Maꞈtehˬ 4:11 - Akha

¹¹ Kʼoeˇ ngeh, Nehꞈ sahˬ paˬ kʼoeˇ gʼaˬ aˬ yawꞈ jawˇ gaˇ neh doˆ-iˇ-euˬ meh. Kʼoeˇ naˇ, mˬ taˆ gʼaˬ kʼehˇ deuˬ oe-awˇ, Yeˬsuˇ-ahˇ ngehˬ gʼeh le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, naef sanqpaq, Yeqsur jawr-eu gar nae dov-ir-euq mae. Khoernar-aq, mqtav ghaqkhaer deuq oe-awr, aqyawf-anr ngaeqghae le-euq mae.

Maꞈtehˬ 4:11 Iomraidhean Croise

1 Sahˬpaˬ 19:6

Aˬ yawꞈ jawˬ jawˬ-ehˇ haw ngeh, aˬ yawꞈ-euˬ uˬ duˬ dawˬ peh, kaˬ muˇ tiˬ siˬ hawˇ-eu iˇ cuꞈ iˇ puˬ tiˬ siˬ jaˆ gaˇ ya mawˇ-euˬ meh. Dzaˬ gʼaˬ dawˇ gʼaˬ-awˇ, aˬ yawꞈ tiˬ poˆ paˇ yuꞈ-euˬ meh.

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

Maꞈtehˬ 4:6

Aˬ yawꞈ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, heu gaˇ neh tsawˬ ka haw sheˇ. ‘Miˬyehˇ neh aˬ yawꞈ-euˬ mˬ taˆ gʼaˬ kʼehˇ deuˬ-ahˇ kʼehˇ-awˇ, nawˬ-euˬ aˬ kuiˇ kʼaˬ lo-ahˇ maˬ bi ga zaw ni nawˬ-ahˇ bi ciˬ le tehꞈ-a’ lehˇ Jaˇ liꞈ laꞈ kʼoeˇ boꞈ taˬ-euˬ jaˆ meh.”

Maˬkuˆ 1:13

Bawˇ tsahˬ bawˇ dahˇ laꞈ kʼoeˇ aˬ yawꞈ oeˬ tseˇ nah jawˇ-awˇ, Saˬdaˬ neh muˇ juˇ bi juˇ-euˬ meh. Bawˇ tsahˬ jeˬ zaˬ yaw haiˬ deuˬ kʼawꞈ, kʼoeˇ gaˇ jawˇ-eu meh. Ehˇ kʼawꞈ, mˬ taˆ gʼaˬ kʼehˇ deuˬ aˬ yawꞈ-ahˇ ngehˬ gʼeh nehˬ-euˬ meh.

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Luˇkaꞈ 22:53

Naw maꞈ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ yawˬ nah na luꞈ ngaˇ jawˇ luꞈ ngeh, naw maꞈ ngaˬ-ahˇ maˬ nyehꞈ-a. Ehˇ kawꞈ, yaw zahˇ-euˬ baoˬ uˆ lahˇ-eu aˇ yamˬ heu yamˬ, naw maꞈ heu loꞈ-ehˇ mˇ-eu gʼaˇ duˬ tsaˬ dui dui-eu aˇ yamˬ meh.”

Luˇkaꞈ 4:13

Nehꞈsahˬpaˬ neh Yeˬsuˇ-ahˇ yawˬ jeˬ na luꞈ lawˬ haw-awˇ muˇ juˇ juˇ gʼaˬ ngeh, Yeˬsuˇ-ahˇ tiˬ kʼehˬ tiˬ yamˬ byehˇ taˬ yaꞈ-awˇ doˆ-iˇ-euˬ meh.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:6

Ehˇ kʼawꞈ, aˬ yawꞈ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Zaˬmaˇ-ahˇ miˇ tsaˬ kʼoeˇ taˆ bi oe-eu lehˇ gʼeh ngeh, “Miˬyehˇ-euˬ mˬ taˆ gʼaˬ kʼehˇ deuˬ, yawꞈ-ahˇ uˬ duˬ ya tahˬ jiˇ meh” lehˇ, Miˬyehˇ ehˇ-euˬ meh.