Maꞈtehˬ 23:19 - Akha

¹⁹ Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Myavbaef baef-eu aqdzawq argan deuq-or! Aqgeu jeq huiqdzaeq-eu la? Lawrnaeq-eu jeq huiqdzaeq-eu la lor? Maqngeur nar-aq, lawrnaeq-eu jeq-anr bimuiq bi shawrlar-eu lawrduq huiqdzaeq-eu la laq?

Maꞈtehˬ 23:19 Iomraidhean Croise

Doˆ-iˇ 29:37

Shiꞈ nah keuˆ ni, aˬ yawꞈ nah yawꞈ kʼoeˇ loꞈ-ehˇ jahˇ-awˬ. Kʼoeˇ ngeh, lawˇ duˬ kʼoeˇ muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu aˬ geu gʼaˬ maˬ kaˬ, aˬ geu jeˬ maˬ kaˬ, muiˬ-eu shawˇ-eu jeˬ-euˬ baoˬ baˬ da neh, guˬ leˇ tehꞈ-a.

Doˆ-iˇ 30:29

Myawˬ kʼoeˇ deuˬ-ahˇ, kʼoeˇ loꞈ-ehˇ jahˇ-awˇ a nehˬ ngeh, maˇ maˇ ni muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, nui jeˬ aˬ geu jeˬ maˬ kaˬ, yaw muiˬ yaw shawˇ-euˬ baoˬ kʼoeˇ baˬ da neh, guˬ leˇ tehꞈ-a.

Haˬgaiˇ 2:12

Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.

Maꞈtehˬ 23:17

Myaˆ behꞈ behꞈ-eu aˬ dzawˬ aˇ gah deuˬ-oˇ, aˬ geu jeˬ huiˬ dzehˬ ta. Shuiˇ huiˬ dzehˬ ta loˇ. Shuiˇ-ahˇ Miˬyehˇ gʼaˇ duˬ bi muiˬ bi shawˇ laˇ-euˬ Uˬ duˬ tahˬ nymˇ nymˇ ma huiˬ dzehˬ ta loˇ.

Maꞈtehˬ 23:18

‘Tsawˇ haˬ tiˬ gʼaˬ na, lawˇ duˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ kʼawꞈ tiˬ jeˬ-iˬ maˬ ngeuˇ-a. Ehˇ kʼawꞈ, lawˇ duˬ kʼoeˇ taˆ lawˇ-euˬ jeˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ, naw maꞈ paˇ mehˬ-eu meh.

Maꞈtehˬ 23:20

Kʼoeˇ miˇ neh, tsawˇ haˬ tiˬ gʼaˬ lawˇ duˬ-ahˇ gʼoe-awˇ kamˬ naˇ, lawˇ duˬ hawˇ-eu lawˇ duˬ kʼoeˇ taˆ kʼaˇ lawˇ taˬ-euˬ jeˬ dawˬ tawˆ luꞈ-ahˇ gʼoe-awˇ kamˬ-eu meh.