Maꞈtehˬ 26:39 - Akha

³⁹ Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Maꞈtehˬ 26:39 Iomraidhean Croise

Aˇ dahˬ 17:3

Aˬbyaˬ baˬ ba miˇ tsa tuˆ ni awˆ byaˆ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ ngeh, Miˬyehˇ heu loꞈ-ehˇ paˇ ehˇ-eu meh.

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

1 Laˬsaˬbaˬ 21:16

Mˬ taˆ gʼaˬ kʼehˇ kʼoeˇ gʼaˬ mi cehˇ tuˆ tehˬ taˬ-awˇ, Yeˬluˇsaˬlehˬ meuˬ-ahˇ laˆ cawˆ nehˬ-eu gʼaˇ duˬ lehˬ hmˬ dah-awˇ, jaˬ lehˇ kʼoeˇ taˆ yawꞈ luꞈ gaˇ Daˬbiˇ ya mawˇ-euˬ meh. Kʼoeˇ ngeh, Daˬbiˇ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, baˬ ba miˇ tsa tuˆ ni awˆ byaˆ-euˬ meh. Aˬ yawꞈ maꞈ dawˬ tawˆ luꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Yeˬsaˬgeˬlaˇ 1:28

Yaw shehꞈ kʼoeˇ laꞈ kʼoeˇ, aˇ deˇ leˇ kʼah loꞈ-ehˇ gʼeh-eu yaw shehꞈ gʼawˬ mya jeˬ ahˇ-eu meh. Kʼoeˇ-aˬ, Sahˬpaˬ Miˬyehˇ jawˇ-eu gaˇ kawˆ bi siˬ-eu naˇ guiˇ guiˇ laˇ-eu yaw shehꞈ pyeuꞈ-eu meh. Kʼoeˇ gaˇ ya mawˇ ngeh, ngaˇ moꞈ tsahˬ-ehˇ ga-iˇ-awˇ, dawˬ ngehˬ-eu teˇ saˇ ya gaˬ-euˬ ma.

Bawˇtsahˬ 14:5

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ mehˬ shi, Moˇseˬ hawˇ-eu Aˬloˬ aˬ nyaꞈ miˇ tsaˬ-ahˇ awˆ byaˆ-euˬ meh.

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

Maꞈtehˬ 20:22

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 26:42

Yeˬsuˇ tiˬ poˆ paˇ iˇ-awˇ, “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ ngaˇ maˬ dawˇ-ehˇ maˬ bi dzeuˇ-iˇ nya naˇ, nawˇ nui ma tsaˬ-eu loꞈ-ehˇ bi pyeuꞈ-awˬ” lehˇ guiˬ lahˬ paˇ shaˇ poˆ-iˇ-euˬ meh.

Maˬkuˆ 13:22

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Luˇkaꞈ 17:16

Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Yoˇhaˬ 11:41

Kʼoeˇ ngeh, aˬ yawꞈ maꞈ kʼaˬ lo ngawˬ dzeh-euˬ meh. Yeˬsuˇ mˬ paw gʼawˇ leuˇ-awˇ ehˇ-eu, “Aˬda-oˇ, ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh nawˬ-euˬ guiˬ lahˬ-ahˇ ja ceuˬ-eu ma.

Yoˇhaˬ 14:31

Ehˇ kʼawꞈ, ngaˇ Aˬda-ahˇ gaˬ-eu gaˇ kawˆ siˬ nya-eu tsaˬ meh. Kʼoeˇ miˇ neh, aˬ yawꞈ neh ngaˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ ngaˇ mˇ-eu ma. “Zoˬ-awˬ. Jawˇ duˬ heu tsahˇ-ahˇ neh aˬ dui maꞈ doˆ-iˇ kaˇ-euˇ.”

Yoˇhaˬ 18:11

Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

Yoˇhaˬ 5:19

Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Yoˇhaˬ 5:30

“Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Gʼaˬkʼehˇ 10:25

Beˬtuˆluˆ iˇ kahˇ laꞈ kʼoeˇ uˇ leˇ-eu lehˇ gʼeh ngeh, aˬ yawꞈ-euˬ aˬ kuiˇ dawˬ peh Gawˬneˬliˇ pawˬ tsuiꞈ pawˬ dmˬ dmˬ-euˬ meh.

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.