Maꞈtehˬ 26:16 - Akha

¹⁶ Kʼoeˇ ngeh nah neh naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerngae nae nar-aq, Yurdav, aqyawf maf-euq aqlaf-anr Yeqsur a’naeq-eu aqmyan yaeflar-eu nga laer jawqluf-eu mae.

Maꞈtehˬ 26:16 Iomraidhean Croise

Maꞈtehˬ 26:15

“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Maꞈtehˬ 26:17

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ aˇ dahˬ beh ngeh nah, zaˬ lahˇ deuˬ Yeˬsuˇ jawˇ gaˇ laˇ-awˇ ehˇ-eu, “Nawˇ nga maꞈ-ahˇ Baˬsaˬkaˬ dzaˬ byawˇ aˬ gaˇ bi lehˬ hmˬ mawꞈ-eu nya.”

Maˬkuˆ 14:11

Aˬ yawꞈ ehˇ gaˇ piˇ ma aˬ yuiꞈ deuˬ laˬ kʼaˬ cehˇ dui dui-awˇ, aˬ yawꞈ-ahˇ pyuˇ biꞈ-eu gʼaˇ duˬ saˇ jaˇ dzaˬ-euˬ meh. Kʼoeˇ naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

Luˇkaꞈ 22:6

Yuˇdaˆ gʼeh nui ma tsaˬ-awˇ, aˬ cawˬ maˬ bi siˬ ni Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a ahˇ nehˬ-eu gʼaˇ duˬ aˬ myah yehꞈ laˇ nga lehˇ jawˬ-euˬ meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

1 Gawˇliˬtu 16:12

Gaˇ mˇ cawˬ Aˬpawˇluˆ-ahˇ taꞈ leˇ-awˇ heu loꞈ-ehˇ ehˇ mawꞈ miˇ-a. Gaˇ mˇ cawˬ nui deuˬ nehˬ-ehˇ tiˬ kawˆ loꞈ-ehˇ naw maꞈ jawˇ gaˇ dawˬ deh gʼa le-eu gʼaˇ duˬ, aˬ yawꞈ-ahˇ tiˬ kʼehˬ maˬ taˬ ni gʼaˬ biꞈ luꞈ ma. Nymˬ-mˇ mi naˆ-ehˇ oe ma lehˇ aˬ yawꞈ maˬ noeˬ tsehˆ-aˬ siˬ. Ehˇ kʼawꞈ, aˇ yamˬ tsaˬ laˇ naˇ aˬ yawꞈ oe-eu duˇ.