Maꞈtehˬ 24:51 - Akha

⁵¹ Kʼoeˇ ngeh jawˇ, baw leˬ gʼaˬ neh zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, awꞈ-aˬ tahˬ kʼoˬ-ahˇ duˇ-eu tsawˇ haˬ deuˬ ya mˇ-eu shaˬ zahˬ aˬ yawꞈ-ahˇ bi mˇ tehꞈ-a. Kʼoeˇ gaˇ, aˬ yawꞈ ngoeˇ-awˇ seuˬ teuꞈ teuꞈ-ehˇ ya jawˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Khoernar-aq, aqyawf-anr nyiq tsaev coertsaev-awr, yawmuiq janrgeuf-eu tsawrhaq-anr lof-aer shaqbymr bi’of taef-a. Aqyawf khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Maꞈtehˬ 24:51 Iomraidhean Croise

Yawˇbaˆ 20:29

Heu-aˬ, haiˬ-eu tsawˇ haˬ-euˬ guiˬ lahˬ meh. Miˬyehˇ neh aˬ yawꞈ maꞈ kʼoeˇ taˆ bi keuˆ le-euˬ guiˬ lahˬ heu naˆ tehꞈ meh.”

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Yeˬlaˬmiˇ 13:25

Naw maꞈ guiˬ lahˬ kʼoeˇ naˆ ni doeˇ meh lehˇ, Sahˬpaˬ Miˬyehˇ ehˇ taˬ-euˬ meh. Naw maꞈ aˬ yawꞈ-ahˇ byehˇ dzeh-awˇ, maˬ ngeuˇ-eu miˬ yehˇ-ahˇ gʼoe-eu miˇ neh, naw maꞈ-ahˇ kʼoeˇ loꞈ-ehˇ laˆ shaˬ nehˬ-eu gʼaˇ duˬ, aˬ yawꞈ noeˬ tsehˆ gʼaˬ taˬ-euˬ meh.

Maꞈtehˬ 22:13

‘Aˬ yawꞈ-ahˇ kuiˇ cuꞈ laꞈ cuˬ cuꞈ-awˇ, laꞈ nyiˇ paw yaw zahˇ-ahˇ baꞈ dzeh-awˬ. Kʼoeˇ gaˇ aˬ yawꞈ ngoeˇ ngoeˇ-ehˇ, seuˬ teuꞈ teuꞈ-ehˇ shaˬ luꞈ-uˇ.’ lehˇ, zaˬ kʼaˆ kʼoeˇ deuˬ-ahˇ sahˬ paˬ ehˇ nehˬ-euˬ meh.

Maꞈtehˬ 24:50

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a.

Maꞈtehˬ 25:30

Gaˇ dahˇ maˬ tsoeˬ-eu zaˬ kʼaˆ heu gʼaˬ-ahˇ-aˬ, laꞈ nyiˇ paw zahˇ tsui ni gʼeh gaˇ baꞈ dzeh-awˬ. Kʼoeˇ gaˇ, aˬ yawꞈ ngoeˇ ngoeˇ-ehˇ seuˬ teuꞈ teuꞈ-ehˇ shaˬ luꞈ-uˇ.’

Maꞈtehˬ 8:12

Ehˇ kʼawꞈ, miˇ kʼahˬ kʼoeˇ kʼahˬ-ahˇ ya jawˇ leˇ ma lehˇ noeˬ-euˬ tsawˇ haˬ deuˬ-aˬ, zahˇ tsui ni gʼeh-eu gʼoˆ baˬ laꞈ nyiˇ miˇ kʼahˬ-ahˇ bi biˬ ahˇ tehꞈ-a. Kʼoeˇ gaˇ jawˇ-eu tsawˇ haˬ deuˬ ngoeˇ ngoeˇ-ehˇ, shaˬ zahˬ mˇ-eu seuˬ teuꞈ dui dui tehꞈ-a.”

Luˇkaꞈ 12:46

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a. Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, saˇ jaˇ maˬ ziꞈ-eu zaˬ kʼaˆ deuˬ nehˬ-ehˇ tiˬ kawˆ loꞈ-ehˇ bi jawˇ tehꞈ-a.

Luˇkaꞈ 13:28

Aˬbyaˬhaˬ, Iˇtsaˆ, Yaˬkoˆ hawˇ-eu Miˬyehˇ gʼaˇ duˬ ngehˬ dah-euˬ tsawˇ haˬ dawˬ tawˆ luꞈ, Miˬyehˇ Miˇkʼahˬ laꞈ kʼoeˇ jawˇ luꞈ gaˇ naw maꞈ ya mawˇ-awˇ, naw maꞈ-ahˇ laꞈ nyiˇ teh dzeh nehˬ laꞈ ngeh, naw maꞈ ngoeˇ ngoeˇ-ehˇ, nui ma pehˇ-eu laꞈ kʼoeˇ seuˬ teuꞈ teuꞈ-ehˇ ya shaˬ tehꞈ-a.