Maꞈtehˬ 26:15 - Akha

¹⁵ “Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Ngar, aqyawf-euq mawrdo, nawmaf-euq aqlaf-euq lafkhoer a’naeq nar-aq, nawmaf, ngaq-anr pyur armyavni bifcoer-eu le?” Khoerngae, aqyawfmaf, aqyawf-anr pyur 30 byav bif-euq mae.

Maꞈtehˬ 26:15 Iomraidhean Croise

Aˇ dahˬ 38:16

Zaˬ miˬ zaˬ kʼoeˇ gʼaˬ dawˬ peh Yuˇdaˆ iˇ-awˇ, “Nawˬ nehˬ-ehˇ yuꞈ taꞈ naˇ, aˇ poeˬ aˇ myaˆ ni shaˇ te” lehˇ naˇ haˬ-euˬ meh. Zaˬ miˬ zaˬ kʼoeˇ gʼaˬ aˬ yawꞈ-euˬ kuiˬ ma pyeuꞈ luꞈ-eu aˬ yawꞈ maˬ siˬ nya-a. “Nawˇ ngaˬ-ahˇ aˬ jeˬ biꞈ nmˇ” lehˇ, zaˬ miˬ zaˬ kʼoeˇ gʼaˬ Yuˇdaˆ-ahˇ naˇ haˬ-euˬ meh.

Doˆ-iˇ 21:32

Zaˬ miˬ zaˬ zaˬ kʼaˆ tiˬ gʼaˬ na-ahˇ maˬ ehˇ, kʼaˬ dzeˇ zaˬ zaˬ kʼaˆ tiˬ gʼaˬ na-ahˇ maˬ ehˇ, mawˇ neˇ kʼoeˇ mawˇ neh tahˬ sehꞈ naˇ, mawˇ neˇ yaw sahˇ gʼaˬ zaˬ kʼaˆ-euˬ yaw sahˇ gʼaˬ-ahˇ, pyuˇ maˇ byaˆ smˬ tseˇ byaˆ ya biꞈ-awˇ, mawˇ neˇ kʼoeˇ mawˇ-ahˇ kʼaˬ lo neh ya biˬ sehꞈ tehꞈ-a.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Uˬ duˬ 27:4

Zaˬ miˬ zaˬ ngeuˇ naˇ, smˬ tseˇ byaˆ meh.

Maꞈtehˬ 10:4

Kaˬnaˬniˇ aˇ muˇ -ahˇ taꞈ-eu Siˇmoˬ hawˇ-eu, aˇ nah Yeˬsuˇ-ahˇ ahˬ dzaˬ-euˬ gʼaˬ pyeuꞈ-eu YuˇdaˆIˇsaˬgaˬliˬoˆ heu deuˬ meh.

Maꞈtehˬ 26:16

Kʼoeˇ ngeh nah neh naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

Gʼaˬkʼehˇ 1:18

(Haiˬ dui dui-eu gaˇ kʼoeˇ mˇ-awˇ za-euˬ pyuˇ neh, miˇ tsaˬ tiˬ tsahˇ Yuˇdaˆ zeuˇ-awˇ, miˇ tsaˬ kʼoeˇ tsahˇ-ahˇ aˬ yawꞈ uˬ duˬ tahˬ poˆ-ehˇ ga sehꞈ-euˬ meh. Aˬ yawꞈ-euˬ u maˆ ga paˆ-awˇ, baw uˇ baw ma dawˬ tawˆ luꞈ doˆ le jiˇ-euˬ meh.

1 Tiˆmoˇseˬ 3:3

Aˬ gaꞈ dzaˇ uiˇ dawˇ yehꞈ-eu tsawˇ haˬ hawˇ-eu, aˬ cawˬ-ahˇ dawꞈ-eu ceh-eu tsawˇ haˬ maˬ ya bi pyeuꞈ-ehˇ, nui nahˬ nui yu ahˇ-awˇ aˬ cawˬ-ahˇ maˬ coeˬ maˬ ciˆ-eu uˬ taꞈ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Yaˇ kʼaˬ daˇ 16:5

Piˇliˇtiˆ sahˬ paˬ ngaˬ gʼaˬ zaˬ miˬ zaˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ baˬ da neh Saˬsoˬ teu naˆ naˆ-ehˇ gʼaˬ kʼaˆ-eu gaˇ kawˆ maˬ ehˇ, aˬ joˆ-ehˇ jahˇ-awˇ aˬ yawꞈ-ahˇ nyehꞈ-awˇ paꞈ tawꞈ-eu laꞈ kʼoeˇ kʼehˬ nehˬ kʼaˆ nehˬ nya-eu gaˇ kawˆ maˬ ehˇ, tsawˇ gahˇ gahˇ-awˇ aˬ yawꞈ-ahˇ naˇ haˬ-awˬ. Nga maꞈ tiˬ gʼaˬ-euˬ pyuˇ maˇ byaˆ tiˬ heˇ tiˬ yaˇ byaˆ nawˬ-ahˇ biꞈ ma.”

Yaˇ kʼaˬ daˇ 17:10

Miˇkaˬ ehˇ-eu, “Ngaˬ nehˬ-ehˇ jawˇ-awˬ. Ngaˬ-ahˇ nui noeˬ nui duˇ biꞈ-awˇ, ngaˬ-euˬ piˇ ma geuꞈ-awˬ. Tiˬ kʼoꞈ-euˬ pyuˇ maˇ byaˆ tseˇ byaˆ biꞈ-eu uˬ taꞈ, dm gʼaˬ dm lmˇ hawˇ-eu dzaˬ dzaˬ dawˇ dawˇ haw nehˬ ma.”