇ.

Yoˇhaˬ 1:34

Kʼoeˇ loꞈ-ehˇ pyeuꞈ laˇ-euˬ gaˇ ngaˇ ya mawˇ gʼaˬ-euˬ miˇ neh, aˬ yawꞈ Miˬyehˇ-euˬ Zaˬmaˇ meh lehˇ saˇ kiˇ kamˬ-eu ma.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 9:35

Tsawˇ haˬ kʼoeˇ gʼaˬ-ahˇ teh dzeh nehˬ-euˬ gaˇ kawˆ Yeˬsuˇ ya gaˬ ngeh, aˬ yawꞈ-ahˇ poˆ mawˇ-awˇ, “Tsawˇ haˬ-euˬ Zaˬmaˇ-ahˇ nawˇ jah ma loˇ” lehˇ naˇ haˬ-euˬ meh.

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

2 Gawˇliˬtu 1:19

Siˬlaˆ hawˇ-eu Tiˆmoˇseˬ ngaˬ ha smˇ gʼaˬ naw maꞈ-ahˇ mehˬ luꞈ-eu Miˬyehˇ-euˬ Zaˬmaˇ Yeˬsuˇ Ka liˬ-aˬ, “Ngeuˇ-eu” hawˇ-eu “Maˬ ngeuˇ-eu” nui ma nyiˬ jeˬ pi luꞈ-eu maˬ ngeuˇ-a. Aˬ yawꞈ laꞈ kʼoeˇ aˬ myah luꞈ “Ngeuˇ-eu” jeˬ tehꞈ-ehˇ ahˇ-eu meh.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

1 Teˇsaˬloˇni 3:5

Kʼoeˇ baˬ da neh, Tiˆmoˇseˬ-ahˇ ngaˇ kʼehˇ gʼeh laꞈ-euˬ jeˬ pyeuꞈ-eu ma. Ngaˇ naw maꞈ-euˬ gaˇ kawˆ siˬ mawꞈ-eu maˬ jawˇ tehˬ coˇ ni pyeuꞈ laˇ-euˬ miˇ neh, naw maꞈ jah-eu aˬ joˆ-ehˇ pyeuꞈ luꞈ-eu bi haw laˇ-eu lehˇ, aˬ yawꞈ-ahˇ kʼehˇ gʼeh laꞈ-euˬ ma. Nehꞈ sahˬ paˬ naw maꞈ-ahˇ muˇ juˇ juˇ-awˇ, nga maꞈ neh mˇ yaꞈ-euˬ gaˇ deuˬ yawꞈ ngehꞈ-ehˇ pyeuꞈ-iˇ-eu baw le lehˇ ngaˇ kʼahˬ lahˇ dui dui luꞈ ma.

HeˬByehˇ 12:16

Aˬ li aˬ yuiꞈ-ahˇ oꞈ-eu aˇ yaˬ-ahˇ hawˬ tiˬ byawˇ neh paˇ dzeh-euˬ Iˇsawˇ loꞈ-ehˇ, tsawˇ haˬ tiˬ gʼaˬ-iˬ kʼaˬ miˬ sheu-awˇ Miˬyehˇ-ahˇ yaw zeu maˬ baw-eu tsawˇ haˬ maˬ ya bi pyeuꞈ ni yahˇ-awˬ.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 7:3

Maˬlaˬkiˇsaˬdehˇ-euˬ aˬ da aˬ ma hawˇ-eu aˬ poeˬ aˬ bawˇ deuˬ gaˇ kawˆ boꞈ taˬ-euˬ tiˬ gaˇ-iˬ maˬ jaˆ-a. Aˬ yawꞈ dehꞈ le-euˬ gaˇ kawˆ hawˇ-eu shiˇ-euˬ gaˇ kawˆ boꞈ taˬ-euˬ kʼawꞈ maˬ jaˆ-a. Aˬ yawꞈ-aˬ, Miˬyehˇ-euˬ Zaˬmaˇ-ahˇ duˇ-awˇ, mˬ maˬ maˬ byaˆ zaˇ ziˇ piˇ ma pyeuꞈ-eu meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.