Maꞈtehˬ 22:3 - Akha

³ Aˬ yawꞈ-euˬ zaˬ kʼaˆ deuˬ-ahˇ pyehˬ gʼeh-awˇ, oeˇ mˇ baˇ-eu bawˬ-iˬ-ahˇ bi laˇ-eu gʼaˇ duˬ kuˇ taˬ-euˬ tsawˇ haˬ deuˬ-ahˇ bi kuˇ laˬ-iˇ-euˬ meh. Ehˇ kʼawꞈ, aˬ yawꞈ maꞈ maˬ laˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-euq kuirlaf zaqkhav deuq-anr khaerghae-awr, kurtaq-euq tsawrhaq-anr bi kurlaq-ir-euq mae. Aerkhawf, aqyawfmaf maq larmawf-eu mirnae maqlar-aq.

Maꞈtehˬ 22:3 Iomraidhean Croise

Jaceuq 68:11

Sahˬpaˬ Miˬyehˇ dawˬ biꞈ gʼeh leꞈ-awˇ, zaˬ miˬ zaˬ deuˬ dawˬ kʼoeˇ ja gaˬ-eu meh.

Iˇsaˬyaˇ 30:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. “Ngaˇ jawˇ gaˇ gʼoꞈ laˇ-awˇ gʼaˬ naˬ naˬ laˇ-awˬ. Guˆ-eu gaˆ-eu jeˬ-ahˇ naw maꞈ dzeuˇ-iˇ tehꞈ-a. Ciˬ cuˇ ni jawˇ-awˇ ngaˬ-ahˇ gʼoe ngeh, naw maꞈ gʼaˬ ahˇ laˇ tehꞈ-a. Ehˇ kʼawꞈ, naw maꞈ kʼoeˇ loꞈ-ehˇ maˬ geuꞈ-a.

Yeˬlaˬmiˇ 25:4

Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-euˬ deuˬ-ahˇ, naw maꞈ jawˇ gaˇ maˬ tsehˆ leˇ ni pyehˬ gʼeh leꞈ kʼawꞈ, naw maꞈ naˬ bawˇ maˬ ciˬ kʼmˇ-a.

Yeˬlaˬmiˇ 35:15

Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.

Hawˇseˬ 11:2

Ehˇ kʼawꞈ, ngehˬ kuˇ ngehˬ iˇ iˇ-awˇ, ngaˬ-ahˇ gaˇ mahˇ kaˬ-iˇ-euˬ meh. Baˬlaˇ miˬyehˇ-ahˇ lawˇ nehˬ-awˇ, tahˬ pahˬ aˬ ma mawˇ kawˇ deuˬ-ahˇ, tsiˇ yaw saw doꞈ damˬ nehˬ-euˬ meh.

Hawˇseˬ 11:7

Ngaˬ-ahˇ byehˇ-awˇ cehˆ-eu gʼaˇ duˬ, ngaˬ-euˬ tsawˇ haˬ zeuˆ pyawˇ-euˬ meh. Kʼaˆ baꞈ kah dui dui-eu miˇ neh, aˬ yawꞈ maꞈ guˇ guˇ-ehˇ ngoeˇ kʼawꞈ, baꞈ ka nehˬ-eu gʼaˬ maˬ jawˇ-aˇ.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 15:28

Dawˬ kʼoeˇ dawˬ-ahˇ ya gaˬ ngeh, aˬ li aˬ yuiꞈ kʼoeˇ gʼaˬ nui ma pehˇ dui dui laˇ-awˇ, iˇ kahˇ laꞈ kʼoeˇ maˬ gʼoꞈ uˇ leˇ-a. Aˬ da gʼaˬ doˆ le-awˇ, iˇ kahˇ laꞈ kʼoeˇ gʼoꞈ uˇ laˇ-awˬ lehˇ gʼaˇ duˬ shaˇ dui dui-euˬ meh.

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Yoˇhaˬ 5:40

Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

Lormav 10:21

Ehˇ kʼawꞈ, Iˇsaˬleˬlaˆ tawˇ jeuˬ gaˇ kawˆ aˬ yawꞈ heu loꞈ-ehˇ ehˇ taˬ-euˬ meh. “Ngaˬ-euˬ ehˇ dawˬ maˬ naˇ haˬ-ehˇ ngaˬ-ahˇ puiˬ luꞈ-eu tsawˇ jeuˬ-ahˇ ha geuꞈ-eu gʼaˇ duˬ, ngaˬ-euˬ aˬ laꞈ nah ga-ehˇ cawˬ ja taˬ-euˬ ma.”

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 9:15

Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

1 Saˬmeuˬlaˆ 9:13

Naw nyaꞈ meuˬ-ahˇ le uˇ ngeh, gawˬ duˇ-ahˇ laˆ dawˆ taˬ-euˬ dzaˬ byawˇ dzaˬ leˇ-eu lehˇ aˬ yawꞈ maˬ le mi naˆ-ehˇ, aˬ yawꞈ-ahˇ ya mawˇ tehꞈ-a. Aˬ yawꞈ maˬ le keuˆ kʼoeˇ keuˆ ni, tiˬ gʼaˬ-iˬ maˬ dzaˬ maˬ dawˇ ni dawˬ luꞈ tehꞈ-a. Aˬ jeˬ miˇ neh ehˇ naˇ, lawˇ-eu shehˇ-eu jeˬ-ahˇ aˬ yawꞈ dawˬ ngehˬ ya gʼeh nehˬ-eu meh. Kʼoeˇ sawˇ miˇ tsa hawˇ-eu, kuˇ taˬ-euˬ tsawˇ haˬ deuˬ dzaˬ dahˬ dawˇ dahˬ beh-eu meh. Nymˬ-mˇ yaw kawˇ-ehˇ le gʼeh leꞈ-awˬ. Naw nyaꞈ aˬ yawꞈ-ahˇ ja pyuˬ ni ya tahˬ puˬ tehꞈ-a.”