Maꞈtehˬ 26:67 - Akha

⁶⁷ Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁷ Khoerngae, aqyawfmaf, Yeqsur-euq myavpyawq-anr duqkhaq khashaeq-awr, aqyawf-anr ter-euq mae. Tiqpavnav deuq, aqyawf-anr aqlaf nae taev-awr aer-eu,

Maꞈtehˬ 26:67 Iomraidhean Croise

1 Sahˬpaˬ 22:24

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ ngaˇ jawˇ gaˇ neh aˬ myah paˇ doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Yeˬlaˬmiˇ 20:2

ngaˬ-ahˇ diˬ-awˇ, Uˬ duˬ tahˬ nymˇ nymˇ ma-euˬ lahˇ-ahˇ jaˆ-eu Beˬyaˬmiˬ lahˇ kʼehˬ laꞈ taˆ kʼehˬ dawˬ peh shmˇ caˆ paꞈ-awˇ bi jawˇ-eu gʼaˇ duˬ aˬ yawꞈ dawˬ biꞈ-euˬ meh.

Ngoeˇ dawˬ 3:30

Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Ngoeˇ dawˬ 3:45

Tsawˇ jeuˬ dawˬ tawˆ luꞈ nga maꞈ-ahˇ, byehˇ dzeh ni nawˇ jahˇ laꞈ-euˬ meh.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

Bawˇtsahˬ 12:14

Sahˬpaˬ Miˬyehˇ ehˇ-eu, “Aˬ yawꞈ-euˬ aˬ da neh aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ nehˬ law nmˇ-aˬ, shiꞈ nah keuˆ ni aˬ yawꞈ ya shaꞈ dawˇ-eu maˬ ngeuˇ-a loˇ. Shiꞈ nah keuˆ ni aˬ yawꞈ-ahˇ pu laꞈ nyiˇ paw teh dzeh-awˇ, shiꞈ nah byah laˆ naˇ paˇ bi gʼoꞈ laˇ nya tehꞈ-a.”

Maꞈtehˬ 26:68

“Ka li-oˇ, Miˬyehˇ gʼaˇ duˬ ngehˬ dah nya-eu jeˬ maˇ-iˬ, nawˬ-ahˇ naˬ tehˆ tehˆ nehˬ laꞈ-euˬ aˬ suˇ gʼaˬ nga lehˇ tsaˬ haw sheˇ.”

Maꞈtehˬ 27:30

Aˬ yawꞈ maꞈ aˬ yawꞈ-ahˇ duˬ kʼaˬ kʼa daˆ-awˇ, aˇ toꞈ aˇ kahˬ kʼoeˇ kahˬ neh uˬ duˬ-ahˇ diˬ-euˬ meh.

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maˬkuˆ 14:65

Tiˬ paˆ na deuˬ Yeˬsuˇ-ahˇ duˬ kʼaˬ kʼa daˆ-awˇ, myaˆ nuiˆ kaꞈ kaˬ nehˬ-awˇ diˬ diˬ-ehˇ, “Nawˬ-ahˇ diˬ-euˬ aˬ suˇ gʼaˬ nga lehˇ ja maw maw haw sheˇ” lehˇ ehˇ nehˬ-euˬ meh. Kʼoeˇ naˇ, aˬ yawꞈ-ahˇ loꞈ-eu yehˇ deuˬ aˬ yawꞈ-ahˇ tsahˇ-awˇ, baˬ ba-ahˇ tehˆ nehˬ-euˬ meh.

Maˬkuˆ 15:19

Kʼoeˇ naˇ, aˇ toꞈ aˇ kahˬ neh aˬ yawꞈ-euˬ uˬ duˬ-ahˇ diˬ-awˇ, duˬ kʼaˬ kʼa daˆ kʼa daˆ-ehˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ niˇ gʼa-euˬ meh.

Yoˇhaˬ 18:22

Yeˬsuˇ kʼoeˇ loꞈ-ehˇ ehˇ ngeh, kʼoeˇ gaˇ loꞈ luꞈ-eu yehˇ tiˬ gʼaˬ aˬ yawꞈ-euˬ baˬ ba-ahˇ tehˆ-awˇ ehˇ-eu, “Nawˇ Piˇ ma Yaw huiˬ gʼaˬ-ahˇ teu loꞈ-ehˇ ehˇ kʼmˬ ta loˇ.”

Yoˇhaˬ 19:3

Aˬ yawꞈ maꞈ aˬ yawꞈ dawˬ peh le-awˇ, “Yuˇdaˆ tsawˇ haˬ-euˬ Sahˬ paˬ ziˇ baw ziˇ za luꞈ-uˇ” lehˇ ehˇ-awˇ, baˬ ba-ahˇ tehˆ nehˬ-euˬ meh.

1 Gawˇliˬtu 4:13

Nga maꞈ-ahˇ yehˬ bawˬ sehˇ lu-ehˇ ehˇ laˇ gaˇ, dawˬ nahˬ yu ni ngehˬ kʼoꞈ nehˬ-eu ma. Nga maꞈ-aˬ, miˇ tsaˬ heu kʼoeˇ taˆ aˬ cawˬ maˬ geuꞈ nahˇ-ehˇ shehˆ dzeh taˬ-euˬ yaw jawꞈ yaw laꞈ-ahˇ duˇ miˇ-a.

Dawˬmehˬ 25:9

meuˬ kʼoeˇ taˆ aˬ yuiꞈ aˬ tsu geuꞈ-eu deuˬ mehˬ shi, aˬ tsu gʼaˬ aˬ yawꞈ dawˬ peh le-awˇ, aˬ yawꞈ-euˬ sehˬ nawˆ tiˬ pyawˬ gʼeu lehˆ nehˬ-awˇ, myaˆ pyawˬ-ahˇ duˬ kʼaˬ kʼa shehˬ nehˬ-awˇ, ‘Yawˬ ha-euˬ mehˇ nmˇ-euˬ aˇ jeuˬ aˇ ca maˬ ya byoˆ-iˇ ni maˬ mˇ mawꞈ-eu gʼaˬ-ahˇ heu loꞈ-ehˇ jahˇ nehˬ nyaˇ’ lehˇ ya ehˇ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.