Maꞈtehˬ 23:8 - Akha

⁸ Naw maꞈ-ahˇ ‘saˬ laˬ’ lehˇ taˬ bi kuˇ. Aˬ jeˬ miˇ neh ehˇ naˇ, naw maꞈ dawˬ tawˆ luꞈ mehˇ nmˇ loꞈ-ehˇ gʼeh-awˇ, sa laˬ tiˬ gʼaˬ jawˇ-eu tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Maꞈtehˬ 23:8 Iomraidhean Croise

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 23:10

Naw maꞈ-ahˇ ‘Aˬ yuiꞈ aˬ tsu’ lehˇ maˬ ya bi kuˇ-a. Aˬ jeˬ miˇ neh ehˇ naˇ, naw maꞈ-euˬ aˬ yuiꞈ aˬ tsu tiˬ gʼaˬ jawˇ-eu tehꞈ meh. Aˬ yawꞈ-aˬ, Ka li meh.

Maꞈtehˬ 23:7

Lehˆ lehˆ kawˆ doe ni cah ngeh, aˬ cawˬ yaw zeu baw-eu laꞈ kʼoeˇ dawˬ ngehˬ cawˬ nehˬ gaˇ geuꞈ mawꞈ-awˇ, ‘saˬ laˬ’ lehˇ bi kuˇ mawꞈ-eu meh.

Maꞈtehˬ 26:25

Yeˬsuˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-euˬ gʼaˬ pyeuꞈ-eu Yuˇdaˆ ehˇ-eu, “Saˬ laˬ-oˇ, ngaˇ-a loˇ.” Yeˬsuˇ ehˇ-eu, “Nawˇ ehˇ ngaˇ tawˇ.”

Maꞈtehˬ 26:49

Yuˇdaˆ-aˬ, Yeˬsuˇ jawˇ gaˇ dawˇ coe ni iˇ-awˇ, “Saˬ laˬ-oˇ, nawˬ-ahˇ nui saˇ oꞈ luꞈ-uˇ” lehˇ ehˇ-awˇ, mehˬ cuˇ cuˇ nehˬ-euˬ meh.

Maˬkuˆ 10:51

Yeˬsuˇ aˬ yawꞈ-ahˇ ehˇ nehˬ-eu, “Nawˬ-euˬ gʼaˇ duˬ ngaˇ aˬ jeˬ bi jahˇ nehˬ mawꞈ-eu nya.” Myaˆ behꞈ kʼoeˇ gʼaˬ ehˇ-eu, “Saˬ laˬ-oˇ, ngaˬ-euˬ myaˆ nuiˆ mawˇ laˇ ni bi jahˇ nehˬ mawꞈ miˇ-a.”

Maˬkuˆ 11:21

Beˬtuˆluˆ gaˇ kawˆ kʼoeˇ noeˬ doˆ laˇ-awˇ, Yeˬsuˇ-ahˇ ehˇ nehˬ-eu, “Saˬ laˬ-oˇ, haw sheˇ. Nawˬ neh yaˬ kʼehˇ yaˬ-euˬ siˬ guˬ aˇ bawˇ kʼoeˇ bawˇ baw guˇ guˇ-iˇ taˬ-euˬ nga.”

Maˬkuˆ 14:45

Yuˇdaˆ oe keuˆ-euˬ nehˬ-ehˇ, Yeˬsuˇ jawˇ gaˇ iˇ-awˇ, “Saˬ laˬ-oˇ” lehˇ ehˇ-awˇ mehˬ cuˇ cuˇ nehˬ-euˬ meh.

Maˬkuˆ 9:5

Kʼoeˇ ngeh, Beˬtuˆluˆ Yeˬsuˇ-ahˇ ehˇ-eu, “Saˬ laˬ-oˇ, aˬ dui maꞈ heu gaˇ jawˇ-eu heu aˇ naˆ ni muiˬ-eu nga. Nga maꞈ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.”

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Yoˇhaˬ 1:38

Yeˬsuˇ nahˇ gʼoꞈ gʼoꞈ haw-awˇ, aˬ yawꞈ nyaꞈ aˬ yawꞈ-euˬ mehˬ nah oe luꞈ gaˇ ya mawˇ ngeh, “Naw nyaꞈ aˬ jeˬ shaˇ caw te” lehˇ naˇ haˬ-euˬ meh. “Laˬ biˇ-oˇ, nawˇ aˬ gaˇ jawˇ te” lehˇ aˬ yawꞈ nyaꞈ aˬ yawꞈ-ahˇ ehˇ-eu meh. (ʼLaˬ biˇʼ lehˇ ehˇ-eu-aˬ, ʼsaˬ laˬʼ lehˇ ehˇ mawꞈ-eu meh.)

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 11:8

Zaˬ lahˇ deuˬ ehˇ-eu, “Saˬ laˬ-oˇ, miˇ nah huˬ nah hawˇ-eu kʼoeˇ gaˇ jawˇ-eu tsawˇ haˬ deuˬ nawˬ-ahˇ kʼaˬ lo biˬ-eu lehˇ gʼeh-eu maˬ ngeuˇ-a loˇ. Nawˇ kʼoeˇ gaˇ paˇ gʼoꞈ-iˇ-eu gʼeh te loˇ.”

