Maꞈtehˬ 23:5 - Akha

⁵ Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Maꞈtehˬ 23:5 Iomraidhean Croise

2 Sahˬpaˬ 10:16

“Ngaˬ nehˬ-ehˇ laˇ-awˇ, Sahˬpaˬ Miˬyehˇ gʼaˇ duˬ ngaˇ gaˇ aˇ naˆ ni mˇ nga lehˇ haw laˇ sheˇ” lehˇ, Yeˬhuˇ ehˇ-eu meh. Kʼoeˇ naˇ, aˬ yawꞈ nyaꞈ mahˬ laˆ lawˬ tiˬ kawˆ loꞈ-ehˇ dziˬ-awˇ, Saˬmaˬliˆ meuˬ-ahˇ le gʼeh leꞈ-euˬ meh.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Uˬ duˬ 13:32

Shiꞈ nah byah laˇ-awˇ, maˇ naˇ-ahˇ piˇ ma gʼaˬ paˇ pyehˆ tseˇ haw ngeh, maˇ naˇ kʼoeˇ maˬ muiˬ dzehˬ laˇ-ehˇ, caꞈ hm yaw shuiˇ maˬ shuiˇ ni, maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ maˬ naꞈ-ehˇ pyeuꞈ-iˇ naˇ,

Maꞈtehˬ 9:20

Kʼoeˇ ngeh, tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ, Yeˬsuˇ-euˬ mehˬ nah miˇ ni caw teh le-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ-euˬ meh.

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Luˇkaꞈ 20:47

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ kʼaˆ dzaˬ-awˇ, aˬ cawˬ bi mawˇ-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Yoˇhaˬ 12:43

Miˬyehˇ neh ciˬ poeˬ nehˬ-euˬ jeˬ-ahˇ naˆ maˬ tseˇ, tsawˇ haˬ zaˬ neh ciˬ poeˬ nehˬ-euˬ jeˬ-ahˇ aˬ yawꞈ maꞈ geuꞈ mawꞈ-eu meh.

Yoˇhaˬ 5:44

Naw maꞈ tiˬ gʼaˬ tiˇ gʼaˬ ja ceuˬ nehˬ laꞈ-eu jeˬ-ahˇ geuꞈ mawꞈ-eu meh. Ehˇ kʼawꞈ, aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-eu gʼaˬ neh bi ja ceuˬ ni naw maꞈ maˬ dehꞈ-a. Kʼoeˇ miˇ neh, naw maꞈ ngaˬ-ahˇ aˬ joˆ-ehˇ jah nya nmˇ.

Yoˇhaˬ 7:18

Yawˬ ha-euˬ nui noeˬ ngehˬ-eu tmˇ-eu tsawˇ haˬ-aˬ, yawˬ ha yaw shehꞈ kʼahˬ sehˇ za ni mˇ-eu tehꞈ-a. Ehˇ kʼawꞈ, yawˬ ha-ahˇ kʼehˇ gʼeh leꞈ-euˬ Miˬyehˇ-euˬ yaw shehꞈ kʼahˬ sehˇ bi doˆ laˇ mawꞈ-eu gʼaˬ-aˬ, yaw sui yaw dawˇ jeˬ ahˇ-awˇ, yaw lehˬ tiˬ pawꞈ-iˬ maˬ ahˇ-a.

Dawˬmehˬ 11:18

“Zahˇ dawˬ kʼoꞈ dawˬ heu deuˬ-ahˇ maˬ ya ngehˇ leˇ ni, naw maꞈ-euˬ nui ma laꞈ kʼoeˇ yaw muiˬ paˬ-ehˇ juiˇ taˬ-awˬ. Aˬ myah luꞈ noeˬ keuˆ-eu gʼaˇ duˬ, zahˇ dawˬ kʼoꞈ dawˬ heu deuˬ naw maꞈ-euˬ laꞈ du-ahˇ paꞈ-awˇ, naˇ kʼawˇ-ahˇ geuꞈ taˬ gʼeh-awˬ.

Dawˬmehˬ 22:12

“Nawˬ-euˬ mehˬ tsoeˬ-euˬ mehˬ dzaˬ laꞈ coeˇ oeˬ coeˇ luꞈ-ahˇ, dawˬ sheuˇ ya guꞈ tsoꞈ meh.

Dawˬmehˬ 6:8

Kʼoeˇ deuˬ-ahˇ maˬ ya ngehˇ-eu gʼaˇ duˬ, naw maꞈ-euˬ laꞈ du-ahˇ paꞈ-awˇ, naw maꞈ-euˬ naˇ kʼawˇ-ahˇ geuꞈ-awˬ.

Piˇliˇpiˆ 1:15

Maˇ maˇ ni ehˇ naˇ, tiˬ paˆ na deuˬ-aˬ, aˬ cawˬ-ahˇ myaˆ naˆ-awˇ ceh dzaˬ mawꞈ-eu nui ma ahˇ-eu miˇ neh Ka li gaˇ kawˆ mehˬ-eu jeˬ pyeuꞈ-eu meh. Ehˇ kʼawꞈ, tiˬ paˆ na deuˬ-aˬ, maˇ maˇ ni nui ma keuˆ-eu laꞈ kʼoeˇ mehˬ-eu meh.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.