Maꞈtehˬ 21:5 - Akha

⁵ “Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Ziroq-euq zaqmiq-anr heulof-aer aernaeq-awq, ‘Hawsher-eq, nawq-euq Sanqpaq nuima nanqyuni, manq tanqlav-anr dziq-awr oeluf ngar-a, Manq tanqlavzaq-anr dziq-awr, nawr jawr-eu gar oeluf-eu mae.’ ” (Isy 62:11; Zkl 9:9)

Maꞈtehˬ 21:5 Iomraidhean Croise

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

2 Saˬmeuˬlaˆ 16:2

“Nawˇ teu tawˬ-awˇ aˬ jeˬ gʼeh laˇ teˬ” lehˇ sahˬ paˬ naˇ haˬ ngeh, Ziˇbaˬ ehˇ-eu, “Mahˬ tahˬ laˆ heu deuˬ-aˬ, nawˬ-euˬ miˬ sawˇ zaˬ deuˬ bi dziˬ-eu gʼaˇ duˬ ma. Kaˬ muˇ hawˇ-eu aˇ siˬ aˇ lu heu deuˬ-aˬ, nawˬ-euˬ tsawˇ haˬ deuˬ bi dzaˬ-eu gʼaˇ duˬ pyeuꞈ-awˇ, aˬ gaꞈ dzaˇ uiˇ heu-aˬ, bawˇ tsahˬ bawˇ dahˇ laꞈ kʼoeˇ gaˇ ma cah doeˇ-euˬ tsawˇ haˬ deuˬ bi dawˇ-eu gʼaˇ duˬ ma.”

1 Sahˬpaˬ 1:33

Aˬ yawꞈ maꞈ-ahˇ sahˬ paˬ ehˇ nehˬ-eu, “Ngaˬ-euˬ saˇ naˇ gaˇ mˇ-eu yaw huiˬ yaw mahˇ deuˬ-ahˇ naw maꞈ sheuˬ-awˇ, ngaˬ li Sawˇlaˬmoˬ-ahˇ ngaˬ-euˬ mahˬ shaˆ lawˬ bi dziˬ-awˇ, Giˇhoˬ iˇ cuꞈ lawˇ gawˆ-ahˇ sheuˬ gʼeh-awˬ.

1 Sahˬpaˬ 10:26

Sawˇlaˬmoˬ-aˬ, mahˬ laˆ lawˬ tiˬ heˇ oeˬ yaˇ laˇ hawˇ-eu, dziˬ mahˬ tiˬ muiˇ nyiˬ heˇ mawˇ poˆ uiˬ taˬ-euˬ meh. Yeˬluˇsaˬlehˬ meuˬ laꞈ kʼoeˇ tiˬ deuˬ bi jawˇ-awˇ, meuˬ gʼawˬ mya meuˬ-ahˇ tiˬ deuˬ bi jawˇ-euˬ meh.

Jaceuq 9:14

Yeˬluˇsaˬlehˬmehˬshi yawꞈ-awˇ, gaˇkawˆheu dzawˇmehˬ-eu laꞈkʼoeˇ, nawˬ-ahˇbi ja ceuˬnehˬlaꞈ-awˬ. Nawˇka kʼoꞈnehˬlaꞈ-euˬ miˇ neh, ngaˇlaˬkʼaˬcehˇ nui kʼahˇshiˇma.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 40:9

Yeˬluˇsaˬlehˬ-oˇ, gawˬ jawˬ yaw goˇ-ahˇ daˆ leˇ-awˇ, laˬ kʼaˬ cehˇ-eu guiˬ lahˬ dawˬ guˇ gaˬ-awˬ. Ziˇoˬ gawˬ jawˬ-oˇ, teˇ saˇ yaw kʼaˆ kʼaˆ-ehˇ guˇ-awˇ, laˬ kʼaˬ cehˇ-eu guiˬ lahˬ dawˬ tsaꞈ gaˬ-awˬ. Maˬ guˆ ni dawˬ tmˇ dawˬ dzawˇ mˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, aˬ yawꞈ maꞈ-euˬ Miˬyehˇ oe luꞈ meh lehˇ ehˇ gaˬ nehˬ-awˬ.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Yeˬsaˬgeˬlaˇ 34:24

Sahˬpaˬ Miˬyehˇ-aˬ, aˬ yawꞈ maꞈ-euˬ Miˬyehˇ pyeuꞈ-awˇ, ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a lehˇ ngaˇ ehˇ taˬ-euˬ ma.

