Maꞈtehˬ 22:4 - Akha

⁴ Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Sanqpaq khoerghaq, kuirlaf zaqkhav nuideuq-anr par khaerghae-awr, ‘Nawmaf, kurtaq-euq khoerdeuq-anr daqyan kur-ir-awq laer aernaeq-euq, “Dzaqbyawr lavdawv ghaq-euq ma. Mawrner hawr-eu jeqzaq yawtsur deuq saef-awr, yawqjeq navluf yawmuiq paq-aer laeqhmqdan taq-euq ma. Oermr bar-eu gar lar-awq.” ’

Maꞈtehˬ 22:4 Iomraidhean Croise

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Dawqdaq 15:17

Bye-eu tsawˇ haˬ nehˬ-ehˇ mawˇ neˇ sehꞈ dzaˬ-eu-aˬ, gʼoeˇ-eu tsawˇ haˬ nehˬ-ehˇ dzaˇ nyoeˇ dzaˬ-euˬ maˬ tawˬ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Maꞈtehˬ 21:36

Aˬ gaꞈ yaˇ kmˇ-euˬ yaw sahˇ kʼoeˇ gʼaˬ, yaw beh poˆ myaˆ maˬ tseˇ zaˬ kʼaˆ paˇ kʼehˇ gʼeh-euˬ meh. Kʼoeˇ ngeh poˆ kʼawꞈ, aˬ yawꞈ maꞈ neh yaw beh poˆ loꞈ-ehˇ paˇ bi jahˇ-euˬ meh.

Maꞈtehˬ 22:5

Ehˇ kʼawꞈ, kuˇ taˬ-euˬ tsawˇ haˬ kʼoeˇ deuˬ kuˇ-euˬ gaˇ tiˬ pawꞈ-iˬ maˬ taˬ huiˬ ni, tiˬ paˆ na deuˬ yaˇ ngeh iˇ-awˇ, tiˬ paˆ na deuˬ jeˬ gaꞈ gaꞈ-iˇ-euˬ meh.

Maꞈtehˬ 22:8

Kʼoeˇ naˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-eu, ‘Oeˇ mˇ baˇ-eu dah laˇ-euˬ meh. Ehˇ kʼawꞈ, kuˇ taˬ-euˬ tsawˇ haˬ deuˬ oeˇ mˇ baˇ-eu bawˬ-iˬ heu-ahˇ laˇ-eu maˬ geuˇ nga.

Luˇkaꞈ 14:17

Hawˬ byawˇ lawˇ-eu aˇ yamˬ keuˆ laˇ ngeh, kuˇ taˬ-euˬ tsawˇ haˬ deuˬ jawˇ gaˇ aˬ yawꞈ-euˬ zaˬ kʼaˆ deuˬ kʼehˇ gʼeh-awˇ,‘Lehˬ hmˬ dah gʼaˬ-euˬ ma. Laˇ-awˬ’ lehˇ bi ehˇ gaˬ-iˇ-euˬ meh.

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.