Maꞈtehˬ 27:21 - Akha

²¹ Tsawˇ haˬ aˇ maꞈ-ahˇ sahˬ paˬ Piˇlaˆ ehˇ nehˬ-eu, “Tsawˇ haˬ heu nyiˬ gʼaˬ laꞈ kʼoeˇ, aˬ geu gʼaˬ-ahˇ bi pyehˬ mawꞈ-eu nya.” Aˬ yawꞈ maꞈ ehˇ-eu, “Baˬlaˬbaˇ-ahˇ pyehˬ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoernar-aq, meuqsanr narhaq-eu, “Tsawrhaq heu nyiq ghaq-euq lafkhoer nae, nawmaf, ngaq nae aqgeu ghaq-anr bi pyaeqnaeq mawf-eu nya?” Aqyawfmaf aer-eu, “Baqlaqbar!”

Maꞈtehˬ 27:21 Iomraidhean Croise

Jaceuq 88:8

Ngaˬ-euˬ cawˬ deuˬ ngaˬ-ahˇ byehˇ dzeh ni nawˇ jahˇ-euˬ meh. Aˬ yawꞈ maꞈ ngaˬ-ahˇ nui ma naˇ ni nawˇ jahˇ-euˬ meh. Ngaˇ laꞈ coeˇ-ahˇ tehˬ leˇ taˬ-awˇ, buˬ-iˇ-eu gaˇ ma maˬ dahˇ nya. Shaˬ zahˬ naꞈ-eu miˇ neh myaˆ nuiˆ maˬ paˇ gahˇ miˇ-a.

Maꞈtehˬ 27:17

Tsawˇ haˬ aˇ maꞈ maꞈ ma uiˬ laˇ-awˇ jawˇ ngeh, sahˬ paˬ Piˇlaˆ ehˇ-eu, “Naw maꞈ ngaˬ-ahˇ tsawˇ haˬ aˬ geu gʼaˬ bi pyehˬ nehˬ mawꞈ-eu nya. Yeˬsuˇ Baˬlaˬbaˇ lehˇ kuˇ-eu kʼoeˇ gʼaˬ loˇ. Maˬ ngeuˇ naˇ, Ka li lehˇ kuˇ-eu Yeˬsuˇ kʼoeˇ gʼaˬ loˇ.”

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maꞈtehˬ 27:22

Sahˬ paˬ Piˇlaˆ ehˇ-eu, “Toˆ-ehˇ jeˬ maˇ-iˬ, Ka li lehˇ kuˇ-eu Yeˬsuˇ-ahˇ ngaˇ aˬ joˆ-ehˇ jahˇ nmˇ.” Aˬ yawꞈ maꞈ dawˬ tawˆ luꞈ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.”

Luˇkaꞈ 20:14

Ehˇ kʼawꞈ, yaˇ kmˇ mˇ paˆ paˆ-eu tsawˇ haˬ kʼoeˇ deuˬ aˬ yawꞈ-ahˇ mawˇ ngeh heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Aˬ dui maꞈ aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ a dui za tehꞈ-a’ lehˇ ehˇ-eu meh.

Luˇkaꞈ 23:13

Piˇ ma aˬ yuiꞈ deuˬ, aˬ yuiꞈ aˬ tsu deuˬ hawˇ-eu, miˇ kʼahˬ zaˬ deuˬ-ahˇ sahˬ paˬ Piˇlaˆ neh kuˇ uiˬ-euˬ meh.