Maꞈtehˬ 24:2 - Akha

² Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yeqsur, aqyawf maf-anr aernaeq-eu, “Nawmaf heudeuq dawqtawv luf-anr mawrluf-eu ngar-a. Ngar, nawmaf-anr aqdirma-aer aernaeq nyar, khaqlo tiqsiq-euq khoertav tiqsiq jav-eu heudeuq dawqtawvluf, tiq siq taef-aer khawf maqbi dzaeqlarni yabi daepyav dzaejir taef-a.”

Maꞈtehˬ 24:2 Iomraidhean Croise

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

2 Beˬtuˆluˆ 3:11

Yawˬ jeˬ na luꞈ kʼoeˇ loꞈ-ehˇ bi laˆ cawˆ jiˇ gaˇ keuˆ-eu-aˬ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu tsaˬ nmˇ. Naw maꞈ yaw dehꞈ dehꞈ-eu jeˬ-aˬ, muiˬ-awˇ shawˇ-awˇ, Miˬyehˇ-ahˇ a nehˬ taˬ-euˬ jeˬ bi pyeuꞈ-eu tsaˬ meh.

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.