Maꞈtehˬ 26:5 - Akha

⁵ Aˬ yawꞈ maꞈ ehˇ-eu, “Bawˬ-iˬ gʼeh luꞈ ngeh, aˬ dui maꞈ aˬ yawꞈ-ahˇ maˬ nyehꞈ nya nga siˬ. Kʼoeˇ loꞈ-ehˇ jahˇ naˇ, miˇ kʼahˬ zaˬ luiˬ gʼa laˇ gaˇ ya guˆ nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, aqyawfmaf aer-eu, “Yawbui builuf ngae, aqyawf-anr taqnyaef law siq. Khoerlof-aer janr nar-aq, mirkhanqzaq luiqgha lar-eu gar yayanr nga.”

Maꞈtehˬ 26:5 Iomraidhean Croise

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Maꞈtehˬ 14:5

Yoˇhaˬ-ahˇ Heˬloˆ sehꞈ mawꞈ-eu meh. Ehˇ kʼawꞈ, Yuˇdaˆ tsawˇ haˬ deuˬ-ahˇ aˬ yawꞈ yahˇ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ kʼoeˇ deuˬ Yoˇhaˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ lehˇ sawˇ taˬ-euˬ meh.

Maꞈtehˬ 21:26

‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.”

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Maˬkuˆ 14:12

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ gʼeh dahˬ beh ngeh nah pyeuꞈ-eu, Baˬsaˬkaˬ dzaˬ byawˇ gʼaˇ duˬ yawˇ sehꞈ-eu aˇ nah kʼoeˇ nah-ahˇ, zaˬ lahˇ deuˬ Yeˬsuˇ-ahˇ naˇ haˬ-eu, “Nawˇ nga maꞈ-ahˇ Baˬsaˬkaˬ dzaˬ byawˇ aˬ gaˇ bi lehˬ hmˬ mawꞈ-eu nya.”

Maˬkuˆ 14:2

“Bawˬ-iˬ gʼeh luꞈ ngeh aˬ dui maꞈ aˬ yawꞈ-ahˇ maˬ nyehꞈ nya nga siˬ. Kʼoeˇ loꞈ-ehˇ jahˇ naˇ, miˇ kʼahˬ zaˬ luiˬ gʼa laˇ gaˇ ya yahˇ nga” lehˇ, aˬ yawꞈ maꞈ ehˇ-eu meh.

Maˬkuˆ 14:27

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ dawˬ tawˆ luꞈ ngaˬ-ahˇ byehˇ dzeh-awˇ cehˆ tehꞈ-a. Aˬ jeˬ miˇ neh ehˇ naˇ, ‘Yawˇ bo-eu yaw sahˇ-ahˇ Miˬyehˇ sehꞈ-awˇ, yawˇ yawˇ maꞈ cehˆ byaˆ jiˇ tehꞈ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.

Luˇkaꞈ 20:6

‘Tsawˇ haˬ zaˬ neh bi mˇ-euˬ meh’ lehˇ paˇ ehˇ naˇ kʼawꞈ, tsawˇ haˬ dawˬ tawˆ luꞈ aˬ dui maꞈ-ahˇ kʼaˬ lo biˬ laˇ tehꞈ-a. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ beu tawˇ.”

Luˇkaꞈ 22:7

Kʼoeˇ naˇ, Baˬsaˬkaˬ dzaˬ byawˇ gʼaˇ duˬ yawˇ zaˬ ya sehꞈ-eu aˇ nah pyeuꞈ-eu Dehˬ tseˬ maˬ ahˇ-eu kaˬ muˇ dzaˬ-eu aˇ nah keuˆ le-euˬ meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Gʼaˬkʼehˇ 19:29

Meuˬ meuˬ lah-ehˇ luiˬ gʼa laˇ-awˇ, Pawˇluˆ nehˬ-ehˇ cah-eu Maˬgeˬdawˇniˆ tsawˇ haˬ Gaˬyuˇ hawˇ-eu Aˬliˬdaˬguˇ aˬ nyaꞈ-ahˇ nyehꞈ-awˇ, Bawˬ-iˬ gʼeh duˬ-ahˇ gʼeu gʼeh-euˬ meh.

Gʼaˬkʼehˇ 21:38

Toˆ-ehˇ ngeuˇ naˇ, miˇ nah huˬ nah miˇ kʼahˬ-ahˇ puiˬ-awˇ, guiˇ deuˆ-eu keu ka baꞈ luꞈ-eu aˬ cawˬ-ahˇ sehꞈ-euˬ tsawˇ haˬ oeˬ heˇ gʼaˬ sheuˬ-awˇ bawˇ tsahˬ bawˇ dahˇ-ahˇ iˇ doˆ taˬ-euˬ Iˇjiˇtuˆ tsawˇ haˬ kʼoeˇ gʼaˬ nawˇ maˬ ngeuˇ law hawˇ ngaˬ laˬ.”

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.