Maꞈtehˬ 3:4 - Akha

⁴ Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yorhaq-aq, lawtaw cafhm-euq maeqtsoeq dm-awr, jof-anr shaqkhov jofpaf paftaq-awr nae, nyaevbanr hawr-eu bawrtsanq byaquir dzaq-eu mae.

Maꞈtehˬ 3:4 Iomraidhean Croise

2 Sahˬpaˬ 1:8

Aˬ yawꞈ maꞈ ehˇ-eu, “Tsawˇ haˬ kʼoeˇ gʼaˬ jeˬ zaˬ baˆ kʼoˆ dm luꞈ-awˇ, shaˬ kʼoˆ joꞈ paꞈ paꞈ luꞈ-eu meh.” Sahˬ paˬ ehˇ-eu, “Tsawˇ haˬ kʼoeˇ gʼaˬ Eˇliˇyaˆ miˇ-a.”

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Uˬ duˬ 11:22

Nyehˇ bahˇ deuˬ hawˇ-eu nyoiˬ oiˬ deuˬ naw maꞈ dzaˬ kʼmˬ meh.

Zaˬkaˬliˇ 13:4

Aˇ yamˬ kʼoeˇ yamˬ keuˆ laˇ ngeh, Miˬyehˇ gʼaˇ duˬ ngehˬ dah-eu tsawˇ haˬ deuˬ yawˬ ha neh yaw sahˇ laꞈ kʼoeˇ ya siˬ ya mawˇ-euˬ gaˇ kawˆ maˬ ehˇ doˆ peuˬ ni shaꞈ dawˇ tehꞈ-a. Miˬyehˇ gʼaˇ duˬ ngehˬ dah-eu deuˬ dm-eu caꞈ hm neh zaꞈ taꞈ-euˬ pehˇ kʼahˬ pehˇ mahˇ dm-awˇ miˇ kʼahˬ zaˬ-ahˇ myawꞈ dzaˬ-eu jeˬ maˬ paˇ jahˇ-aˇ.

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Maꞈtehˬ 11:18

Yoˇhaˬ oe ngeh, hawˬ maˬ dzaˬ ni dzahˬ-awˇ aˬ gaꞈ dzaˇ uiˇ maˬ dawˇ-eu miˇ neh, ‘Tsawˇ haˬ heu gʼaˬ nehꞈ uˇ-eu tsawˇ haˬ ngaˇ’ lehˇ, yawˬ gʼaˬ na luꞈ ehˇ-eu meh.

Maꞈtehˬ 11:8

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-eu tsawˇ haˬ-aˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Maˬkuˆ 1:6

Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Luˇkaꞈ 1:17

Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

Dawˬmehˬ 32:13

“Gawˬ jawˬ yaw goˇ bi uˆ lahˇ-awˇ, deh ga boeˬ nmˬ bi dzaˬ-euˬ meh. Lo guˇ byaˬ uiˇ bi cuˆ dawˇ-awˇ, lo gahˬ kʼoeˇ taˆ ka dehꞈ taˬ-euˬ saˬ loˬ tsiˇ bi dawˇ dehˆ-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”