Maꞈtehˬ 3:7 - Akha

⁷ Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maꞈtehˬ 3:7 Iomraidhean Croise

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Iˇsaˬyaˇ 59:5

Doꞈ kʼaˆ-eu aˇ lawˇ uˆ naw maꞈ uˆ-awˇ, aˬ oˬ loˬ ma aˇ kahˇ kahˇ tsoeˬ-euˬ meh. Naw maꞈ-euˬ ya uˆ dzaˬ-eu deuˬ shiˇ-awˇ, ya uˆ paˆ-iˇ ngeh doꞈ kʼaˆ-eu aˇ lawˇ doˆ le-eu meh.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Maꞈtehˬ 12:24

Kʼoeˇ loꞈ-ehˇ ehˇ gaˇ Paˬliˬsehˇ deuˬ ya gaˬ ngeh, “Tsawˇ haˬ teu gʼaˬ nehꞈ sahˬ paˬ Beˬlaˇzeuˬbuˇlaˆ-euˬ baoˬ-ahˇ gʼoe-awˇ nehꞈ teh doˆ-eu nga” lehˇ ehˇ-eu meh.

Maꞈtehˬ 12:34

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Maꞈtehˬ 15:12

Kʼoeˇ ngeh, zaˬ lahˇ deuˬ aˬ yawꞈ jawˇ gaˇ laˇ-awˇ ehˇ-eu, “Nawˬ neh ngehˬ-euˬ dawˬ teu dawˬ Paˬliˬsehˇ deuˬ-ahˇ zaw leˇ-eu nawˇ siˬ nya ma loˇ.”

Maꞈtehˬ 16:1

Yeˬsuˇ jawˇ gaˇ laˇ-euˬ Paˬliˬsehˇ hawˇ-eu Saˬduˬgehˇ tiˬ paˆ na deuˬ, Yeˬsuˇ-ahˇ lahˇ ju kʼmˇ mawꞈ-eu nui ma ahˇ-eu meh. Kʼoeˇ miˇ neh, mˬ kʼoeˇ taˆ-euˬ zahˬ leˇ paˬ-ehˇ gʼeh-eu jeˬ mˇ mehˬ nehˬ laꞈ lehˇ ehˇ nehˬ-euˬ meh.

Maꞈtehˬ 16:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Paˬliˬsehˇ hawˇ-eu Saˬduˬgehˇ deuˬ-euˬ dehˬ tseˬ-ahˇ yaw kʼaˆ kʼaˆ-ehˇ yahˇ-awˬ.”

Maꞈtehˬ 22:15

Kʼoeˇ naˇ, Paˬliˬsehˇ deuˬ doˆ-iˇ-awˇ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu gʼaˇ duˬ bawˬ dzaˬ-euˬ meh.

Maꞈtehˬ 22:23

Kʼoeˇ ngeh nah, shiˇ-euˬ tsawˇ haˬ deuˬ maˬ gʼoꞈ dehꞈ laˇ nya-aˇ lehˇ ehˇ-eu Saˬduˬgehˇ deuˬ Yeˬsuˇ jawˇ gaˇ laˇ-awˇ, heu loꞈ-ehˇ naˇ haˬ-euˬ meh.

Maꞈtehˬ 22:34

Yeˬsuˇ-euˬ mehˬ shi Saˬduˬgehˇ deuˬ dawˬ maˬ ngehˬ doˆ nya-ehˇ ciˬ cuˇ ni pyeuꞈ-iˇ jiˇ-euˬ gaˇ kawˆ Paˬliˬsehˇ deuˬ ya gaˬ ngeh, cawˬ gm-awˇ oe-euˬ meh.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Maˬkuˆ 12:13

Kʼoeˇ naˇ, Yuˇdaˆ tsawˇ haˬ aˬ yuiꞈ aˬ tsu kʼoeˇ deˬ neh, Paˬliˬsehˇ deuˬ hawˇ-eu Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ-ahˇ kʼehˇ gʼeh-awˇ, Yeˬsuˇ dawˬ bi ngehˬ bahˬ ni, dawˬ lahˇ ju bi kʼmˇ-iˇ-euˬ meh.

Maˬkuˆ 12:18

Kʼoeˇ naˇ, shiˇ-euˬ tsawˇ haˬ deuˬ maˬ gʼoꞈ dehꞈ laˇ nya-aˇ lehˇ ehˇ-eu Saˬduˬgehˇ deuˬ Yeˬsuˇ jawˇ gaˇ laˇ-awˇ, heu loꞈ-ehˇ naˇ haˬ-euˬ meh.

Maˬkuˆ 8:15

Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 18:11

“Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Yoˇhaˬ 1:24

Tsawˇ haˬ kʼoeˇ deuˬ-aˬ, Paˬliˬsehˇ deuˬ neh kʼehˇ leꞈ-euˬ tsawˇ haˬ pyeuꞈ-eu meh.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Yoˇhaˬ 9:40

Kʼoeˇ gaˇ jawˇ-eu Paˬliˬsehˇ tiˬ paˆ na deuˬ aˬ yawꞈ kʼoeˇ loꞈ-ehˇ ehˇ gaˇ ya gaˬ ngeh, “Nga maꞈ-ahˇ myaˆ behꞈ nga lehˇ nawˇ ehˇ mawꞈ-eu maˬ ngeuˇ-eu paˬ” lehˇ ehˇ-eu meh.

Gʼaˬkʼehˇ 15:5

Ehˇ kʼawꞈ, Paˬliˬsehˇ aˇ muˇ-ahˇ uˇ-eu jah-eu tsawˇ haˬ tiˬ paˆ na deuˬ tuˇ laˇ-awˇ, “Aˬ cawˬ tsawˇ jeuˬ gʼeh baˆ kʼoˆ mehˬ dzaˬ ya bi yehˬ-awˇ, Moˇseˬ-euˬ Zahˇ dawˬ kʼoꞈ dawˬ-ahˇ ya bi caw teh tehꞈ-a” lehˇ ehˇ-eu meh.

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

Gʼaˬkʼehˇ 26:5

Aˬ yawꞈ maꞈ ehˇ doˆ mawꞈ law nmˇ-aˬ, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ aˬ cawˬ naˆ maˬ tseˇ zahˇ sahˇ kʼoꞈ-ahˇ caw teh byah dui dui-eu aˇ muˇ pyeuꞈ-eu Paˬliˬsehˇ aˇ muˇ laꞈ kʼoeˇ, yaw beh neh ngaˇ uˇ leˇ-euˬ aˬ yawꞈ maꞈ siˬ nya jiˇ meh.

Gʼaˬkʼehˇ 5:17

Kʼoeˇ ngeh, Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ maˬ ehˇ, Saˬduˬgehˇ aˇ muˇ laꞈ kʼoeˇ uˇ-eu tsawˇ haˬ deuˬ maˬ ehˇ, gʼaˬ kʼehˇ deuˬ-ahˇ myaˆ naˆ dui dui laˇ-awˇ, yaw doeˇ jahˇ-eu gʼaˇ duˬ noeˬ tsehˆ-euˬ meh.

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

Lormav 5:9

Miˬyehˇ-ahˇ aˬ dui tsaˬ leˇ tsahˇ leˇ nya ni aˬ yawꞈ shiˇ dah coeˇ gaˇ keuˆ-eu-aˬ, kʼoeˇ naˆ maˬ tseˇ, Miˬyehˇ nui ma pehˇ-eu jeˬ-ahˇ aˬ dui maˬ ya daˬ ni aˬ yawꞈ maˬ ka kʼoꞈ nehˬ laꞈ-aˇ loˇ.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.