Maꞈtehˬ 23:2 - Akha

² “Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˇsehˇ deuˬ-aˬ, Moˇseˬ-euˬ Zahˇ dawˬ kʼoꞈ dawˬ-ahˇ dawˬ tsuiꞈ yuˇ doˆ-eu aˬ kawˬ-aˬ za taˬ-euˬ tsawˇ haˬ deuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Zanr maeq-eu deuq hawr-eu Paqliqsaer deuq-aq, Morseq-euq nuirduq-anr nuirluf-eu mae.

Maꞈtehˬ 23:2 Iomraidhean Croise

Eˇzaˬlaˬ 7:25

“Eˇzaˬlaˬ nawˇ gʼaˬ-aˬ, nawˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ gʼoe-awˇ dehꞈ luꞈ-eu Uˇpaˬlaˇ lawˇ baˬ nahˇ ma doˆ kʼehˬ paw kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, nawˬ-euˬ Miˬyehˇ neh nawˬ-ahˇ biꞈ taˬ-euˬ zaˬ siˬ tsawˇ gahˇ-ahˇ gʼoe-awˇ, uˆ lahˇ-eu deuˬ hawˇ-eu yaˇ kʼaˬ daˇ-eu deuˬ tseˇ doˆ-awˬ. Zahˇ dawˬ kʼoꞈ dawˬ-ahˇ maˬ siˬ-eu tsawˇ haˬ deuˬ-ahˇ nawˇ zahˇ dawˬ kʼoꞈ dawˬ mehˬ nehˬ-awˬ.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Maꞈtehˬ 23:3

Kʼoeˇ miˇ neh, aˬ yawꞈ maꞈ kʼaˇ ehˇ-eu yawˬ jeˬ na luꞈ-ahˇ, naw maꞈ naˇ haˬ-awˇ ya caw teh meh. Ehˇ kʼawꞈ, aˬ yawꞈ maꞈ mˇ gaˇ shaˇ gaˇ naw maꞈ taˬ dzaw geuꞈ. Aˬ jeˬ miˇ neh ehˇ naˇ, aˬ yawꞈ maꞈ mehˬ-eu tsoˆ-eu loꞈ-ehˇ, aˬ yawꞈ maꞈ maˬ mˇ maˬ shaˇ-a.

Maˬkuˆ 12:38

Aˬ yawꞈ mehˬ-eu tsoˆ-eu laꞈ kʼoeˇ, heu loꞈ-ehˇ ehˇ-eu meh. “Pehˇ kʼahˬ pehˇ mahˇ dm dm-ehˇ cah-awˇ, lehˆ kawˆ doe ni aˬ cawˬ yaw zeu baw nehˬ-eu jeˬ-ahˇ geuꞈ mawꞈ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ-ahˇ yahˇ-awˬ.

Luˇkaꞈ 20:46

“Pehˇ kʼahˬ pehˇ mahˇ dm dm-ehˇ cah-awˇ, lehˆ lehˆ kawˆ doe ni aˬ cawˬ yaw zeu baw nehˬ-eu jeˬ-ahˇ geuꞈ mawꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-ahˇ yahˇ-awˬ. Aˬ yawꞈ maˬ-aˬ, uˬ duˬ tahˬ nymˇ laꞈ kʼoeˇ hawˇ-eu bawˬ-iˬ gʼeh gaˇ, aˬ cawˬ taꞈ-ehˇ muiˬ dzehˬ-eu nuiˇ duˬ deuˬ-ahˇ nuiˇ mawꞈ-eu meh.

Dawˬmehˬ 33:3

Aˬ yawꞈ-euˬ tsawˇ haˬ heu deuˬ-ahˇ, Sahˬpaˬ Miˬyehˇ gaˬ-eu miˇ neh, ngehˬ gʼeh dah teˬ haw piˇ-eu meh. Aˬ kuiˇ uˬ moˆ tah uˇ leˇ-awˇ, yawꞈ-euˬ ehˇ dawˬ aˬ dui geuꞈ ma.