Yoˇhaˬ 20:16

Yeˬsuˇ aˬ yawꞈ-ahˇ “Maˬliˇ-oˇ” lehˇ kuˇ nehˬ ngeh, aˬ yawꞈ ciˬ pyawˇ-awˇ, “Laˬboˇniˇ-oˇ” lehˇ oˬ toˬ kʼoꞈ nehˬ-euˬ meh. “Laˬboˇniˇ” lehˇ ehˇ-eu-aˬ, Heˬbyehˇ dawˬ pyeuꞈ-awˇ, “saˬlaˬ” lehˇ ehˇ mawꞈ-euˬ meh.

Yoˇhaˬ 3:2

Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”

Yoˇhaˬ 3:26

Kʼoeˇ miˇ neh, aˬ yawꞈ maꞈ Yoˇhaˬ jawˇ gaˇ le-awˇ ehˇ nehˬ-eu, “Saˬ laˬ-oˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ nawˬ nehˬ-ehˇ oe-awˇ, nawˇ aˬ yawꞈ gaˇ kawˆ saˇ kiˇ kamˬ-euˬ tsawˇ haˬ kʼoeˇ gʼaˬ nymˬ-mˇ iˇ cuꞈ shawˇ nehˬ luꞈ meh. Tsawˇ haˬ gʼawˬ mya ni aˬ yawꞈ jawˇ gaˇ iˇ luꞈ meh.”

Yoˇhaˬ 4:31

Kʼoeˇ ngeh, zaˬ lahˇ deuˬ Yeˬsuˇ-ahˇ ehˇ-eu, “Saˬ laˬ-oˇ, tiˬ jeˬ paˬ dzaˬ laˇ-awˬ.”

Yoˇhaˬ 6:25

Lah kʼoeˇ baˬ-ahˇ tsawˇ haˬ kʼoeˇ deuˬ Yeˬsuˇ-ahˇ poˆ mawˇ ngeh, “Saˬ laˬ-oˇ, nawˇ heu gaˇ aˬ myah oe keuˆ teˬ” lehˇ naˇ haˬ-euˬ meh.

Yoˇhaˬ 9:2

Aˬ yawꞈ-euˬ zaˬ lahˇ deuˬ aˬ yawꞈ-ahˇ ehˇ-eu, “Saˬ laˬ-oˇ, aˬ yawꞈ dehꞈ le ngeh neh myaˆ behꞈ behꞈ-eu teu aˬ suˇ gʼaˬ-euˬ iˬ baˇ baˬ da neh gʼeh ta. Aˬ yawꞈ-euˬ iˬ baˇ baˬ da neh nga loˇ. Aˬ da aˬ ma-euˬ iˬ baˇ baˬ da neh nga loˇ.”

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

2 Gawˇliˬtu 4:5

Nga maꞈ-aˬ, yawˬ ha-euˬ gaˇ kawˆ mehˬ luꞈ-eu maˬ ngeuˇ. Yeˬsuˇ Ka li-aˬ, tsawˇ haˬ dawˬ tawˆ luꞈ-euˬ Sahˬpaˬ pyeuꞈ-awˇ, nga maꞈ-aˬ, aˬ yawꞈ-euˬ gʼaˇ duˬ naw maꞈ-euˬ zaˬ kʼaˆ pyeuꞈ-eu gaˇ kawˆ mehˬ-eu ma.

Eˇpeˇsu 3:15

Mˬ kʼoeˇ taˆ kʼaˇ jawˇ-eu tsawˇ paˬ tsawˇ ca deuˬ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ neh tsawˇ myahˇ biꞈ taˬ-euˬ meh.

Piˇleˇmoˬ 1:16

Nymˬ-mˇ-aˬ, aˬ yawꞈ zaˬ kʼaˆ tiˬ gʼaˬ loˆ ni tehꞈ maˬ paˇ ngeuˇ meh. Ka li laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ pyeuꞈ laˇ-euˬ meh. Aˬ yawꞈ-aˬ, ngaˬ-euˬ gʼaˇ duˬ gaˇ dahˇ tsoeˬ dui dui-eu meh. Ngaˬ-euˬ gʼaˇ duˬ gaˇ dahˇ tsoeˬ-eu naˆ maˬ tseˇ, nawˬ-euˬ gʼaˇ duˬ zaˬ kʼaˆ tiˬ gʼaˬ loꞈ-ehˇ maˬ ehˇ, Sahˬpaˬ Yeˬsuˇ laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ maˬ ehˇ, gaˇ dahˇ tsoeˬ dzehˬ tehꞈ-a.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.

1 Beˬtuˆluˆ 5:3

Miˬyehˇ neh nawˬ-ahˇ a nehˬ-awˇ bi bo saˆ-euˬ yawˇ yawˇ maꞈ kʼoeˇ taˆ zuiˆ gʼaˬ-eu taˬ leh jeh. Yawˇ yawˇ maꞈ nawˬ-ahˇ haw-awˇ dzaw geuꞈ paꞈ-ehˇ mˇ mehˬ shaˇ mehˬ mehˬ-awˬ.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.

Panmaeq 22:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ pyeuꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.”