Yeˬsaˬgeˬlaˇ 37:24

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a. Sahˬ paˬ tiˬ gʼaˬ uˆ lahˇ-eu uˬ moˆ, aˬ yawꞈ maꞈ dawˬ tawˆ luꞈ nui ma gm-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ tehꞈ-a.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Bawˇtsahˬ 24:19

Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ pyeuꞈ-iˇ ngeh keuˆ ni deuˆ tehꞈ-a.”

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Maꞈtehˬ 2:2

Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Maꞈtehˬ 2:6

‘Behˬlehˬhehˬ-oˇ, Yuˇdaˆ meuˬ deuˬ laꞈ kʼoeˇ, nawˇ maˬ nyiˇ teˬ dzehˬ-a. Aˬ jeˬ miˇ neh ehˇ naˇ, ngaˬ-euˬ tsawˇ jeuˬ pyeuꞈ-eu, Iˇsaˬleˬlaˆ kʼoeˇ taˆ, sheuˬ gʼeh uˆ lahˇ-eu gʼaˬ, nawˬ-euˬ laꞈ kʼoeˇ doˆ laˇ tehꞈ-a.”’

Maꞈtehˬ 21:6

Zaˬ lahˇ kʼoeˇ nyiˬ gʼaˬ le-awˇ, Yeˬsuˇ neh ehˇ nehˬ-euˬ loꞈ-ehˇ jahˇ leˇ-euˬ meh.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Dawˬmehˬ 17:16

Sahˬ paˬ geuꞈ-eu gʼaˬ-aˬ, aˬ yawꞈ-euˬ guiˇ guiˇ maꞈ gʼaˇ duˬ mahˬ gʼawˬ mya ni maˬ ya cu-a. Iˇjiˇtuˆ miˇ kʼahˬ-ahˇ aˬ yawꞈ-euˬ tsawˇ haˬ pyehˬ gʼeh-awˇ mahˬ maˬ ya bi zeuˇ laˬ-iˇ-a. Aˬ jeˬ miˇ neh ehˇ naˇ, aˬ yawꞈ-euˬ tsawˇ haˬ deuˬ kʼoeˇ gaˇ tiˬ jawˇ-iˬ maˬ paˇ ya gʼoꞈ poˆ-iˇ meh lehˇ Sahˬpaˬ Miˬyehˇ neh ehˇ taˬ-euˬ jaˆ-eu meh.

Yaˇ kʼaˬ daˇ 12:14

Aˬ yawꞈ-euˬ aˬ li oeˬ tseˇ li jawˇ-awˇ, oeˬ paˬ smˬ tseˇ gʼaˬ jawˇ-eu meh. Aˬ li kʼoeˇ deuˬ hawˇ-eu oeˬ paˬ kʼoeˇ deuˬ, mahˬ tahˬ laˆ shiꞈ tseˇ mawˇ dziˬ-euˬ meh. Aˬbaˬdoˬ-aˬ, Iˇsaˬleˬlaˆ tsawˇ jeuˬ-ahˇ yehꞈ kʼoꞈ sheuˬ gʼeh-euˬ meh.

Yaˇ kʼaˬ daˇ 5:10

Pyuˇ deuˬ ni gʼeh-eu mahˬ tahˬ laˆ dziˬ-awˇ, dziˬ gʼa kʼoeˇ taˆ nuiˇ luꞈ-eu deuˬ maˬ ehˇ, kʼaˇ iˇ kʼaˇ laˇ gaˇ kuiˇ zoˬ cah-eu deuˬ maˬ ehˇ, gaˇ kawˆ heu shaˇ noeˬ haw sheˇ.