Maꞈtehˬ 22:8 - Akha

⁸ Kʼoeˇ naˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-eu, ‘Oeˇ mˇ baˇ-eu dah laˇ-euˬ meh. Ehˇ kʼawꞈ, kuˇ taˬ-euˬ tsawˇ haˬ deuˬ oeˇ mˇ baˇ-eu bawˬ-iˬ heu-ahˇ laˇ-eu maˬ geuˇ nga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoernar-aq, sanqpaq khoerghaq, aqyawf-euq kuirlaf zaqkhav-anr heulof-aer aernaeq-euq mae, ‘Oermr bar-eu yawbui yawmuiq-aer laeqhmq taq-euq ma. Aerkhawf, kurtaq-euq tsawrhaq deuq maqgeux nga.

Maꞈtehˬ 22:8 Iomraidhean Croise

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Maꞈtehˬ 22:9

Kʼoeˇ miˇ neh, gaˇ jawˬ doe ni iˇ-awˇ, kʼaˇ mawˇ le-eu tsawˇ haˬ deuˬ-ahˇ, oeˇ mˇ baˇ-eu bawˬ-iˬ gʼeh gaˇ laˇ-awˬ lehˇ kuˇ laˬ-iˇ-awˬ.’

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Luˇkaꞈ 20:35

Ehˇ kʼawꞈ, gʼoꞈ dehꞈ laˇ-eu geuˇ-awˇ, aˬ kaˇ kaˇ ziˇ laꞈ kʼoeˇ ya dehꞈ ya jawˇ-eu tsawˇ haˬ deuˬ-aˬ, sheuˬ dahˬ dzaˬ taꞈ-eu maˬ paˇ baw meh.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

2 Teˇsaˬloˇni 1:5

Miˬyehˇ-aˬ, dawˇ coe ni yaˇ kʼaˬ daˇ-awˇ, naw maꞈ kʼoeˇ loꞈ-ehˇ ya daˬ-eu ba da neh aˬ yawꞈ-euˬ miˇ kʼahˬ-ahˇ geuˇ-eu tsawˇ haˬ pyeuꞈ laˇ-eu gaˇ kawˆ, naw maꞈ daˬ luꞈ-eu kʼoeˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Miˬyehˇ Miˇkʼahˬ-ahˇ geuˇ-eu tsawˇ ha pyeuꞈ laˇ ni naw maꞈ daˬ luꞈ-eu meh.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Panmaeq 3:4

Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.